Siyasət

Şahid: Almaniyaya getmək üçün mənə AXCP üzvü olmağım barədə saxta arayış verdi

6 İyul, 2022
1678

Açıq mənbələrdən götürülüb

“Sənədlərin hazırlanması üçün Ramin Hacılıya 4500 manat pul verdim. Sənədlər arasında AXCP üzvü olmağım barədə arayış da var idi. Ancaq belə heç bir partiyanın üzvü deyiləm”.

Bunu iyulun 6-da Azərbaycan Avropa Hərəkatının həbsdə olan rəhbəri Ramin Hacılının məhkəməsində şahid qismində dindirilən Elnur Qəmbərov dedi. O, bu sənədlərin ona Almaniyaya getmək üçün lazım olduğunu söylədi.

Bakı Ağır Cinayətlər Məhkəməsində hakim Azad Məcidov şahiddən Almaniyaya getməsinin səbəblərini soruşdu. O bildirdi ki, azyaşlı övladı xəstədir, məqsədi onu Almaniyaya apararaq müalicə etdirmək olub:

“Burda müalicələr təsir etmirdi, məcbur oldum ki, Almaniyaya getməyin yollarını tapım. Soraqlayıb bu şirkəti tapdım, Ramin Hacılı mənə sənədlərin toplanmasında kömək etdi”.

https://toplum.tv/sosial/ramin-hacili-bu-gunden-quru-acliga-baslayiram

Elnur Qəmbərov həmin sənədlərlə Almaniyaya getdiyini və bir müddətdən sonra Azərbaycana qayıtdığını dedi.

Məhkəmə onun qayınatası Nazim Qəmbərovu da şahid kimi dindirdi. O da deyilənləri təsdiqlədi. Bildirdi ki, Elnur Qəmbərovdan sonra digər kürəkəni Anar Abdullayev də Ramin Hacılının köməkliyi ilə xarici ölkələrə gedib:

“Elnurun sənədləri asanlıqla düzəldiyinə görə digər kürəkənim də qərara gəldi ki, Ramin Hacılıyla görüşüb sənədlərin toplanmasında kömək istəsin. Ramin Hacılı ona da AXCP üzvü olması ilə bağlı arayış düzəltdi”.

Hakimin suallarına cavabında o, bu sənədlərə görə Ramin Hacılıya 6 min manat verdiyini qeyd etdi.

Şahid qismində dindirilən Rövşən Muradovsa dedi ki, ABŞ-a getmək üçün soraqlayaraq Ramin Hacılını tapıb.

“Nə bank hesabım vardı, nə də rəsmi iş yerim... 1000 manat verdim, Ramin Hacılının tapşırığıyla işçiləri hamısını həll etdilər. Amerikada qalsaydım, mənim üçün də AXCP-dən dəstək məktubu vardı. Ancaq Azərbaycana qayıtdım deyə o məktubdan istifadə etmədim”.

Hakim “O sənədi sizə kim vermişdi?” soruşduqda şahib belə cavab verdi: “Ofisdən kimsə vermişdi”.

Bundan sonra Ramin Hacılı əsəbiləşərək ayağa qalxdı: “Bu işlərdən xəbərim olmayıb. Mən heç kimə belə arayış, məktub verməmişəm. Bizə verilən pulun qarşılığında səfirliyə təqdim edilən sənədlər hazırlanırdı. Viza üçün səfirliyə təqdim olunan sənədlərdə isə partiya məktubu olmur. Hər şey ortaya çıxacaq, məlum olacaq ki, mən həbsdə olanda işçilərim nələr ediblər”.

Təqsirləndirilən şəxsin vəkili Rəşad Əliyev ötən dəfəki məhkəmə iclaslarında qaldırdığı vəsatətə qayıtdı. O, yenə məhkəmədən Ramin Hacılının tibbi ekspertizadan keçirilməsini xahiş etdi: “Müvəkkilimin onkoloji xəstəliyə tutulmasından şübhələrimiz var. Bu adam iki ay ərzində 30 kiloqram çəki itirib”.

Hakim vəsatəti təmin etmədi, nöbəti məhkəmə iclasını isə iyulun 13-nə təyin etdi.

İttihama görə, “No Border Travel Agency” MMC-nin rəhbəri Ramin Hacılı, “Gəncliyin Elmi-Mədəni İnkişafı” ictimai birliyinin sədri Sərdar İsgəndərov, “Yes Travel” MMC-nin vəzifəli şəxsləri Sərxan Abdullayev, Üzeyir Bağırlı, “HMH Baku Travel” MMC-nin rəhbəri Nərminə Dadaşova, Zakir Əmirov, Əziz Səfərəliyev, Akif Əsədov külli miqdarda qazanc əldə etmək məqsədi ilə ABŞ, Kanada və Avropa ölkələrinə səfər etmələri üçün Azərbaycan Respublikasının vətəndaşlarına viza alınması və səfər etdikləri ölkələrdə mühacir statusu alaraq yaşaya bilmələri üçün sənədlər, tibbi arayışı saxtalaşdırıb satmaqla, onlara müraciət etmiş şəxslərin qanunsuz miqrasiyalarını təşkil ediblər.

Ramin Hacılı ittihamları qəbul etmir.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo