Siyasət

Saleh Rüstəmlinin ailəsi onun hara aparılmasından xəbərsizdir, həbsxana rəisi isə…

Şəhla Kərim
7 Noyabr, 2021
1079

Sosial Media

Bir qədər əvvəl Saleh Rüstəmlinin oğlu Sezgin Rüstəmov atasının “tubzon” kimi tanınan  3 saylı İxtisaslaşdırılmış Müalicə Müəssisəsinə yerləşdirilməsi haqqında yazıb.

"Atamın ədliyyə nazirliyinin xüsüsi təyinatlılar tərəfindən "tubzona" aparıldığı ilə bağlı məlumat əldə etmişik. Orada onu xəstəliyə yoluxdurub ölüm həddinə çatdırmaq istəyirlər" - "Feysbuk" hesabında yazan Sezgin Rüstəmov belə iddia edir.

İstirahət günü və axşam saatı olduğu üçün "Toplum TV" deyilənləri rəsmi qurumlarla dəqiqləşdirə bilməyib. Amma Saleh Rüstəmovun olduğu 13 saylı cəzaçəkmə müəssisəsinin rəhbəri  Çingiz Sadıqov "Toplum TV"-yə onun Penitensiar Xidmətin Müalicə Müəssisəinə köçürüldüyünü söyləmişdi.  

Sezgin Rüstəmov atası ilə görüş imkanının yaradılmasını tələb edir.

Gədəbəy rayonunun keçmiş icra başçısı, beynəlxalq qurumların siyasi məhbus kimi təqdim etdiyi  Saleh Rüstəmlinin 13 saylı cəzaçəkmə müəssisəsindən naməlum yerə aparıldığı deyilir. Bu barədə onun oğlu Sezgin Rüstəmov “Feysbuk” hesabında yazıb. 

“Mənə dedi ki, ya burdan mənim meyitimi çıxaracaqsınız, ya da məni buraxacaqlar”, - Saleh Rüstəmlinin qardaşı Taleh Rüstəmli “Toplum TV”-yə belə deyir.

O, qardaşının aclıq aksiyasına başladığına görə, cəzaçəkmə müəssisəsindən aparıldığını bildirir.

“Dünən mənə zəng etmişdi, aclığa başlayacağını söylədi. Bu gün isə dustaq yoldaşlarından biri zəng vurub Salehin türmədən naməlum yerə aparıldığını dedi. Düşünürəm ki, digər məhbusların qardaşımla birgə aksiyaya qoşulmaqlarının qarşısını almaq üçün onu başqa yerə aparıblar”.

Taleh Rüstəmli 13 saylı cəzaçəkmə müəssisəsinin rəisi Çingiz Sadıqovla əlaqə saxladığını və belə  bir cavab aldığını deyir: “Biz dünən Saleh Rüstəmli ilə danışdıq ki, aclığı buraxsın, razı sala bilmədik, ona görə də məcbur olub apardılar”.

Çingiz Sadıqov “Toplum TV”-yə qısa açıqlama verib: “Saleh Rüstəmli bizə müraciət etdi ki, səhhətimlə bağlı problem var, bayram günlərinə düşməyindən narahatam. Ona görə bizim müəssisədən Penitensiar Xidmətin Müalicə Müəssisəsinə köçürülüb. Hazırda maraqlanmışıq, səhhətində heç bir ciddi problem yoxdur”.

T.Rüstəmlinin söylədiyinə görəsə, cavab əsassızdır, qardaşının səhhətində heç bir problem yoxdur. 

Saleh Rüstəmlinin vəkili Bəhruz Bayramovun sözlərinə görə, o Penitensiar Xidmətin əməkdaşları tərəfindən aparılıb, amma hara aparıldığı haqda o da məlumatsızdır.

“Rəsmi ərizə yazıb aclıq aksiyasına başlayacağını mənə bildirmişdi. Dünən axşam da Penitensiar Xidmət onu cəzaçəkmə müəssisəsindən aparıb. Amma hara aparıblar, niyə aparıblar, bilinmir. Nə Penitensiar Xidmət, nə də Ombudsman Aparatı zənglərimə cavab verir”. 

Penitensiar Xidmətin İctimaiyyətlə Əlaqələr Şöbəsinin rəisi Mehman Sadıqov işdə olmadığını,  bayramdan sonra mövzu haqqında danışa biləcəyini söyləyir. 

Taleh Rüstəmlinin dediyinə görə, qardaşının aclıq etmək istəməsinə səbəb Amnistiya Aktının ona şamil edilməməsidir. 

“Neçə vaxtdır aclıq etmək istəyirdi, hər dəfə yalvarırdıq ki, etmə. Axır sözü bu oldu ki, bütün hüquqi qapılar mənə bağlandı. Ölkədə bütün hüquqi prosedurlar bitib, hüququ bərpa olunmayıb. Avropa İnsan Haqları Məhkəməsinə də rüşvət verib işi uzadırlar.

Deyir ki, mən türmədən çıxandan sonra Avropa Məhkəməsi mənim işimə pul ayıracaq, o pul mənə lazım deyil. Ya mənim burdan meyitimi gəlib aparacaqsınız, ya da məni buraxacaqlar. Bundan başqa yol yoxdur”.

Qanunsuz sahibkarlıqda və Azərbaycan Xalq Cəbhəsi Partiyasını maliyyələşdirdiyi üçün pul yumaqda ittiham olunan Saleh Rüstəmli 2018-ci ilin mayın 8-də həbs olunub. 2019-cu ilin martında 7 il 3 ay həbs cəzası verilib, Appelyasiya Məhkəməsi cəzanın müddətini 7 il 1 aya endirib.

O da, AXCP də ittihamları rədd edir.   
Noyabrın 5-də Milli Məclis amnistiya aktı qəbul edib. 

Amnistiya aktının 16-17 min adama şamil olunacağı, onlardan 3 min nəfərin həbsxanadan çıxacağı qeyd olunur.

Siyasət

İlham Əliyev Baydenə: Sülh sazişinin imzalanmasına töhfə verə bilərsiniz

4 İyul 2022

"president.az"

"Otuz ildir ki, Azərbaycan Respublikası ilə Amerika Birləşmiş Ştatlarını dostluq və tərəfdaşlıq münasibətləri birləşdirir. Biz ilk gündən ölkəmizin müstəqilliyinə, suverenliyinə və ərazi bütövlüyünə ABŞ-ın dəstəyini yüksək qiymətləndiririk". Bu fikirlər Prezident İlham Əliyevin 4 İyul – Müstəqillik Günü münasibətilə ABŞ Prezidenti Cozef Baydenə ünvanlandığı təbrik məktubunda yer alıb. Məlumatı Azərbaycan Prezidentinin rəsmi saytı - "president.az" yayıb.  Məktubda ikitərəfli əməkdaşlığın uğurla davam etdiyi vurğulanır: "Ölkələrimiz arasında qarşılıqlı faydalı əməkdaşlıq ikitərəfli və çoxtərəfli müstəvidə uğurla davam edir. Beynəlxalq təhlükəsizliyin təmin olunması və terrorizmə qarşı mübarizədə uzun müddətdən bəri davam edən birgə fəaliyyətimiz məmnunluq doğurur. Enerji təhlükəsizliyi məsələlərində ölkələrimizin sıx əməkdaşlığı, həyata keçirdiyimiz irimiqyaslı...
Siyasət

Dövlət Departamenti Azərbaycanla bağlı qərar verdi

4 İyul 2022

Rəsmi səhifə

Dövlət Departamentinin Federal Reyestrin son buraxılışında dərc edilmiş bildirişində deyilir ki, ABŞ Azadlığa Dəstək Qanununun Azərbaycana yardımla bağlı 907-ci maddəsinin tətbiqindən imtina müddətini uzadıb. Xəbəri "Turan"-ın Vaşinqton müxbiri verib. Rəsmi hesabatlara əsasən, ABŞ-ın Azərbaycana istənilən birbaşa yardımını qadağan edən 907-ci düzəlişin dondurulmasına rəsmi icazə dövlət katibinin idarəetmə məsələləri və resurslar üzrə müavini Brayan MakKeon tərəfindən imzalanıb. "Azadlığa Dəstək Qanununa 907-ci düzəlişdən imtinanın uzadılması və Azərbaycan hökumətinə yardımın davam etdirilməsi. Bununla Azadlığa Dəstək Qanununa Azərbaycanla bağlı 907-ci düzəlişdən imtina müddətinin uzadıldığını müəyyən və təsdiq edirəm:  * Bu, ABŞ-ın beynəlxalq terrorçuluğa qarşı mübarizə səylərinə dəstək üçün zəruridir və ya * Beynəlxalq terrorçuluğa...

Seçilmiş Videolar

Toplum TV loqo