Siyasət

Şarl Mişel Brüssel görüşündən sonra spekulyasiyaların olmasına təəssüf edir

1 İyun, 2022
656

Rəsmi səhifə

Avropa Şurası Prezidenti Şarl Mişelin mətbuat katibi Barend Leyts Azərbaycan və Ermənistan arasında baş verən son gərginlik fonunda Ş. Mişelin adından bəyanat verib. 

Mayın 31-də Avropa Şurasının rəsmi saytında yayılan mətndə tərəflərin mayın 22-də Brüsseldə əldə olunan bəyanat barədə spekulyasiya etməməsinə dair çağırış yer alıb. 

"Ermənistan və Azərbaycan arasında ötən günlərdə yaşanan gərginlik fonunda Prezident Mişel Avropa Birliyinin Cənubi Qafqazda yaşayan bütün insanların rifahı naminə regionda təhlükəsizliyi, sabitliyi və əmin-amanlığı təşviq etmək üçün hər iki ölkə ilə əməkdaşlığı dərinləşdirməyə sadiq olduğunu vurğulayıb.  

O, mayın 24-də hər iki ölkənin Sərhəd Komissiyalarının ilk tarixi iclasını alqışlayıb və delimitasiya davam etdiriləcəyi üçün Ermənistan və Azərbaycan arasında dövlət sərhədi boyunca sabitliyin və təhlükəsizliyin təmin edilməsinin mühüm əhəmiyyət kəsb etdiyini qeyd edib.

Prezident Mişel daha geniş mənada vurğulayıb ki, Ermənistan və Azərbaycan arasında münasibətlərin davamlı normallaşması üçün qarşıda duran bütün məsələlərin həlli, o cümlədən gələcək sülh müqaviləsi üzrə müzakirələrin aparılması və münaqişənin köklü səbəblərinin aradan qaldırılması vacibdir. Prezident Mişelin fikrincə, davamlı və ədalətli sülhə şərait yaratmaq üçün birinci Dağlıq Qarabağ müharibəsinə, eləcə də 2020-ci ildə yenidən hərbi əməliyyatlara səbəb olan bütün əsas məsələlər əlaqədar tərəflər tərəfindən həll edilməlidir",  - bəyanatda bildirilib. 

Həmçinin qeyd olunub ki, istənilən münaqişə irsində olduğu kimi - terminologiya bu kontekstdə də xüsusi rol oynayır: "Prezident Mişelin liderlərin 22 may görüşünün yekunlarına dair bəyanatı heç bir şəkildə müzakirələrin əvvəlcədən müəyyən edilmiş nəticəsinin təsdiqi kimi şərh edilməməlidir. Nəhayətdə, ən vacib olan odur ki, bütün məsələlər hərtərəfli həll edilir; bura bütün əhalinin hüquqları və təhlükəsizliyi daxildir.

Mayın 22-də Brüsseldə regionda blokların açılması imkanları xüsusilə müzakirə olunub. Bu mənada hər iki tərəf gələcək nəqliyyat infrastrukturu ilə bağlı heç bir ərazi iddiasının olmadığını təsdiqləyib. Bunun əksi olan spekulyasiyalar təəssüf doğurur".

Bəyanatda o da deyilir ki, Prezident Mişel əhalinin sülhə hazırlanmasının vacibliyini və bu baxımdan ictimai ritorikanın böyük rol oynadığını vurğulayıb: "O, Yerevan və Bakının liderliyini alqışlayıb və danışıqların davam etdirilməsi üçün əlverişli atmosferin təmin edilməsində xoş niyyətlə iştirak etmək niyyətini bəyan edib və AB-nin etimadın möhkəmləndirilməsi tədbirlərinə dəstəyini artırmağa hazır olduğunu bildirib.

AB-nin xüsusi nümayəndəsi Klaar müzakirə olunan bütün aspektləri izləmək üçün yaxın günlərdə bölgəyə səfər edəcək", - deyə bəyanatda qeyd edilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

AXCP üzvünə həbs cəzası verilib

2 Fevral 2023
Azərbaycan Xalq Cəbhəsi Partiyasının üzvü Orxan Baxışlı saxlanılıb.  Toplum TV xəbər verir ki, bu barədə fevralın 2-də fəalın anası Kəmalə Rəhimli məlumat verib.  Onun sözlərinə görə, oğlu səhər işə getmək üçün evdən çıxıb, amma bundan sonra ondan xəbər almaq mümkün olmayıb.  "İşə gəlib çıxmayıb, telefonuna da zəng çatmır. Ola bilsin ki, saxlanılıb. Çünki dünən Bəxtiyar Hacıyevin məhkəməsində müsahibə verərkən onu qıraraqdan polis əməkdaşı çəkirdi", - Kəmalə Rəhimli deyib.  Daxili İşlər Nazirliyinin sözçüsü Elşad Hacıyev "Turan"-a bildirib ki, Baxışlı  İnzibati xətalar Məcəlləsinin 535.1-ci (polisin qanuni tələbinə tabe olmamaqda) təgsirli bilinib və 30 sutka müddətinə həbs edilib. Qərar Xətai məhkəməsi tərəfindən verilib.
Siyasət

Lavrov: Azərbaycan torpaqlarını geri qaytarıb

Toplum TV
2 Fevral 2023

Reuters

"Uzun illər boyunca Ermənistan Azərbaycanın 7 rayonunu işğal altında saxlayıb. Rusiya problemin diplomatik həlli üçün çoxsaylı variantlar təklif etsə də, hələ əvvəlki Ermənistan hökumətləri də bunu çox müsbət qarşılamamışdı. Ermənistanın heç vaxt iddia etmədiyi əraziləri əlində saxlamaq istəyirdi. Ona görə də Azərbaycan özünə məxsus olan torpaqları geri qaytardı". Toplum TV xəbər verir ki, bunu Rusiyanın xarici işlər naziri Sergey Lavrov "Rossiya 24" telekanalına müsahibəsində deyib.  XİN başçısının sözlərinə görə, nə vaxta qədər ki, Ermənistan və Azərbaycan Qafqazda sabitliyin həlli yollarını axtarır, KTMT kömək etməyə hazırdır.  "Ötən ilin sentyabrında baş verən zorakılıqlardan sonra Yerevan təşkilata müraciət etdi. KTMT-nin baş katibi Ermənistan-Azərbaycan...

Seçilmiş Videolar

Toplum TV loqo