Siyasət

"Sarqsyan Azərbaycana qarşı” qərarının icrası ertələndi

10 İyun, 2021
64

Nazirlər Komitəsi Azərbaycanla bağlı bir neçə işi incələyib.

İyunun 7-si və 9-u aralığında Avropa Şurası Nazirlər Komitəsinin (AŞ NK) keçirdiyi 1406-cı görüşdə Avropa İnsan Hüquqları Məhkəməsinin qərarlarının icra durumunu müzakirə edilib.

Toplantıda ümumilikdə 19 qrup işinin icra durumu incələnib.

Bu gün, iyunun 10-da Nazirlər Komitəsi həmin qruplara daxil olan qərarların icra vəziyyəti ilə bağlı qətnamələrini elan edib.

AŞ NK Azərbaycanla bağlı da bir neçə qərarın icra durumunu incələyib. Bunlar Mahmudov və Ağazadə, Məmmədli qrupuna daxil olan, habelə “Sarqsyan Azərbaycana qarşı” qərarlarıdır.

Mahmudov və Ağazadə qrupunda AİHM-in Azərbaycanla bağlı 3 qərarının (“Tağıyev və Hüseynov Azərbaycana qarşı”, “Fətullayev Azərbaycana qarşı”, “Mahmudov və Ağazadə Azərbaycana qarşı”) icrası araşdırılıb. Bu qərarlar ifadə azadlığı hüququnun pozuntusu, böhtan və təhqirə görə cinayət cəzalarının tətbiqi ilə bağlıdır.

AŞ NK-nın qərarında Azərbaycan hökuməti böhtan və təhqirə görə cinayət cəzalarını ləğv etməyə çağırılıb.

“Qanunvericilik tədbirlərinin görülməsi, özəlliklə, Cinayət Məcəlləsinin 147.1 və 148-ci maddələrinə dəyişiklik tələb olunur. Eləcə də, diffamasiyaya görə cinayət cəzalarının qeyri-mütənasib tətbiq olunmasından və cinayət qanununun digər müddəalarının özbaşına tətbiq olunmasından irəli gələn məsələləri həll etmək üçün prokurorluq və yerli məhkəmələrin praktikasına, eləcə də Respublika prokurorluğu və icra hakimiyyəti orqanları tərəfindən təqsirsizlik prezumpsiyası hüququnun pozulması praktikasına dəyişikliklərin edilməsi zərururidir”, - AŞ NK-nın qətnaməsində vurğulanır.

AŞ NK-nın Məmmədli işi qrupuna daxil olan qərarların icra durumu ilə bağlı qətnaməsində qərarların təxirəsalınmadan icra edilməsi, ərizəçilərin işlərinə Ali Məhkəmədə yenidən, İ.Məmmədov və R.Cəfərov işlərində müəyyən edilmiş presedentə uyğun olaraq baxılması, hökumətin gərəkli məlumatları iyulun 31-dək Nazirlər Komitəsinə təqdim etməsi istənilir.

Məmmədli işi qrupunda AİHM-in Azərbaycanla bağlı qəbul etdiyi 6 qərarın (Anar Məmmədli, Həsənov və Başqaları, İ.Əliyev, N.Cəfərli, İbrahimov və Məmmədov, X.İsmayılova (2) ilə bağlıdır. Bu qərarlar ərizəçilərin aktiv siyasi və sosial iştirakçılıqlarına, hökuməti tənqidə, insan hüquqları və seçkiləri izləmə sahəsində fəaliyyətlərinə görə Konvensiyanın 18-ci maddəsinə zidd olaraq məhkəməyə qədər həbs edilmələri və azadlıqdan məhrum olunmaları ilə bağlıdır.

AŞ NK “Sarqsyan Azərbaycana qarşı” qərarının icra durumunu ertələyib. Bu qərarın icra durumu “Çıraqov və başqaları Ermənistana qarşı” qərarı ilə birgə, sentyabrda müzakirə olunacaq ("Meydan TV").

Siyasət

Müdafiə Nazirliyi: mütəxəssislər mina xəritələrinin təhlilini aparır

20 İyun 2021

TRT

Müdafiə Nazirliyinin rəsmisi polkovnik-leytenant Anar Eyvazov Ermənistanın Azərbaycana verdiyi Ağdamın minalanmış ərazilərinin xəritəsinin bir qisminin 50, digər qisminin isə 20-30 faiz doğru çıxması ilə bağlı sosial şəbəkələrdə yayılan məlumata aydınlıq gətirib. Müdafiə Nazirliyindən verilən məlumatda qeyd olunur ki, hazırda mütəxəssislər xəritələrin tam təhlilini aparır və bu iş praktiki olaraq ərazidə həyata keçirilir. “Ona görə də indi hər hansı rəqəmi səsləndirmək, xəritələrin tərtibatının standartlara nə dərəcədə uyğun olub-olmaması barədə fikir söyləmək bir qədər tezdir. Bir də söhbət təkcə Ağdamın minalanmış ərazilərinin xəritəsindən deyil, ümumiyyətlə, indiyədək əldə etdiyimiz mina xəritələrinin təhlilinin aparılmasından gedir”. Anar Eyvazov zamanı çatdıqca əldə olunan nəticələrin ictimailəşdiriləcəyini bildirir....
Siyasət

Gürcüstanın xarici işlər naziri: "Trio formatında əməkdaşlığın davam etdiriləcəyinə ümid edirəm"

19 İyun 2021

Banker.az

“Cənubi Qafqaz regionunda sülhün əldə edilməsi birgə iqtisadi layihələrin həyata keçirilməsini şərtləndirir”. Bunu Gürcüstanın xarici işlər naziri David Zalkaliani Antalya Diplomatiya Forumunun "Cənubi Qafqaz: Regional sülh və əməkdaşlıq üçün yeni imkanlar” adlı panelində çıxış edərkən deyib. D.Zalkaliani həmçinin qeyd edib ki, regional əməkdaşlığı inkişaf etdirmək Gürcüstan və qonşu ölkələr üçün prioritetdir: “Azərbaycanla əla əlaqələrimiz var, biz strateji tərəfdaşlarıq. Türkiyə bizim strateji tərəfdaşımızdır. Biz Ermənistanla da tarixən yaxın əlaqələrimizi inkişaf etdiririk. Azərbaycan, Gürcüstan və Türkiyə arasında əməkdaşlıq üçün əla praktiki təcrübəmiz var. Biz Bakı-Tbilisi-Ceyhan, Bakı-Tbilisi-Ərzurum, Bakı-Tbilisi-Qars, Cənub Qaz Dəhlizi, TANAP və TAP kimi layihələrdə kollektiv şəkildə iştirak edirik və bu, əməkdaşlığın...
Seçilmiş Videolar