Siyasət

Saxta koronavirus pasportu satan həkimlər saxlanıldı 

2 Avqust, 2021
1810

Daxil olmuş məlumatlar və aparılan yoxlamalar nəticəsində paytaxt ərazisində yerləşən bir neçə tibb müəssisəsində pul müqabilində bəzi vətəndaşlara dair məlumatların vaksinasiya prosesindən keçmədən "e-TƏBİB” elektron qeydiyyat sisteminə yerləşdirilməsi və bununla da həmin şəxslərin guya vaksin olunmaları ilə bağlı saxta COVİD-19 pasportu ilə təmin edilmələri məlum olub.

Bununla bağlı avqustun 2-də Baş Prokurorluq və Daxili İşlər Nazirliyi birgə məlumat yayıb. 

Məlumatda deyilir:

"Sabunçu rayonunda yerləşən 11 saylı poliklinikanın qeydiyyatçısı Nəzrin Məmmədova, həmin tibb müəssisəsinin, eləcə də Bakı şəhəri Təcili və Təxirəsalınmaz Tibbi Yardım Stansiyasının həkimləri Gülnarə Mədətzadə və Vaqif Mirzəyevlə əlbir olaraq vətəndaşlardan 150 manat məbləğində pul alıb onlara vaksinasiyadan keçmədən peyvənd olunmalarını özündə əks etdirən saxta sənəd təqdim ediblər. Bu şəxslərin eyni üsulla çoxsaylı vətəndaşlardan pul alaraq onları peyvənd olunmadıqları halda "e-TƏBİB” elektron qeydiyyat sistemində vaksin olunmuş şəxslərin siyahısına daxil etdikləri də məlum olub.

Rəsmi səhifə

Analoji hal Bakı Şəhər Baş Səhiyyə İdarəsinin Kürdəxanı Sağlamlıq Mərkəzində də aşkar edilib. Müəyyən olunub ki, həmin mərkəzin həkimi Ayaz Kərimov qeyd edilən müəssisədə tibb bacısı işləyən Kəmalə Əliyeva ilə birlikdə pul müqabilində ayrı-ayrı vətəndaşlar barədə guya onların vaksin olunmalarını özündə əks etdirən saxta məlumatları "e-TƏBİB” elektron qeydiyyat sisteminə daxil ediblər. Bununla da Ayaz Kərimov və Kəmalə Əliyeva tərəfindən pul aldıqları vətəndaşlara peyvənd olunmadan onlara vaksin vurulduğu barədə saxta sənəd təqdim olunub.

Qeyd edilən hər iki faktla bağlı  Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində istintaq araşdırmaları aparılır. İş üzrə əhəmiyyət kəsb edən halların, göstərilən qanun pozuntularında hər hansı formada iştirak etmiş digər şəxslərin müəyyənləşdirilməsi istiqamətində əməliyyat-istintaq tədbirləri davam etdirilir".


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Ermənistanda Azərbaycan əsgərinə cinayət işi açılıb

28 Fevral 2024

Açıq mənbələrdən götürülüb

Ermənistanda Azərbaycanın hərbi qulluqçusu saxlanılıb. Toplum TV xəbər verir ki, bu barədə Ermənistan Milli Təhlükəsizlik Xidməti məlumat yayıb. İddiaya görə, fevralın 28-i saat 05:15 radələrində Sünik rayonunun Tex icmasının sərhəddində AKM avtomatı ilə silahlanmış Azərbaycan Silahlı Qüvvələrinin əsgəri Ermənistan-Azərbaycan qoşunlarının təmas xəttini keçib.  Hərbi qulluqçunun Ermənistan Müdafiə Nazirliyinin əsgərləri tərəfindən saxlanıldığı bildirilir. Qeyd olunub ki, hadisə ilə bağlı Milli Təhlükəsizlik Xidməti tərəfindən Cinayət Məcəlləsinin müvafiq maddələri ilə cinayət işi başlanıb. Xatırladaq ki, bu gün Azərbaycan Müdafiə Nazirliyi hərbi qulluqçu Pənahov Ruslan Eldəniz oğlunun əlverişsiz hava şəraitində azdığı barədə məlumat yaymışdı.      
Siyasət

İsrailin Azərbaycandakı səfirliyi snayperlərlə təlim keçirib

28 Fevral 2024
İsrailin Bakıdakı səfirliyi Azərbaycan Daxili İşlər Nazirliyi və digər hüquq-mühafizə orqanları ilə birgə öz binasında təlim keçirib. Toplum TV xəbər verir ki, bu barədə fevralın 28-də İsrailin Azərbaycandakı səfirliyinin "X" hesabında məlumat verilib. Bildirilib ki, fevralın 18-də baş tutan təlim iki ölkə arasında təhlükəsizlik sahəsində əməkdaşlığı möhkəmləndirməyə və genişləndirməyə yönəlmiş davamlı əməkdaşlığın bir hissəsidir. https://toplum.tv/dunya/pisrail-hemas-in-ateskes-planini-redd-edibp İsrailin Azərbaycandakı səfiri Corc Dik təlimin uğurlu keçdiyini bildirib: "Biz səfirliyin və diplomatik heyətin təhlükəsizliyini təmin etdiklərinə görə Azərbaycan Respublikasının hüquq-mühafizə və təhlükəsizlik orqanlarına minnətdarıq. Bu birgə təlim çox uğurlu keçdi və ölkələrimizin möhkəm təhlükəsizlik əməkdaşlığına mühüm əlavə idi. Azərbaycan dövlətinin, bütün diplomatik nümayəndəliklərin, o...

Seçilmiş Videolar

Toplum TV loqo