Siyasət

Saytların bloklanması və deport qərarı: Azərbaycanla Rusiya arasında "soyuq savaş"

Lida Abbaslı
11 İyun, 2022
244

APA

"Şəxslərin icazə müddətinin uzadılmaması fərdi məlumatlara daxil olduğuna görə səbəbləri ictimaiyyətlə paylaşılmır". 

Bunu Dövlət Miqrasiya Xidmətinin rəsmisi Elnur Kələntərov “Sputnik Azərbaycan”ın şef-redaktoru Veranika Antonova-Trizno və həyat yoldaşı Pavel Antonovun icazə müddətinin uzadılmamasını Toplum TV-ə şərh edərkən deyib. 

Onun sözlərinə görə, Veranika Antonova-Trizno və onun həyat yoldaşı “Sputnik Azərbaycan”ın mətbuat mərkəzinin prodüseri Pavel Antonovun iş icazəsinə imtina qərarı iyunun 6-da verilib.

Hər iki şəxsin adı Dövlət Miqrasiya Xidmətinin “müvəqqəti yaşamaq üçün icazələrin verilməsindən imtina edilmiş və müvəqqəti yaşama icazələri ləğv edilmiş şəxslərin siyahısı”nda qeyd edilib və siyahı qurumun rəsmi saytında dərc olunub. 

“Anti-Azərbaycan təbliğatları qurmaq baxımından rus resursları ciddi rol oynayır”

Hüquqşünas Ələsgər Məmmədli hesab edir ki, qəbul olunan qərar iki şəxsə yönəlmiş qərardır və saytın fəaliyyətini dayandırmır: "Fərqli kontekstdən yanaşılsa, informasiya yönləndirmə və informasiyanı yanıltma istiqamətində, eyni zamanda, anti-Azərbaycan təbliğatları qurmaq baxımından rus resursları ciddi rol oynayır. Biz bunu ötən həftə RİA-Novosti”nin Azərbaycanda bloklanması ilə bağlı qərarda gördük. Onlar bu gün üçün qondarma rejimin rəsmiləri kimi təqdim edilən şəxslərlə müsahibə hazırlamışdılar. Bu, Azərbaycanın ərazi bütövlüyünə, xüsusən də Qarabağ və onun ətrafında olan proseslərə yönəlmiş siyasətinə qarşı getmək, əks-təbliğatla məşğul olmaqdır”.

Artıq “RİA-Novosti” informasiya agentliyi sözügedən müsahibəni Azərbaycan tərəfinin narazılığından sonra silib. 

“Azərbaycan bu mövzuya milli maraqlar aspektindən yanaşır”

Ələsgər Məmmədli Toplum TV-yə deyir ki, bu gün həmin şəxslərlə bağlı açıqlanan qərar Rusiya ilə “soyuq savaşı"ın davam etdiyini göstərir: "Bu mövzuda Azərbaycan daha çox milli maraqlar aspektindən çıxış edir, atılan addımlar Qərbə yaxınlaşmaq kimi qiymətləndirilə bilməz. Çünki bu hal birinci dəfə baş vermir, bundan öncə də Azərbaycan Rusiyanın erməni meyilli addımlarına adekvat cavab verməyə çalışıb". 

Ələsgər Məmmədli
Toplum TV

Ekspertin fikrincə, Ukrayna-Rusiya savaşı başlayandan sonra Rusiyada da Azərbaycan saytlarının bir çoxu bloklanıb: "Bunları Azərbaycanın qarşı tərəfə cavabı kimi də qiymətləndirmək olar".

“İş icazəsinin uzadılmamasına gəlincə, bu, xarici vətəndaşların Azərbaycandan dərhal çıxarılması anlamına gəlmir. Çünki Azərbaycanda rus və digər postsovet ölkələrin vətəndaşları 90 gün müddətində vizasız qalmaq hüququna sahibdir. Onların yalnız həmin 90 gün müddəti bitirsə, o zaman deport oluna bilərlər”, - deyə hüquqşünas bildirib. 

“Fəaliyyətimiz əvvəlki qaydada davam edir”

“Sputnik Azərbaycan”ın redaktoru Tahir Balıyevin sözlərinə görə, saytın fəaliyyətinə hazırda heç bir məhdudiyyət qoyulmayıb: "Redaksiya heyətinin fəaliyyəti əvvəlki qaydada davam edir. İşdən ayrılanlar yeniləri ilə əvəzlənir".

Bir müddət öncə Milli Məclisin deputatı Vahid Əhmədov da “Sputnik-Azərbaycan”-nın Azərbaycanda qadağan olunmasına dair çağırışlar etmişdi. 
 

Siyasət

Demokratik Təşəbbüslər İnstitutu yeni hesabat yaydı

6 İyul 2022

Açıq mənbələrdən götürülüb

Azərbaycanda dövlət səviyyəsində Avropa İnsan Hüquqları Məhkəməsinin (AİHM) qərarlarının icrasını həyata keçirən və bu icraya nəzarət edən vahid bir qurum yoxdur.  Bu barədə Demokratik Təşəbbüslər İnstitutu tərəfindən (IDI) “Şəxsi və Ailə Həyatına Hörmət Hüququ (Konvensiya, maddə 8) ilə bağlı AİHM-in Azərbaycana qarşı Qərarlarının İcra Vəziyyətinə” dair hazırladığı hesabatda bildirili.  Hesabatda şəxsi və ailə həyatına hörmət hüququ,bu hüquqa olan təminatlar, o cümlədən AİHM qərarlarının hüquqi qüvvəsi nəzərdən keçirilib, yerli və beynəlxalq qanunvericilik analiz edilib.  Araşdırmada AİHM tərəfindən Azərbaycana qarşı 8-ci (“Şəxsi və ailə həyatına hörmət hüququ”) maddə altında çıxarılan və pozuntusu tanınan 16 qərarın qısa təsviri və həmin qərarların icra vəziyyəti,...
Siyasət

Şahid: Almaniyaya getmək üçün mənə AXCP üzvü olmağım barədə saxta arayış verdi

Leyli Cəfərova
6 İyul 2022

Açıq mənbələrdən götürülüb

“Sənədlərin hazırlanması üçün Ramin Hacılıya 4500 manat pul verdim. Sənədlər arasında AXCP üzvü olmağım barədə arayış da var idi. Ancaq belə heç bir partiyanın üzvü deyiləm”. Bunu iyulun 6-da Azərbaycan Avropa Hərəkatının həbsdə olan rəhbəri Ramin Hacılının məhkəməsində şahid qismində dindirilən Elnur Qəmbərov dedi. O, bu sənədlərin ona Almaniyaya getmək üçün lazım olduğunu söylədi. Bakı Ağır Cinayətlər Məhkəməsində hakim Azad Məcidov şahiddən Almaniyaya getməsinin səbəblərini soruşdu. O bildirdi ki, azyaşlı övladı xəstədir, məqsədi onu Almaniyaya apararaq müalicə etdirmək olub: “Burda müalicələr təsir etmirdi, məcbur oldum ki, Almaniyaya getməyin yollarını tapım. Soraqlayıb bu şirkəti tapdım, Ramin Hacılı mənə sənədlərin toplanmasında kömək...

Seçilmiş Videolar

Toplum TV loqo