Siyasət

Şəhla Hümbətova: "Hansı vəkil siyasi motivli işlərlə məşğul olursa, sonu belə olur"

Nigar Səmədli
5 Mart, 2021
2109

Sosial Media

Vəkil Şəhla Hümbətova Vəkilər Kollegiyasından (VK) uzaqlaşdırılıb.

Bu haqda onun vəkili Elçin Sadıqov “Toplum TV”-yə məlumat verib. 

Bakı İnzibati Məhkəməsi martın 5-də Vəkillər Kollegiyasının Şəhla Hümbətovanın vəkilliyinə xitam verilməsi ilə bağlı iddiasını təmin edib və qərar hakim Aytən Oruczadənin sədrliyi ilə keçirilən iclasda qəbul olunub.

Kollegiya məhkəməyə müraciətində bildirib ki, Şəhla Hümbətova 6 aydan çoxdur üzvlük haqqını ödəməyib, buna görə də VK-dakı fəaliyyətinin dayandırılmasını istəyir.

Şəhla Hümbətova isə qərarın ədalətsiz verildiyini bildirir: “2019-cu ilin noyabrında Vəkillər Kollegiyası Rəyasət Heyəti mənim kollegiyadan çıxarılmağımla bağlı qərar çıxardı. Buna əsas kimi mənim 8 ay üzvlük haqqı ödəməməyimi və məhkəməyə saxta sənəd təqdim etməyimi göstərdilər. Sənədin saxta olmaması ilə bağlı məndə prokurorluğun qərarı var. Kollegiya Prokurorluğa məsələ ilə bağlı araşdırma apararaq cinayət işi açmaq üçün müraciət etmişdi. Prokurorluq isə cinayət tərkibi olmadığı üçün müraciəti rədd etdi. Buna baxmayaraq, məhkəmədə saxta sənəd təqdim etdiyimlə bağlı qərar qəbul olunub”. 

Vəkil üzvlük haqqını 8 ay gecikdirməsi haqda deyilənin doğru olduğunu, amma bununla bağlı Kollegiyanın ona xəbərdarlıq etmədiyini, məsələnin araşdırılmadığını deyir. 

“Yəni heç vaxt intizam icraatı qaydasında araşdırılmayan bir məsələni məhkəməyə çıxararaq qərar veriblər. Mən isə qərar çıxdıqdan sonra xəbər tutmuşam və bunu öyrəndiyim zaman ödənişi etmişəm”. 

Vəkilin fikrincə, o, siyasi motivli məhkəmə işlərində fəal iştirak etdiyinə görə, fəaliyyətinə son verilib. 

“Birinci dəfə Mehman Hüseynovun məhkəmə prosesində iştirak etdiyim zaman barəmdə intizam icraatı açdılar. Amma Mehmanın həbsi çox səs-küyə səbəb olduğu və az sonra azadlığa çıxdığı üçün bu məsələnin üstünə getmədilər. Ardından “Gəncə işi”ndə iştirak etdim və həmin proses zamanı anladım ki, bu dəfə məni Kollegiyadan uzaqlaşdıracaqlar. Həmin məhkəmə prosesi zamanı məni vəkillikdən çıxardılar və işi davam etdirə bilmədim. Məhkəmənin qərarı mənim üçün təəccüblü deyildi, bu səbəbdən heç məhkəməyə də getmədim. Siyasi bir qərardır və məhkəmə bunu sadəcə təsdiqlədi”. 

Şəhla Hümbətova deyir ki, əmək fəaliyyətini davam etdirmək üçün Vəkillər Kollegiyasının üzvü olması vacibdir. O, qurumdan uzaqlaşdırılmaqla ömürlük peşə fəaliyyətindən və qazanc əldə etmək imkanından məhrum edildiyini bildirir. 

Vəkilin qənaətincə, bir neçə ay üzvlük haqqını ödəmədiyi üçün ömürlük peşə fəaliyyətindən uzaqlaşdırılmaq qeyri-mütənasib qərardır və bunun üzvlük haqqını ödəməməklə bağlı olmadığı açıq-aşkar ortadadır. 

“Vəkillər Kollegiyasında yüzlərlə vəkil var ki, illərdir üzvlük haqqı ödəmirlər və onlar haqqında heç bir tədbir görülməyib. Bu, insan hüquqları ilə bağlı işlərdə iştirak edən vəkilləri cəzalandırma siyasətinin bir hissədir, yəni mən nə birinci, nə də sonuncuyam. Hansı vəkil siyasi motivli işlərlə məşğul olursa, sonu belə olur” - Ş.Hümbətova qeyd edir.

Azərbaycanda son illər bir neçə vəkil Kollegiyadan uzaqlaşdırılıb. Onlar da Şəhla Hümbətova kimi hüquq müdafiəçilərinin siyasi məhbus saydığı şəxslərin hüquqlarını və ya “siyasi iş” kimi tanınan məhkəmə proseslərinə çıxırdılar. Həmin vəkillər də qərarın siyasi olduğunu söyləyərək fəaliyyətləri ilə əlaqələndiriblər.


 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranın izahat tələbinə cavab verib

31 Mart 2023

Rəsmi səhifə

Azərbaycan Xarici İşlər Nazirliyinin (XİN) sözçüsü Ayxan Hacızadə İran XİN-in mətbuat katibi Nasir Kənani tərəfindən səslənmiş iddialara cavab verib. Toplum Tv xəbər verir ki, bu barədə martın 31-də Azərbaycan XİN-dən məlumat verilib.  Ayxan Hacızadə Kənaniyə nazir Ceyhun Bayramovun İsraildə səfərdə ikən səsləndirdiyi fikirlərə diqqətlə qulaq asmağı tövsiyə edib. Onun sözlərinə görə, Bayramov İsrail xarici işlər naziri ilə mətbuat brifinqi zamanı İrana qarşı hər hansı bir mövqe səsləndirməyib. Buna görə də o, İran XİN-i tərəfindən verilən bu açıqlamanı növbəti anti-Azərbaycan addım kimi qiymətləndirib. https://toplum.tv/siyaset/piran-azerbaycandan-izahat-teleb-edirp "Azərbaycan öz ərazisindən üçüncü dövlətlərə qarşı istifadəyə heç zaman imkan verməyib. Bunun əksinə, son zamanlar İran ərazisindən...
Siyasət

İran Azərbaycandan izahat tələb edir

Toplum TV
31 Mart 2023

Rəsmi səhifə

Tehran İsrailin Azərbaycan ərazisindən İrana hücum hazırladığını bildirir və Bakıdan izahat tələb edir.  Toplum TV "Fars" agentliyinə istinadən xəbər verir ki, bu barədə martın 31-də İran Xarici İşlər Nazirliyinin (XİN) sözçüsü Nasser Kənani gündəlik brifinq zamanı  danışıb.  Kənani açıqlamasında deyib ki, İran "sionist rejimin Azərbaycan Respublikası ərazisindən İrana qarşı sui-qəsd hazırlamasına biganə qala bilməz" və o, Azərbaycan hökumətindən İsraillə əldə olunan razılaşmalarla bağlı izahat tələb edib. XİN sözçüsü xüsusilə İsrailin xarici işlər naziri Eli Koenin azərbaycanlı həmkarı Ceyhun Bayramovla birgə keçirdiyi mətbuat konfransında işlətdiyi "Azərbaycan və İsrail İranın təhdidini bölüşür" ifadəsinə aydınlıq gətirilməsini tələb edib.  "Bu, sionist rejimin Azərbaycan Respublikası...

Seçilmiş Videolar

Toplum TV loqo