Siyasət

Səməd Rəhimli vəkillərə tətbiq ediləcək yeni cərimələr barədə: "İndi vəziyyət daha da ağırlaşacaq"

24 İyun, 2021
706

Sosial Media

"Hökumət "parlament"in əliylə məhkəməyə iddia vermək üçün dövlət rüsumlarını artırır və vəkillər üçün ağır təzyiq vasitəsinə çevrilə biləcək yeni yüksək cərimə müəyyən edir. Məhkəmənin müyəssərliyi (çatımlığı) onsuz da pis vəziyyətdə idi. İndi vəziyyət daha da ağırlaşacaq".

Bu sözləri hüquqşünas Səməd Rəhimli Azərbaycanda məhkəmələrə vəkili "əsassız şikayətlərə görə" 500 manatadək cərimələmək hüququnun verilməsi məsələsinə münasibət bildirərkən deyib. 

Məhkəmənin açıq-aşkar əsassız vəsatət və şikayətlər verən, yaxud işə düzgün və tezliklə baxılmasına və onun həll edilməsinə aşkar surətdə maneçilik törədən tərəfi, onun nümayəndəsini və ya vəkilini 500 manatadək cərimə edə bilməsi məsələsi Milli Məclisin iyunun 25-də keçiriləcək iclasının gündəliyinə daxil edilib. 

Bu, Mülki Prosessual Məcəlləyə təklif edilən yeni - 174.5-ci maddədə öz əksini tapıb.

Layihəyə əsasən, cərimənin məbləği məhkəmə tərəfindən konkret hallar nəzərə alınmaqla ağlabatan miqdarda müəyyən edilməlidir.

Səməd Rəhimli "Tvitter" hesabındakı açıqlamada bildirib ki, 2018-ci ildə təxminən 300-500 manata başa gələn işlər indi azı 1000 manat civarında ola bilər:

"Nümayəndəliyi ləğv edib vəkil monopoliyasına keçildikdən sonra vəkil defisitinə görə qiymətlər artmışdı. Sonra orderin qiymətini artırdılar, indi rüsumlar və məhkəmə cərimələri artırırlar. 2018-ci ilə qədər  300-500 manata başa gələn işlər təxminən azı 1000 manat civarında olacaq.

Əsaslandırma kimi də güman ki, Qərb ölkələrini göstərib deyəcəklər ki, orda da qiymətlər və cərimələr belədir. Bir də deyəcəklər ki, yalançı iddialar verilir; onların sayını azaltmaq istəyirik".

Siyasət

İlham Əliyev: “Qisas” əməliyyatı cəza tədbiri idi

12 Avqust 2022

Rəsmi səhifə

"Ermənistan tərəfi növbəti dəfə silahlı təxribata əl atdı və bu hərbi təxribat nəticəsində bir hərbçimiz şəhid olmuşdur. Ancaq hər kəs gördü və görməlidir ki, şəhidimizin qanı yerdə qalmadı. Biz dərhal “Qisas” əməliyyatı keçirərək şəhidimizin qanını aldıq və qarşı tərəfi ciddi cəzalandırdıq". Bunu Prezident İlham Əliyev avqustun 12-də Basqal qəsəbəsində Azərbaycan Televiziyasına müsahibəsində bildirib. İlham Əliyev bir neçə saat ərzində davam edən “Qisas” əməliyyatının cəza tədbiri olduğunu deyib.  "Əgər yenə də buna oxşar təxribat törədilərsə, cavab da eyni olacaq. Heç kim bizə mane ola bilməz, heç kim bizi durdura bilməz", - deyə o qeyd edib.  https://toplum.tv/siyaset/mudafie-nazirliyinden-qarabagdaki-emeliyyatlarla-bagli-aciqlama Prezident həmçinin bildirib ki, Azərbaycan...
Siyasət

Şəmkirdə əməliyyat, vəzifəli şəxs saxlanıldı

12 Avqust 2022

Rəsmi səhifə

Baş Prokuror yanında Korrupsiyaya qarşı Mübarizə Baş İdarəsi Şəmkir rayonunda əməliyyat keçirib. Bu barədə avqustun 12-də Baş Prokurorluqdan məlumat verilib.  Bildirilir ki, Şəmkir Rayon İcra Hakimiyyəti (RİH) başçısının Çinarlı qəsəbəsi üzrə icra nümayəndəsi Elçin Abbasov saxlanılıb. Hazırda araşdırma aparıldığı qeyd olunub.   

Seçilmiş Videolar

Toplum TV loqo