Siyasət

"Sərhədsiz Reportyorlar" da jurnalistləri dinləyənləri məhkəməyə verir

23 İyul, 2021
1069

Rəsmi səhifə

“Jurnalistin izlənməsi faktı hiddət doğurur”

"Meydan TV"-nin məlumatına görə, "Sərhədsiz Reportyorlar" Təşkilatı minlərlə insanın dinlənilməsi ilə bağlı məsul şəxslərə qarşı məhkəmə iddiası açmaq niyyətindədir.

Bildirilib ki, 20 ölkədən 200 jurnalistin izlənməsi faktı hiddət doğurur.

""Pegasus” casus proqramından istifadə barədə məlumatlar izləmə miqyasını nəzərə alaraq şok və nifrətə səbəb olur. Bu, jurnalistlərin təqib edilməsi üçün yaradılmış iyrənc bir vasitədir", - təşkilatın baş katibi Kristof Deluar belə deyib.

Onun sözlərinə görə, proqramın tərtibçisi - “NSO Group”un törətdiyi cinayətə görə və onun mümkün etdiyi faciələrə görə cəzalandırılması üçün əllərindən gələni edəcəklər:

"Demokratik ölkələrdə ədalət mühakiməsi sistemləri bu fövqəladə məsələyə baxmalı, faktları müəyyənləşdirməli və günahkarları cəzalandırmalıdır. Təşkilat bir və ya bir neçə ölkədə məhkəmə iddiaları barədə qərar qəbul edib. Biz jurnalistləri və KİV-ləri casus proqramın ifşa olunmasında iştirak etmək üçün bizimlə əlaqə saxlamağa çağırırıq".

Siyasət

Rəşad Ramazanov saxlanılıb

21 May 2022

Açıq mənbələrdən götürülüb

Bloger Rəşad Ramazanovun saxlandığı bildirilir.  Həyat yoldaşı Könül Ramazanova Meydan TV-yə bildirib ki, o, mayın 20-də günorta saatlarında evdən çıxarkən saxlanılıb. Könül Ramazanovanın sözlərinə görə, həyat yoldaşını əvvəlcə Sabunçu rayonu, 14-cü polis bölməsinə aparıblar.  Rəşad Ramazanov özü bölmədən evlə əlaqə saxlayıb və orada olduğunu deyib. "Mən dərhal ora getdim. Orada dedilər ki, guya Baş Narkotiklərlə Mübarizə İdarəsinin əməkdaşları saxlayıb. Bildirdilər ki, bölmədə yoxdur. Amma sonradan öyrəndim ki, Sabunçu Rayon Polis İdarəsinə aparıblar. Yenə narkotiklə şərləmək istəyirlər”, – Könül Ramazanova bildirib. O əlavə edib ki, baş verənlərlə əlaqədar həm Ombudsman Aparatına, həm də Daxili İşlər Nazirliyinin "102” zəng mərkəzinə məlumat verib....
Siyasət

Kəlbəcərdəki mövqelər atəşə tutulub

21 May 2022

Rəsmi səhifə

Ermənistan silahlı qüvvələrinin bölmələri mayın 20-si axşam saatlarında dövlət sərhədinin Basarkeçər rayonunun Aşağı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yellicə yaşayış məntəqəsi istiqamətində yerləşən mövqelərini atəşə tutub. Bu barədə mayın 21-də Azərbaycan Müdafiə Nazirliyinin Mətbuat xidmətindən məlumat verilib. Məlumatda bildirilib ki, Azərbaycan Ordusunun bölmələri tərəfindən adekvat cavab tədbirləri görülüb.

Seçilmiş Videolar

Toplum TV loqo