Siyasət
Seyran Ohanyan Ermənistanın Qarabağdakı məğlubiyyətinin səbəbini açıqladı
24 Dekabr, 2020
2437
Ermənistanın keçmiş müdafiə naziri Seyran Ohanyan Ermənistanın II Qarabağ müharibəsindəki məğlubiyyətinin səbəbini açıqlayıb. O, bunu ölkə rəhbərliyi ilə hərbi komandanlıq arasında düzgün koordinasiyanının qurulmaması ilə əlaqələndirib. 

"Sputnik Ermənistan”ın dekabrın 24-də verdiyi xəbərə görə, keçmiş nazir bildirib ki, müharibənin başlanmasına qədər Azərbaycanla təmas xəttində 238 kilometr sahəni əhatə edən istehkamlar qurulmuşdu. Ohanyanın fikrincə, hərbi əməliyyatların əvvəlində Azərbaycan istehkamları yalnız iki yerdən yara bilmişdi, buna baxmayaraq, əgər komandanlıq düzgün addımlar atsaydı, cəbhədəki sonrakı fəlakətin qarşısını almaq olardı. 

"Bu müharibəni erməni ordusu deyil, hərbi-siyasi reallıqları düzgün qiymətləndirə bilməyən, savadsız və koordinasiya edilməyən qərarlarına görə iqtidar uduzub”, - Ohanyan söyləyib.  

Keçmiş nazir siyasi hakimiyyətin dəyişilməsini arzuladığını və indiki baş nazir Nikol Paşinyanın etdiyi inqilabdan məyus olduğunu açıqlayıb. O, baş nazirin ötən iki il yarım ərzində xarici siyasətdə və daxili siyasətdə uğursuz olduğunu deyib. 

Seyran Ohanyan II Qarabağ müharibəsində Şuşa şəhərinin müdafiəsindən məsul olub.
Siyasət

Məhkəmə iki blogeri 8 ay müddətinə azadlıqdan məhrum edib
 

3 Mart 2021

Sosial media

Martın 2-də Şəki Apellyasiya Məhkəməsi bloger və fəallar Elçin Həsənzadə və İbrahim Türksoyu böhtan və təhqir ittihamı ilə 8 ay müddətinə azadlıqdan məhrum edib. Hər ikisi məhkəmə zalında həbs olunub. Xüsusi cinayət ittihamı qaydasında iddianı şəhər Mənzil-İstismar İdarəsinin rəisi Şəhriyar Mustafayev qaldırıb. O, E.Həsənzadənin CM-in 147.1. (böhtan) və 148-ci (təhqir) maddələrilə cəlb edilməsini istəyib. İddiaya səbəb sosial şəbəkələrdə məmur haqqında tənqidi yazılardır. Bundan öncə Ş.Mustafayev Mingəçevir şəhər rəhbərliyini tənqid etdiyinə görə blogeri kirayə mənzilindən çıxartdırıb. Əvvəllər Mingəçevir məhkəməsi onların hər ikisinin barəsində bir il islah işləri ilə bağlı hökm çıxarıb. Blogerlər hökmdən şikayət ediblər, lakin Apellyasiya Məhkəməsi hökmü qüvvədə saxlayıb,...
Siyasət

REAL Partiyası seçkilərin təşkilində iştirak etmək istəyir

2 Mart 2021

Sosial Media

Respublikaçı Alternativ Partiyası (REAL) Dairə Seçki komisiyalarında (DSK) təmsil olunmaq üçün Mərkəzi Seçki Komisiyasına (MSK) müraciət edib. Müraciətin mətnini partiya sədri İlqar Məmmədov "Feysbuk" səhifəsində paylaşıb. Müraciətdə qeyd olunub ki, Milli Məclisə 2020-ci il fevralın 9-da keçirilmiş seçkilərdə REAL partiyasının üzvü Erkin Qədirli 16 saylı Yasamal Birinci Seçki Dairəsindən deputat seçilib. “Hazırda Milli Məclisdə deputatları azlıq təşkil edən 10 siyasi partiya var və bəzi digər parlament partiyalarından fərqli olaraq REAL hələ də dairə seçki komissiyalarında təmsil olunmur. 125 DSK-da təmsilçilik 10 partiya arasında bölüşdürülməlidir.  Bu baxımdan ən azından 12 dairənin hərəsinə 3 nəfər DSK üzvlüyünə namizəd təqdim etmək istəyirik. Parlament...
Seçilmiş Videolar