Siyasət

Siyasi şərhçi: "Paşinyan müqaviləni imzalasa, Ermənistanda qarşıdurma yaranacaq"

Məzahir Abdurahmanov
28 İyul, 2021
1071

Açıq mənbələrdən götürülüb

"Sonuncu Parlament seçkilərində Paşinyan xalqdan bir daha mandat aldı və müharibədən sonra ölkə daxilində yaranmış siyasi böhrana son qoydu. Amma indiki məqamda onun Azərbaycanın istədiyi bir sülh müqaviləsini imzalaması yenidən Ermənistan daxilində qarşıdurmanın və gərginliyin yaranmasına səbəb ola bilər".

Siyasi şərhçi Şahin Cəfərli “Toplum TV”-yə açıqlamasında belə deyib.

Ermənistan Xarici İşlər Nazirliyi bildirib ki, 9 noyabr Bəyanatında minaların təmizlənməsinə dair tərəflərin əməkdaşlığı ilə bağlı hər hansı bir bənd yoxdur.

“9 noyabr 2020-ci və 11 yanvar 2021-ci il üçtərəfli bəyanatlarının həyata keçirilməsinə Ermənistan deyil, Azərbaycan mane olur”, - bunu Azərbaycan xarici işlər naziri Ceyhun Bayramovun bəyanatını şərh edən Ermənistan XİN bildirib.

Ş.Cəfərli deyir ki, Paşinyan Ermənistanın Baş naziridir və ölkəsinin maraqlarını sona qədər müdafiə edərək reallaşdırmaq istiqamətində addımlar atır: “Robert Koçəryan, Serj Sərkisyan və digər radikallarla müqayisədə Paşinyan dialoqa meyilli görünürdü. Ona görə də Azərbaycan ictimaiyyəti Ermənistandakı digər siyasi liderlərlə müqayisədə Paşinyanın hakimiyyətdə qalmasını arzu edirdi. Amma bu, o demək deyil ki, Nikol Paşinyan tam kontruktiv mövqe sərgiləyəcək, Azərbaycan nə desə, onunla razılaşacaq, heç bir müqavimət göstərməyəcək”.

Şahin Cəfərli-Sosial Media

Ekspert hesab edir ki, yaxın gələcəkdə sülh müqaviləsini imzalamaq ehtimalı çox aşağıdır: "Bu dalğada Paşinyan əvvəlkindən daha ciddi basqılarla üzləşə bilər. Ona görə də Ermənistan mümkün olduğu qədər bu məsələni uzatmağa və Azərbaycanın şərtlərini qəbul etməməyə çalışacaq”.

Onun sözlərinə görə, Rusiya məqsədli olaraq lokal insidentlərin yaranmasına göz yumur: “Tərəflər hər dəfə problem yarananda Rusiyaya müraciət edirlər. Bu baxımdan lokal insidentlərin yaranması Rusiyanın maraqlarına uyğundur. Amma mən düşünürəm ki, Rusiya irimiqyaslı toqquşmaların bərpasına, müharibənin yenidən başlamasına imkan verməyəcək, çünki hazırki mərhələ də bu, Rusiyanın marağı deyil”.

Siyasət

Rusiya sülhməramlılarının komandanı yenə dəyişdi

25 Sentyabr 2021

APA

Ermənistan Müdafiə Nazirliyinin inzibati kompleksində respublikanın müdafiə idarəsi rəhbərliyinin Rusiya Müdafiə Nazirliyinin nümayəndə heyəti ilə görüşü keçirilir. APA-nın məlumata görə, görüş zamanı Qarabağ regionundakı Rusiya sülhməramlı kontingentinin yeni komandanı general-leytenant Gennadi Anaşkin Ermənistan Müdafiə Nazirliyinin rəhbərliyinə təqdim edilib. Qarabağ regionundakı Rusiya sülhməramlı kontingentinin ilk komandanı Rüstəm Muradov təyin edilmişdi. O, bu yaxınlarda missiyasını başa vurub. Qısa müddət ərzində bu vəzifəni general-mayor Mixail Kosobokovla yerinə yetirib. Hazırda estafet Gennadi Anaşkinə keçib.
Siyasət

Həbsdəki sabiq məmurların xaricdəki vəsaitləri geri qaytarıla bilərmi?

Vüsalə Mikayıl
24 Sentyabr 2021

Açıq mənbələrdən götürülüb

"Burada milyonlarla məbləğdən söhbət gedir. Bunlar müsadirə olunmalı və dövlətə qaytarılmalıdır”.  Bu fikirləri “Toplum Tv”-yə “Konstitusiya” Araşdırmalar Fondunun prezidenti Əliməmməd Nuriyev məhkumların xarici ölkələrdə yerləşən əmlakının müsadirə edilməsi məsələsini şərh edərkən deyib. Baş Prokurorluğun Xüsusi müsadirə məsələlərinin əlaqələndirilməsi idarəsinin rəisi Vüqar Əliyev sentyabrın 24-də mətbuata açıqlamasında bildirib ki, məhkumların xarici ölkələrdə yerləşən əmlakının müsadirə edilməsi, həmin əmlakın, yaxud onun dəyərinin ölkəyə qaytarılması məqsədilə zəruri tədbirlər görülür. Vüqar Əliyevin sözlərinə görə, bu hallarla bağlı artıq xarici dövlətlərin səlahiyyətli orqanlarına ünvanlanması üçün beynəlxalq konvensiyaların tələblərinə uyğun olaraq vəsatətlər hazırlanıb və aidiyyəti üzrə göndərilib. Hüquq müdafiəçisi Rəsul Cəfərov deyir ki, qanunla nəzərdə tutulmuş...
Seçilmiş Videolar