Siyasət

Təhdid olunan jurnalist: “Məni qızımla hədələyirlər”

Roza Məmmədova
9 May, 2022
697

Aytən Məmmədova -sosial media

“Axşam saat 12-yə qalırdı, taksidən düşüb yaşadığım binaya daxil oldum. Liftə yaxınlaşanda bir nəfər orta yaşlı kişi gəldi və mənlə birgə liftə daxil oldu. Qapı bağlanan kimi arxadan yaxınlaşaraq bir əli ilə çənəmdən sıxdı, o biri əli ilə də boğazıma bıçaq dirədi”

Mayın 8-i gecə saatlarında jurnalist Aytən Məmmədovaya bıçaqla hücum olub.

Hadisə Binəqədi rayonu, 9-cu mikrorayonda baş verib.

Jurnalist bildirib ki, ona hücum edən şəxs bıçağı boğazına dirəyib və adını çəkmədiyi məhkəmə işinə görə hədələyib, yazmamasını tələb edib.

“Dedi ki, sən ağıllanmadın. Qızımın ünvanına ağır, pis ifadələr işlətdi. Lift yeddinci mərtəbəyə qalxanda qapı açıldı və özümü bayıra atdım. O da məni saxlamadı, liftlə aşağı düşdü. Kimsəylə ədavətim yoxdur. Qızımla təhdid olunmağım onu göstərir ki, bu, mənim peşə fəaliyyətimlə bağlıdır”.

Aytən Məmmədova - sosial media

Daxili İşlər Nazirliyinin (DİN) mətbuat xidmətinin rəisi, polis polkovniki Ehsan Zahidov “Toplum TV”yə məsələnin artıq araşdırıldığını deyib:

“Məsələ nəzarətdədir. Aytən Məmmədovanın ifadəsi alınıb, araşdırmalar aparılır”.

Ehsan Zahidov - açıq mənbədən götürülüb

Jurnalist A.Məmmədova məhkəmələrdən hazırladığı reportajları ilə tanınır. Onun son zamanlar ən çox ictimailəşdirdiyi iş İlkin Süleymanovla bağlı məhkəmə işidir.

İ.Süleymanov Tovuzun Dondarquşçu kənd sakini 10 yaşlı Nərmin Quliyevanı öldürməkdə ittiham olunur. Məhkəmə prosesi 2 ildir davam edir.

Azadlıq Radiosu

Jurnalistin həyat yoldaşı Coşqun Eldaroğlu daha əvvəl də A.Məmmədovanın təhdid olunduğunu deyib:

“Təxminən 19 gün əvvəl ev telefonuna zəng edilib, yoldaşıma xarici nömrədən təhdid mesajları gəlib. O mənə bildirməyib, hesab edib ki, narahat olaram, məhkəməyə getməsinə narazılıq edərəm”.

C.Eldaroğlunun fikrincə, hadisə təsadüfən baş verməyib: “Dünən 7-ci polis bölməsinin rəhbərliyi evimizə gəlmişdi. Yəqin, Daxili İşlər Nazirliyi mesaj vermək istəyirmiş ki, bunun arxasında biz dayanmırıq. Verdikləri suallara əsasən, deyə bilərəm ki, onlar hadisənin miqyasını kiçiltməyə çalışırlar.

Məncə, hücum edən şəxs tək olmayıb, sadəcə liftə tək girib. Bu, təsadüfən ola bilməzdi.Çünki adətən Aytən evə gec gələn deyil, biz harasa şəxsi avtomobilimizlə gedirik. GPS-lə onun harada olduğu, evə nə zaman çatacağı müəyyənləşdirilib. Onlar yaxşı biliblər ki, Aytən qonaqlıqladır, axşam evə tək qayıdacaq”.

“Toplum TV” məsələni diqqətdə saxlayacaq.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Putin növbəti dəfə Əliyevə zəng edib

26 Noyabr 2022

Açıq mənbələrdən götürülüb

Noyabrın 26-da Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə zəng edib. Bu barədə Azərbaycan Prezidentinin Mətbuat Xidməti məlumat yayıb. Bildirilir ki, telefon söhbəti zamanı Rusiya, Azərbaycan və Ermənistan liderləri arasında üçtərəfli razılaşmaların kompleks şəkildə həyata keçirilməsi üzrə qarşıdakı addımlar müzakirə edilib, regionda nəqliyyat və iqtisadi əlaqələrin açılmasının praktiki məsələləri vurğulanıb. Bundan əvvəl Putin Əliyevə oktyabrın 31-də və noyabrın 22-də zəng etmişdi.
Siyasət

Müdafiə Nazirliyi: Erməni silahlı dəstələrinə məxsus kvadrokopter ələ keçirilib

26 Noyabr 2022

Rəsmi səhifə

Qeyri-qanuni erməni silahlı dəstələrinə məxsus kvadrokopter ələ keçirilib. Bu barədə noyabrın 26-da Müdafiə Nazirliyindən məlumat verilib. Bildirilib ki, Rusiya sülhməramlılarının müvəqqəti yerləşdirildiyi Azərbaycan ərazisindəki qeyri-qanuni erməni silahlı dəstələrinə məxsus kvadrokopter noyabrın 26-sı saat 11:28-də Xocalı rayonunun Şuşakənd yaşayış məntəqəsi, 11:46-da isə Ağdam rayonunun Yeddi Xırman yüksəkliyi ətrafında bölmələrimizin mövqeləri üzərində kəşfiyyat məqsədli uçuşlar həyata keçirməyə cəhd göstərib. "Bölmələrimizin sayıqlığı nəticəsində aşkar edilən kvadrokopter xüsusi üsulla endirilərək ələ keçirilib",- məlumatda qeyd olunub.

Seçilmiş Videolar

Toplum TV loqo