Siyasət

“Tenderlərdə hansı şirkətin qalib gələcəyini Əli Həsənov müəyyənləşdirirdi”

24 Noyabr, 2021
356

Açıq mənbələrdən götürülüb

Vüqar Səfərlinin məhkəməsindən: “Hətta hansı jurnalistlərin xarici səfərə aparılmasına da Əli Həsənov qərar verirdi”

Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) 2009-2020-ci illərdə fəaliyyəti dövründə 20 milyon manatdan artıq büdcə vəsaitinin yeyintisi ilə bağlı məhkəmə araşdırmaları davam edir. Noyabrın 23-də Bakı Ağır Cinayətlər Məhkəməsində bu iş üzrə keçirilən məhkəmə iclasında şahidlər dindirilib. 

"Meydan.tv"-nin verdiyi məlumata görə, “Starloqistik” şirkətinin rəhbəri olmuş Sayad Vəliyevanın dindirməsindən məlum olub ki, KİVDF bu şirkətdən dəftərxana ləvazimatları alıb. Şirkəti 2018-ci ildə atasının təsis etdiyini deyən şahidin sözlərinə görə, direktor da atasının sürücüsü Çingiz Həsənov idi: “2019-cu ildə atam Çingizi işdən çıxardı, ona görə məni direktor təyin etdilər. Vüqar Səfərlini tanımıram. Mən direktor olandan sonra hər hansı alqı-satqı olmayıb. Atam vəfat etdi, 2020-ci ildə şirkət fəaliyyətini dayandırdı. Atamın hansı şirkətlərlə çalışdığından xəbərim yoxdur”.

Digər şahid Mirsəid Ağayev isə fondda informasiya texnologiyaları üzrə mütəxəssis kimi çalışıb:

“Fondda texniki işlərlə məşğul olurdum, çəkilislər edirdim. Tədbirlər keçiriləndə texniki işlərə baxırdım –slaydların hazırlanması və s. Tender Komissiyasının üzvü olmuşam, amma fəaliyyətim olmayıb. Fondda avadanlıq alanda mən baxırdım. Tenderlər keçiriləndə saytlarda, qəzetlərdə elan verirdik”.

Fondda 2014-cü ildən aparıcı məsləhətçi vəzifəsində çalışmış, həmçinin Tender Komissiyasının üzvü olmuş Samir Mustafayev də ifadə verib.

O bildirib ki, fondda rəsmi yazışmaların, hesabatların hazırlanması, tədbirlərin təşkili ilə məşğul olub, eyni zamanda, mətbuat xidməti funksiyasını da icra edib.

Fondun ildə üç dəfə (Novruz bayramı, Milli Mətbuat Günü və Yeni il) restoranlarda təşkil etdiyi ziyafətlərdən danışan Samir Mustafayev bildirib ki, həmin tədbirlərdə iştirak edəcək qonaqların siyahısının hazırlanmasında Vüqar Səfərli ilə birlikdə iştirak edib:

“Siyahılarda 250 nəfərə qədər adam olurdu. Bəzən elə olurdu ki, gələn qonaqların yanında əlavə adam olurdu. Məsələn, bir redaktor çağırılıb, yanında bir müxbir də gətirirdi ki, tədbirdən material hazırlasın. Demək olmazdı ki, o adam əyləşməsin. Buna görə açılan masaların sayı nəzərdə tutulandan artıq olurdu”.

Şahidin sözlərinə görə, fondun icraçı direktoru Vüqar Səfərli olsa da, bilavasitə rəhbərliyi Prezident Administrasiyasının ictimai-siyasi şöbəsinin müdiri olmuş, Prezidentin keçmiş köməkçisi Əli Həsənov həyata keçirirdi:

“Fondda həm də Müşahidə Şurası var idi. Müşahidə Şurasının iclaslarında qəbul edilən qərarlar, düzü, əvvəlcədən razılaşdırılırdı. Sadəcə iclasda müzakirəyə çıxarılır, qəbul edilirdi. 2017-ci ilə qədər Fondda Tender Komissiyası yox idi. Tələb qoyulandan sonra bu komissiyanı formalaşdırdıq. 5 nəfər tərkib üzvü seçildi. Onlardan biri də mən idim. İclaslarda da demişdim ki, işi elə görək, gələcəkdə indi düşdüyümüz vəziyyətə düşməyək. Tender qanunvericiliyinə formal əməl olunurdu. Məsələn, tender keçirilməsi haqda elan verirdik, başqa işlər görürdük. Elə bir tender yox idi kağız üzərində yazılsın, lakin həyata keçirilməsin. Amma düzünü deyim ki, tenderlərdə qalib əvvəldən razılaşdırılırdı. Yəni iclaslar keçirilsə də, orada təkliflərlə bağlı zərflərə baxılmırdı, araşdırma aparılmırdı”.

Şahidin ifadəsinin davamı noyabrın 25-də keçiriləcək növbəti məhkəmə iclasına saxlanıb.

Samir Mustafayev istintaqa ifadəsində deyib ki, tenderlərdə hansı şirkətin qalib gələcəyini Əli Həsənov müəyyənləşdirirdi. Jurnalistlər üçün bina tikintisi də ona yaxın şirkətə həvalə olunmuşdu. Onun sözlərinə görə, hətta hansı jurnalistlərin xarici səfərə aparılmasına da o qərar verirdi.

Bu iş üzrə təqsirləndirilən şəxslər arasında Vüqar Səfərli ilə yanaşı, jurnalist binalarının keçmiş komendantı Bünyamin İsmayılov, KİVDF-nin mühasibi olmuş Təhminə Yaqubova və digərləri var.

Fond yaranandan – 2009-cu ildən 2020-ci ilə qədər ibu quruma rəhbərlik etmiş Vüqar Səfərli digər təqsirləndirilən şəxslərlə əlbir olub, 18 milyon 500 min manat dövlət vəsaitini mənimsəməkdə, bundan əlavə, cinayət yoluyla əldə olunmuş 5 milyon 700 min manat pulu leqallaşdırmaqda ittiham olunur.

Vüqar Səfərlinin bir sıra əmlaklarının, o cümlədən özünün və oğlunun bank hesablarındakı 850 min manat əmanətin üzərinə həbs qoyulub.

11 nəfərin heç biri özünü təqsirli bilmir, ittihamda yazılanlarla razılaşmırlar.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo