Siyasət

Tənqidçi rus jurnalistə 22 il həbs cəzası verildi

6 Sentyabr, 2022
335

Vedomosti

Jurnalist İvan Safronov dövlətə xəyanətdə təqsirli bilinərək 22 il müddətinə sərt rejimli koloniyada həbs cəzasına məhkum edilib. 

"Radio Svoboda" xəbər verir ki, hökm bazar ertəsi, sentyabrın 5-də Moskva Şəhər Məhkəməsində elan edilib.

Qərardan 10 gün ərzində apellyasiya şikayəti verilə bilər. Artıq vəkillər apellyasiya məhkəməsinə müraciət edəcəklərini bildiriblər.

Safronov dövlət sirri ilə bağlı məlumatları NATO ölkələrinin kəşfiyyatçılarına ötürməkdə təqsirli bilinib. “Kommersant” və “Vedomosti”nin keçmiş müxbiri və həbs edilməzdən əvvəl “Roskosmos” rəhbərinin müşaviri işləmiş Safronov ittihamları rədd edib. O, 2020-ci ilin iyulunda saxlanılıb və iki ildən artıqdır ki, Lefortovo istintaq təcridxanasındadır.

https://toplum.tv/dunya/abs-a-rusiyanin-dagilmasina-hazir-olmaq-barede-cagiris-edildi

Moskva Şəhər Məhkəməsi bu ilin aprelində Safronovun işinə bağlı qapılar arxasında baxmağa başlayıb. Məhkəmə iclaslarında ittiham və müdafiə tərəfinin bir neçə şahidi dindirilib. Vəkillərin sözlərinə görə, şahidlər təqsiri təsdiq edən heç nə təqdim etməyiblər.

İvan Safronov KİV-də Rusiya ordusu, kosmik və hərbi sənayesi haqqında bir sıra rezonans doğuran nəşrlərin müəllifi olub.

Kreml və şəxsən Vladimir Putin Safronova qarşı ittihamların onun yazdıqları ilə bağlı olduğunu qəti şəkildə təkzib edib.

Bazar ertəsi Rusiya müstəqil jurnalistləri hələ hökm elan edilməmişdən əvvəl İvan Safronovun həbsdən dərhal azad edilməsini, onun işinə yenidən baxılmasını və araşdırma zamanı qanun pozuntularına yol vermiş vəzifəli şəxslərə qarşı araşdırmaların aparılmasını tələb ediblər. 

"Jurnalistika cinayət deyil. İvan Safronova bəraət verilməlidir", - deyə "Meduza", "Xoloda", "Novoya Qazeta", "Dojd", "The Bell", "The Moscow Times" və s. nəşrlərin yaydığı müraciətdə vurğulanıb. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

İlham Əliyev: Biz Türkiyədəki bərpa işlərinə də qoşulmağa hazırıq 

8 Fevral 2023

President.az

Azərbaycan Prezidenti İlham Əliyev fevralın 8-də Türkiyə səfirliyində olub, Türkiyədə baş vermiş zəlzələ nəticəsində çox sayda insanın həlak olması ilə əlaqədar başsağlığı verib. Toplum TV xəbər verir ki, bu barədə Prezidentin rəsmi saytı xəbər verib.  Bildirilib ki, Prezident İlham Əliyev matəm kitabına ürək sözlərini yazıb, ardınca da səfir Cahit Bağçı ilə söhbət edib.  "Bilirsiniz ki, Azərbaycan hər zaman olduğu kimi, ilk dəqiqələrdən, ilk saatlardan qardaş Türkiyənin yanında idi və öz dəstəyimizi, öz həmrəyliyimizi həmişə olduğu kimi nümayiş etdirmişik. Əgər bu acı faciənin fəsadlarının aradan qaldırılmasına bir balaca kömək edə bilmişiksə, bunu özümüz üçün şərəf bilirik. Hər zaman Türkiyə də bizim...
Siyasət

Mirzoyan: Azərbaycanla bəzi məsələlərdə mövqelərimiz yaxınlaşıb

Toplum TV
8 Fevral 2023

Açıq mənbələrdən götürülüb

“Azərbaycanla bəzi məsələlərdə mövqelərimizi yaxınlaşdıra bilmişik. Amma erməni tərəfinin özünün fundamental məsələləri var və bunlar məlumdur”. Toplum TV xəbər verir ki, bu sözləri fevralın 8-də Ermənistanın xarici işlər naziri Ararat Mirzoyan xorvatiyalı həmkarı Qordan Qriç Radmanla keçirdiyi mətbuat konfransında deyib. O həmçinin qeyd edib ki, Moskvada Ceyhun Bayramov və Sergey Lavrovla görüşməyə hazırdır: “Biz xarici işlər nazirlərinin Moskva görüşünü ləğv etməmişik, təxirə salmışıq. Münasib vaxtda bu görüşdən istifadə edəcəyik”. https://toplum.tv/siyaset/pmoskva-quotqarabagdaki-rus-suumllhmeramlilarina-bmt-mandati-lazim-deyilquotp XİN başçısı regionda yeni eskalasiya ehtimalının da olduğunu bildirib:  "Ermənistanın bütün cəhdlərinə baxmayaraq, regionda vəziyyət kövrək və gərgin olaraq qalır, yeni eskalasiya ehtimalı var". Mirzoyan çıxışında rəsmi Bakını qeyri-konsruktivlikdə ittiham...

Seçilmiş Videolar

Toplum TV loqo