Siyasət

Tofiq Yaqublunun döyülməsinə ziyalılar necə reaksiya verdi?

2 Dekabr, 2021
1429

Açıq mənbələrdən götürülüb

“Tofiqin döyülməsini qınayıram, amma onun aksiyaya çıxması da doğru deyildi”

“Toplum TV”-yə danışan hüquq müdafiəçisi Novella Cəfəroğlu Milli Şura üzvü Tofiq Yaqublunun döyülməsinə münasibət bildirərkən belə deyib.

Dekabrın 1-də "Saleh Rüstəmliyə azadlıq!" şüarı ilə keçirilən etiraz aksiyası zamanı polis tərəfindən saxlanılan Milli Şuranın və Müsavat Partiyasının funksioneri, keçmiş siyasi məhbus Tofiq Yaqublunun üz nahiyəsində çoxsaylı qançırlar olan fotosu yayılıb. Fotoda T. Yaqublunun göz, üz nahiyəsi və göz qapaqlarında zədələrin olduğu görünür. Tofiq Yaqublu saxlanılarkən onun sifətində həmin izlər olmayıb.

Tofiq Yaqublu aksiyada

N. Cəfəroğlu hesab edir ki, T. Yaqublu aksiyaya çıxmaqla Saleh Rüstəmlinin işini təzədən əngəlləyib: “Polis Tofiqə bunu etməməli idi. Əgər edibsə, cəzasını da çəkməlidir. Amma Tofiqin də aksiyaya çıxmasını anlaya bilmirəm. 3 gün bundan əvvəl hüquq müdafiəçiləri Salehin yanına getmişdik. Yəqin, bir irəliləyiş olmalı idi ki, biz ora getmişik. Tofiq bunu bilə-bilə niyə əlində plakat təkcə meydana çıxdı? Bu nəyə lazım idi? Niyə Tofiq Salehin həbsxanada qalmasını istəyir? Axı bu, Salehin işini təzədən əngəlləməkdir”.

N. Cəfəroğlu Azərbaycan Prezidentinin Brüssel səfərini xatırladaraq deyir: “Prezident Brüsselə gedir. Burda Azərbaycan məsələsi həll olunacaq. Bu ərəfədə Tofiq Yaqublu kimi neçə illik siyasətçi başa düşmür ki, biz hələ də müharibə şəraitindəyik və bütün dünya bizə qarşıdır? Yaqublunun döyülməsi ermənilərin əlinə bayraq olur. Bu gün kim Azərbaycana zərbə vurmaq istəyirsə, o mənim düşmənimdir. Dövlət naminə birləşmək lazımdır”.

Novella Cəfəroğlu 

N. Cəfəroğlu həmçinin T. Yaqublunun döyülməsi məsələsilə bağlı Daxili İşlər Nazirliyinə müraciət edəcəklərini də açıqlayıb.

“Dövlətçiliyimizə qarşı təxribatdır”

Yazıçı Şərif Ağayar T. Yaqublunun döyülməsini pisləyir, günahkarların cəzalandırılmasını istəyir: “Heç bir halda sivil və demokratik bir ölkədə bu cür zorakılığa yol vermək olmaz. Mənə elə gəlir ki, bu dövlətçiliyimizə qarşı təxribatdır. Hətta cinayətkara qarşı da belə davranmaq olmaz”.

Şərif Ağayar - Kulis.az

“Bu əməli törədənlər hakimiyyətlə xalq arasında konflikt yaratmağa çalışırlar”

Əməkdar jurnalist Qulu Məhhərəmli də söyləyir ki, siyasi əqidəsi, dünya görüşündən aslı olmayaraq heç kimə qarşı zorakılıq göstərmək olmaz: “Mənim düşüncəmə görə, Tofiq Yaqublu vicdanlı bir adam, Qarabağ döyüşçüsüdür. Mitinqi bəhanə edib bir insanı o vəziyyətə salmaq nə allaha, nə bəndəyə xoş gedər”.

Qulu Məhərrəmli - Açıq mənbələrdən götürülüb

“Bu əməli törədənlər hakimiyyətlə xalq arasında konflikt yaratmağa çalışırlar. Belə adamları mütləq cəzalandırmaq lazımdır”, - Q. Məhərrəmli belə hesab edir.

“Biabırçılıqdır”

Azərbaycan Jurnalistlər Birliyinin sədri Elçin Şıxlı T. Yaqublunun döyülməsini insan haqlarına həqarət, biyabırçılıq kimi qiymətləndirib: “Polis cinayətkarı saxlayanda belə ona toxunmamalıdır. Bu hadisəni törədənlər ölkə rəhbərliyinə düşmənçilik edirlər”.

Elçin Şıxlı - Açıq mənbələrdən götürülüb

E. Şıxlı da bu əməli törədənlərin cəzalandırılmasını, cinayət məsuliyyətinə cəlb edilməsini tələb edir.

“Yolverilməzdir”

Deputat, Əməkdar jurnalist Aqil Abbas deyir ki, adi insana da qarşı da belə davranış yolverilməzdir: “Tofiq Yaqublu qazidir, siyasətçidir, bu öz yerində, axı o həm də bu ölkənin vətəndaşıdır. Adi adama qarşı da belə davranmaq olmaz”.

Aqil Abbas - Açıq mənbələrdən götürülüb

Deputat məsələnin araşdırılacağına və hüquq-mühafizə orqanlarının lazımı tədbirlər görəcəyinə inanır.

Mövzudan xəbərsiz olanlar da var

“Toplum TV” məsələ ilə bağlı başqa ziyalılardan da münasibət almağa çalışıb.

Lakin xalq yazçıları-Çingiz Abdullayev, Sabir Rüstəmxanlı, Afaq Məsud, yazıçı-jurnalit Fəxri Uğurlu, kinorejissor Ayaz Salyev, Azərbaycan Türk Qadınlar Birliyinin sədri Tənzilə Rüstəmxanlı mövzudan xəbərsiz olduqlarını bildiriblər.

Xatırlatma

Dekabrın 1-də Bakının mərkəzində siyasi məhbus Saleh Rüstəmovu azad etmək tələbi ilə etiraz aksiyası keçirilib.

Aksiyada ən çox Milli Şuranın üzvü Tofiq Yaqublu xəsarət alıb, o, dəfələrlə döyülüb, üzü eybəcər hala salınıb.

AXCP üzvü Paşa Dadaşzadənin qolu qırılıb, çox sayda şəxslər də yüngül xəsarətlər alıb.

Dekabrın 2-də isə Bakının Səbail rayon məhkəməsi etiraz aksiyası zamanı saxlanılan beş fəalın inzibati qaydada həbsi barədə qərar çıxarıb.

Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev bildirib ki, Tofiq Yaqublunun polis bölməsində döyülməsi, xüsusi təzyiqə məruz qalması ilə bağlı iddialar əsassızdır.

"Amma, bütün bunlara baxmayaraq, qeyd olunan iddialar müvafiq qaydada araşdırılacaqdır", - deyə o qeyd edib.

Bununla yanaşı Bakı İnsan Hüquqları Klubu İctimai Birliyi, "Müdafiə Xətti" İnsan Haqları TəşkilatıTofiq Yaqublunun döyülməsində təqsiri olanları cəzalandırmağa çağırıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo