Siyasət
Tofiq Yaqubluya dəstək aksiyası keçirilib
8 Sentyabr, 2020
332
 Xalq Cəbhəsi Partiyasının bir qrup qadın fəalı çərşənbə axşamı Binə qəsəbəsində "Femida” abidəsi önündə müxalif siyasətçi Tofiq Yaqublunu müdafiə aksiyası keçirib.

Qadınlar əlləri və ağızları bağlı şəkildə, boyunlarına "Azadlıq!”, "Tofiq Yaqublu dərhal azad edilsin!”, "İstefa!” şüarları yazılan plakatlar asaraq aksiyaya gəliblər.

"Təsadüfi deyil ki, aksiyanı "Femida” abidəsinin önündə və əllərimiz və ağızlarımız bağlı şəkildə keçirdik. Çünki ölkədə hüquq və ədalət yoxdur. Bunu tələb edənləri Tofiq Yaqublu kimi həbsə atırlar. Yaqubluya və bütün siyasi məhbuslara azadlıq tələb edirik”, deyə aksiya iştirakçılarından biri bildirib.

Digər bir aksiya iştirakçısı deyib: "Bu ölkədə qanun deyil, padişahın iradəsi işləyir. Biz azad, ədalətli və demokratik cəmiyyətdə yaşamaq istəyirik. Amma hazırki hakimiyyətlə bu, mümkün deyil”.

Piketə polis müdaxiləsi olmayıb.

Xatırladaq ki, Demokratik Qüvvələrin Milli Şurasının və Müsavat Partiyasının üzvü Tofiq Yaqublu 4 il 3 ay müddətinə azadlıqdan məhrum edilib. O, həbsdə aclıq aksiyasına başlayıb və 7 gündür bu aksiyanı davam etdirir.

Beynəlxalq təşkilatlar hökmü pisləyib. "Beynəlxalq Amnistiya” onu "vicdan məhbusu” kimi tanıyıb.
 
turan.az
Siyasət

Tofiq Yaqublu: “Paşinyanın qalib gəlməsi bizə daha ciddi problem yarada bilər” 

Nigar Səmədli
18 İyun 2021

Al Jazeera

İyunun 20-də Ermənistanda növbədənkənar parlament seçkiləri keçiriləcək.     Namizədlər arasında Ermənistanın sabiq prezidentlər Levon Ter-Petrosyan, Robert Koçaryan, Serj Sarkisyan və hazırda Baş nazir vəzifəsini icra edən Nikol Paşinyan kimi şəxslər  yer alıb.   Elman Nəsirov - Sosial Media   Bəs Azərbaycanda Ermənistanda keçiriləcək seçkilərlə bağlı proqnozlar nədir?     Milli Məclisin deputatı Elman Nəsirov deyir ki, Ermənistanda seçkilərin gərgin keçəcəyi indidən məlumdur: “Tərəflər bir-birini dövlətə xəyanətdə ittiham edir, düşmən və satqın adlandırırlar. Budəfəki seçkinin əsas özəlliyi ondadır ki, Ermənistanı idarə etmiş bütün şəxslər seçkilərə qatılıb və bu da seçki prosesinə əlavə gərginlik gətirir. İlkin proqnozlar göstərir ki, əsas namizədlər...
Siyasət

Lavrov Türkiyənin Azərbaycanda hərbi baza açacağı iddialarına cavab verdi

18 İyun 2021
Rusiyanın xarici işlər naziri Sergey Lavrov Türkiyənin Azərbaycanda hərbi baza açacağı barədə ehtimallara şərh verməkdən imtina edib.  "RIA Novosti"-nin iyunun 18-də verdiyi məlumata görə, o, bu iddiaları şayiə adlandırıb.  "Biz bu məsələni müzakirə etməmişik və biz şayiələrə şərh vermirik", - deyə Rusiyanın baş diplomatı vurğulayıb.  Bir neçə gün əvvəl Bakıda jurnalistlərin suallarını cavablandıran Türkiyə prezidenti Rəcəb Tayyib Ərdoğan Azərbaycanla imzalanmış Şuşa Bəyannaməsi çərçivəsində Azərbaycan ərazisində Türkiyə Hərbi Qüvvələrinin bazasının yaradılması fikrini istisna etməmişdi.  "Bu məsələnin [hərbi bazanın yaradılması] inkişafı mümkündür. Bu mövzu Azərbaycan prezidenti İlham Əliyevin Rusiya prezidenti Vladimir Putinlə apardığı məsləhətləşmələrdən sonra təkmilləşə bilər. Həmçinin bizim danışıqlarımız prosesində də...
Seçilmiş Videolar