Siyasət

Toplum TV-yə kibermüdaxilə edilib

2 İyun, 2022
1016

İyunun 2-də axşam saat 19:46-da Toplum TV-də yayımlanan "Toplumda debat" verilişinə kibermüdaxilə edilib.

"Toplumda debat"ın budəfəki qonağı Azərbaycan Xalq Cəbhəsi Partiyasının (AXCP) sədri Əli Kərimli olub. 

Onunla gündəmin aktual mövzuları müzakirə edilib. 

Müdaxilə nəticəsində canlı yayım "Yutub"da dayanıb, lakin texniki heyət bir neçə dəqiqədən sonra canlı yayımı yenidən bərpa edib.

Toplum TV-nin sosial media mütəxəssisləri bildiriblər ki, müdaxilə sünidir və efirin dayandırılması məqsədilə edilə bilər.

Oxşar hadisə 2021-ci ilin noyabrın 2-də də qeydə alınıb. 

Həmin efirdə də AXCP sədri Əli Kərimli qonaq olub. 

Kiberhücum nəticəsində veriliş Toplum TV-nin "Feysbuk" səhifəsindən silinmişdi, səhifənin adı isə dəyişdirilmişdi. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Gültəkin Hacıbəyli barəsində cinayət işi başlandı

30 Noyabr 2022

Açıq mənbələrdən götürülüb

Sabiq deputat ağır böhtan atma maddəsi ilə ittiham olunur.  Toplum TV xəbər verir ki,  Gültəkin Hacıbəyli xaricdən ölkəyə qayıdarkən Bakının Heydər Əliyev Beynəlxalq Aeroportunda Dövlət Sərhəd Xidmətinin əməkdaşları tərəfindən saxlanılaraq  polisə təhvil verilib. https://toplum.tv/siyaset/siyasi-partiyalar-haqqinda-qanun-layihesi-barede-feallar-ve-huquq-mudafiecileri-beyanat-yaydi Məlum olub ki, onun barəsində Nəsimi Rayon Məhkəməsinə xüsusi ittiham qaydasında şikayət daxil olub və haqqında Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) maddəsi ilə cinayət işi başlanıb. APA-nın məlumatına görə, G. Hacıbəyli Nəsimi rayon Məhkəməsinə aparılıb, ifadəsi alındıqdan sonra sərbəst buraxılıb.
Siyasət

“Siyasi Partiyalar haqqında” qanun layihəsi barədə fəallar və hüquq müdafiəçiləri bəyanat yaydı

29 Noyabr 2022

Açıq mənbələrdən götürülüb

Milli Məclisinin müzakirəsinə çıxarılan “Siyasi Partiyalar haqqında” qanun layihəsi barədə ictimai-siyasi fəallar və insan hüquqları müdafiəçiləri birgə bəyanat verib.  Toplum TV xəbər verir ki, bəyanatda qanun layihəsini ölkənin ictimai həyatının idarə olunmasında iştirak etmək hüququ və birləşmək azadlığını məhdudlaşdıran müddəalardan ibarət mürtəce sənəd olduğu və vətəndaşların siyasi iradəsinin boğulmasına yönəldiyi bildirilir. "Hesab edirik ki, yeni qanun layihəsində siyasi partiyanın təsis edilməsi, qeydiyyata alınması, maliyyələşməsi, fəaliyyətinə nəzarət, fəaliyyətinin dayandırılması və ya xitam verilməsi və s. hallar üzrə müddəaları siyasi fəaliyyət imkanları ildən-ilə məhdudlaşan ölkə üçün qəbul edilməzdir. Eyni zamanda, “Siyasi partiyalar haqqında” qanun layihəsi ölkəmizin üzv olduğu Avropa Şurasının təməl prinsipləri, o...

Seçilmiş Videolar

Toplum TV loqo