İctimai-siyasi xəbərlər
Toğrul Maşallı: “Azərbaycan heç vaxt OPEC üzvü olmaq istəməyib”
"Azərbaycan uzun illərdir ki, bu təşkilatın fəaliyyətindən bəhrələnsə də, heç vaxt OPEC üzvü olmaq istəməyib”.
Azərbaycanın OPEC-ə üzv olub-olmaması məsələsini şərh edərkən iqtisadçı ekspert Toğrul Maşallı Toplum tv-yə belə deyib.
İyunun 11-də "Post-COVİD-19 dövründə enerji məsələləri” adlı vebinar keçirilib.
Vebinarda OPEC-in Baş katibi Mohammad Sanusi Barkindo Azərbaycanın bu təşkilata üzv olmasınının OPEC üçün qürur mənbəyi olacağını qeyd edib.
Toğrul Maşallı isə hesab edir ki, indiki halda bu təşkilata üzv olmaq bir qədər mənasızdır.
Onun sözlərinə görə, Azərbaycan OPEC-ə (Neft İxrac Edən Ölkələrin Birliyi) üzv olduğu təqdirdə daha çox öhdəliyi olacaq.
Ekspert qeyd edir ki, OPEC-ə üzv olan ölkələrin bir çoxu neft hasilatını və ixracatını özü tənzimləsə də, Azərbaycanda bu belə deyil: "Azərbaycanda neft hasilatının böyük bir hissəsi şirkətlərə məxsusdur. Şirkətlərin yerinə qərar vermək isə düzgün olmaz”.
Qubad İbadoğlu: "OPEC-ə üzv olmaq Azərbaycanın iqtisadi maraqlarına uyğun deyil”
Digər bir iqtisadçı ekspert Qubad İbadoğlu isə düşünür ki, Azərbaycanın OPEC-ə üzv olması siyasi baxımdan ölkə üçün müəyyən dividentlər yaratsa da, hökumət bu təşkilata üzv olmaq tərəfdarı deyil.
Onun fikrincə, Azərbaycanın bu təşkilata üzvlüyü onun neft hasilatı ilə bağlı müstəqil qərar vermək imkanını məhdudlaşdıracaq.
Ekspertin qənaətincə, OPEC-ə üzv olmaq Azərbaycanın iqtisadi maraqlarına uyğun deyil: "OPEC+ ölkələr üçün hasilat kvotası ümumi kvotanın 40%-ni təşkil ediyi halda, OPEC ölkələri üçün 60% təşkil edir. Yəni, Azərbaycan bu böhranlı vəziyyətdə neft hasilatını OPEC-in qərarına uyğun olaraq tənzimləməlidir”.
Qubad İbadoğlu deyir ki, OPEC+ formatında Azərbaycan, Rusiya, Qazaxıstan, eyni mövqedən çıxış etdiyindən Azərbaycan hökumətinin Rusiya formatından kənar qərar qəbul etməsi inandırıcı görünmür.
"Azərbaycanın isə OPEC+ çərçivəsində dünya neft bazarına təsir etmək imkanı var” – o, əlavə edib.
Rəsmilər nə deyir?
Məsələylə bağlı Milli Məclisin İqtisadi siyasət, sənaye və sahibkarlıq komitəsinə dəfələrlə zəng edilsə də, nəticəsiz qalıb.
Milli Məclisin deputatı Zahid Oruc isə məsələnin heç bir siyasi tərəfi olmadığını və OPEC-lə bağlı sualları cavablandıra bilməyəcəyini bildirib.
Şəbnəm Adil
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Oxşar Xəbərlər
Redaktorun Tövsiyələri
Naxçıvanın iqtisadiyyat naziri vəzifəsindən azad olunub
Açıq mənbələrdən götürülüb
Naxçıvan Muxtar Respublikasının iqtisadiyyat naziri Tapdıq Vaqif oğlu Əliyev vəzifəsindən azad edilib.
Toplum TV APA-ya istinadən xəbər verir ki, bu barədə dekabrın 8-də Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb.
https://toplum.tv/sosial/pprezidentin-serencami-naxccedilivanda-neyi-deyisecek-nbspp
Tapdıq Əliyev 2019-cü ilin mayın 14-də NMR Ali Məclisinin keçmiş sədri Vasif Talıbovun Fərmanı ilə bu vəzifəyə təyin edilmişdi.
İlham Əliyev Ermənistanla verilmiş birgə bəyanatdan danışıb
President.az
Dekabrın 8-də Prezident İlham Əliyev Avropa Şurasının Baş katibi Mariya Peyçinoviç Buriçi qəbul edib.
Toplum TV xəbər verir ki, görüşdə bir sıra məsələlərə, həmçinin Azərbaycanla Ermənistan arasında sülh quruculuğu prosesinə toxunulub.
Buriç xüsusilə Azərbaycan Prezidentinin Administrasiyası və Ermənistan Respublikası baş nazirinin Aparatı arasında qəbul olunmuş birgə bəyanatı alqışladıqlarını bildirib, Avropa Şurasının iki ölkə arasında etimad quruculuğu proseslərinə töhfə verməyə hazır olduğunu vurğulayıb.
https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp
Öz növbəsində İlham Əliyev qeyd edib ki, sözügedən birgə bəyanat qarşılıqlı sülh gündəliyinin irəli aparılması və iki ölkə arasında münasibətlərin normallaşdırılması üçün qarşılıqlı siyasi iradənin bir daha nümayişidir. Prezident həmçinin vurğulayıb ki, Avropa Şurası da iki ölkə...
