Siyasət

Trol şəbəkəsinin arxasında DİN dayanır? – Qurum ittihamları rədd edir

Aytac Məmmədli
14 Aprel, 2022
830

Toplum Tv

"Biz onlara baş qoşmuruq. Daxili İşlər Nazirliyi qanunla müəyyən edilmiş vəzifələrini icra edir. Asayişi, təhlükəsizliyi qoruyur, cinayətkarlara qarşı mübarizə aparır".
 
DİN mətbuat xidmətinin rəhbəri Ehsan Zahidov "Meta" şirkətinin araşdırmasını "Toplum TV" yə şərh edərkən bu sözləri deyib.
 
“Facebook”, “Instagram”, “WhatsApp” kimi şirkətləri özündə birləşdirən “Meta” aprelin 7-də təhdidlərlə bağlı hesabatını dərc edib.
  
Hesabatın Azərbaycanla bağlı olan hissəsində ölkədəki trol şəbəkəsinin Daxili İşlər Nazirliyi tərəfindən idarə olunduğu bildirilib.
 
Nazirliyin rəsmisi Ehsan Zahidov isə şirkətin iddiasının tamamilə əsassız və uydurma olduğunu söyləyir.

Ehsan Zahidov - açıq mənbədən götürülüb


 Azərbaycanda kibercinayətə məruz qalan ictimai fəallardan biri də Bəxtiyar Hacıyevdir. Dediyinə görə, 2021-ci ildə kibercinayətkarlıqla bağlı nazirliyə 50-yə yaxın müraciəti də olub.
 
"Ehsan Zahidov gözlədiyimiz cavabı verib. İndiyə qədər nazirliyə bu barədə dəfələrlə müraciətimiz olub. Nazirlik deyib ki, biz onları tapa bilmirik. Kibercinayətkarın birini özüm şəxsən tutmuşam, polisə təqdim etmişəm. Məm hələ də nazirlikdən, Baş Mütəşəkkil Cinayətkarlıqla Mübarizə İdarəsindən, DİN yanında ictimai şuradan öyrənə bilməmişəm ki, niyə həmin şəxsə qarşı niyə cinayət işi açılmayıb və yarım saat sonra sərbəst buraxılıb?"

Bəxtiyar Hacıyev - sosial media


Bəxtiyar Hacıyev deyir ki, kibercinayətkarlığın arxasında DİN-in dayandığı ilə bağlı təxminləri var imiş.
"Məni təəəssüfləndirən odur ki, mütəşəkkil cinayətkarlıqla mübarizə aparmalı olan DİN özü kibercinayətkarlıqla məşğuldur və ən çirkin üsullara əl atan kibercinayətkar dəstəni himayə edir. Bu işlərin arxasında nazirliyin dayandığını bilmək təəssüfləndirir. Çünki mənimlə bağlı saxta intim yazışmalar paylaşılarkən nazirlik əməkdaşlarının bir çoxu şərəf və namuslarına and işmişdilər ki, bunun arxasında nazirliyin heç bir strukturu dayanmır",-deyə ictimai fəal bildirib.

 

Siyasət

DİN: Böyük Britaniya səfirliyinin yanlış məlumat yayması qəbuledilməzdir

17 May 2022

Toplum Tv

Daxili İşlər Nazirliyi Böyük Britaniyanın Azərbaycandakı Səfirliyinin 14 may aksiyasnda polisin aksiyaya müdaxilə etməsi saxlanılan şəxslərin olması barədə məlumatına münasibət bildirib. Toplum Tv DİN-in rəsmi saytında dərc olunan bəyanatda deyilir ki, mayın 14-də bir qrup şəxs Səbail rayonu ərazisindəki “Fəvvarələr meydanı”nda müvafiq dövlət qurumları ilə razılaşdırılmamış aksiya keçirib: “Bu aksiyanın Azərbaycan Respublikasının "Sərbəst toplaşmaq azadlığı haqqında" Qanununa zidd keçirilməsinə baxmayaraq polis əməkdaşları tərəfindən aksiyaya müdaxilə edilməyib, əksinə iştirakçıların təhlükəsizliyi təmin olunub və aksiyanın yekununda müvafiq bəyanat səsləndirilib. Aksiya zamanı hər hansı insident qeydə alınmayıb və saxlanılan olmayıb”. Toplum Tv DİN vurğulayır ki, Böyük Britaniyanın Azərbaycandakı Səfirliyinin polisin aksiyaya ciddi müdaxilə...
Siyasət

Əliyev Tokayevi Azərbaycana dəvət edib

17 May 2022

president.az

Qazaxıstanın Prezidenti Kasım-Jomart Tokayev Azərbaycana səfər edəcək. "president.az”ın məlumatına görə, bu gün, mayın 17-də Azərbaycan Prezidenti İlham Əliyev Qazaxıstan Prezidenti Kasım-Jomart Tokayevə zəng edib. “İlham Əliyev Kasım-Jomart Tokayevi Azərbaycana rəsmi səfərə dəvət edib. Dəvət məmnunluqla qəbul olunub", - məlumatda qeyd olunub. Dövlət başçıları iki ölkə arasında ikitərəfli dostluq münasibətlərinin müxtəlif sahələrdə uğurla inkişaf etdiyini vurğulayaraq, əlaqələrin bundan sonra da genişlənəcəyinə əminliklərini ifadə ediblər

Seçilmiş Videolar

Toplum TV loqo