Siyasət

Vilyam Hacıyevin 2,5 milyon dolları: “Həyat yoldaşımın babasından qalıb”

27 May, 2022
1014

açıq mənbədən götürülüb

Korrupsiyada ittiham olunan icra başçısı İmişlinin abadlığına qohumlarından qalan mirası xərclədiyini deyir

“Dövlət büdcəsindən abadlıq üçün ayrılmış vəsaitdən əlavə mənə miras qalan puldan İmişlinin abadlıq işləinə 8 milyon manat xərcləmişəm. İndi mən burda vəsatət qaldırıram, rayonda mənim büdcədənkənar gördüyüm işlər dəqiqliyi ilə hesablansın. Görək mən büdcədənkənar nə qədər işlər görmüşəm? Bayraq meydanı, Bayraq muzeyi, şahmat məktəbi, uzunluğu 12 kilometr olan prospektin təmir- bərpası, işıq dirəklərinin quraşdırılması, bəzi məktəblərin tikintisi, təmiri... Bu və digər bir çox işlər mənim şəxsi vəsaitimlə görülüb”.

Toplum Tv-nin xəbərinə görə, bunu mayın 27-də Bakı Ağır Cinayətlər Məhkəməsində mühakiməsi davam edən İmişli rayon icra hakimiyyətinin keçmiş başçısı Vilyam Hacıyev deyib. Məhkəmə iclasına hakim Azər Paşayev sədrlik edir.

Cinayət Məcəlləsinin bir neçə maddəsiylə ittiham olunan Vilyam Hacıyev hələ məhkəmə prosesi başlayan ilk gündən bildirmişdi ki, ifadəsini zərərçəkmiş və şahidlərin ifadələri dinlənilib bitdikdən sonra verəcək. Nəhayət, bu gün o ifadə verdi.

Keçmiş icra başçısı məhkəməyə özünü “42 il xalqına, dövlətinə xidmət edən” bir məmur kimi təqdim etdi. O, bundan əvvəlki məhkəmə iclaslarında keçmiş işçilərinin, İmişlinin digər sahələrində çalışanların ona qarşı verdiyi ifadələrdən təəssüf hissi keçirdiyini də dilə gətirdi: “Çox təəssüf ki, mən belə bir situasiyayla qarşılaşmışam. Vəzifədə olarkən qabağıma qaçan bəzi məxluqlar gəlib burda çox ucuz danışdılar, yalan danışdılar. Niyə vaxtında danışmırdılar? 8 il ərzində niyə onlar hüquq-mühafizə orqanlarına məlumat vermirdilər?”

Keçmiş başçının ifadəsi əvvəlcədən hazırlanmışdı və o, ifadəsini kağızdan bir qədər çətinlikliklə oxuyurdu.

Vilyam Hacıyevin ifadəsində diqqəti çəkən məqamlardan biri İmişlidəki abadlıq işlərinə şəxsi cibindən vəsait ayırmasıyla bağlı dedikləri oldu: “Dövlət büdcəsindən abadlıq üçün ayrılmış vəsaitdən əlavə mənə qohumlarımdan (?) miras qalan puldan İmişlinin abadlıq işləinə 8 milyon manat xərcləmişəm. İş adamı olan dostlarımın, yaxın qohumlarımın köməyindən də istifadə etmişəm. Ancaq burada yalnız iki-üç nəfər insaflarına sığınıb mənim dövrümdə rayonda aparılan abadlıq işlərindən danışdı. Bu barədə cənab prezident İlham Əliyev özü də kameralar qarşısında cıxış edərək şəxsən mənim fəaliyyətimə yüksək qiymət verib. Həmin o çıxışda prezident qeyd edirdi ki, (bu yerdə təqsirləndirilən şəxs səsinin tonunu qaldırır) dövlətə, dövlətçiliyə, hakimiyyətə sədaqət bu cür olmalıdır”.

Keçmiş başçı rayonda öz vəsaiti hesabına gördüyü işlərin həcminin qiymətləndirilməsi üçün məhkəmə qarşısında vəsatət qaldırdı:

“İndi mən burda vəsatət qaldırıram, rayonda büdcədənkənar gördüyüm işlər dəqiqliyi ilə hesablandın. Baxaq görək mən büdcədənkənar nə qədər işlər görmüşəm? Bayraq meydanı, Bayraq muzeyi, şahmat məktəbi, uzunluğu 12 kilometr olan prospektin təmir-bərpası, işıq dirəklərinin quraşdırılması, bəzi məktəblərin tikintisi, təmiri... Bu və digər bir çox işlər mənim şəxsi pulumla görülüb”.

Sonra Vilyam Hacıyev ona qarşı irəli sürülmüş ittihamlar üzrə danışdı. Bildirdi ki, əgər onu hansısa podratçı şirkətlərdən, yaxud təşkilatlardan pul almaqda, həmin şirkətlərin harasa pul ödəmələrinə məcbur etməkdə təqsirləndrilirsə, pulu verdiyi deyilən həmin şirkətlər də, şəxslər də iştirakçı hesab olunur: “Əgər mən həbsdəyəmsə, sual olunur, bəs niyə həmin iştirakçılar həbsdə deyil? Əgər onlar həbsdə deyillərsə, bəs onda mən niyə həbsdəyəm? Mən Cinayət Məcəlləsinin 179-cu maddəsiylə təhsil, səhiyyə, mədəniyyət, və digər dövlət qurumlarındakı ehtimal olunan mənimsəmələrlə ittiham olunuram. Bu, qəbuledilməzdir. Həmin təşkilatların hər birinin öz nazirliyi var və yerli icra hakimiyyətinə tabeçiliyi yoxdur. Başçıların bu qurumlara müdaxilə səlahiyyəti yoxdur”.

Vilyam Hacıyev daha sonra bildirib ki, ittiham olduğu həmin maddə üzrə dəymiş zərər kimi göstərilən 6 milyon manatı dövlət büdcəsinə köçürməyə hazırdır.

Vilyam Hacıyev sahibkarlardan rüşvət almasıyla bağlı epizodlar üzrə ifadəsində bildirib ki, sahibkarlar özləri könüllü şəkildə rayondakı hansısa abadlıq işlərinə görə pul təklif ediblər. Keçmiş icra başçısı sonda bildirib ki: “Məhkəmə zalında media işçiləri oturub, mən onların vasitəsiylə cənab prezidentə müraciət edirəm ki, yaşımı və dəymiş zərəri ödəyəcəyimi nəzərə alaraq məni bağışlayasınız”.

Sonra dövlət ittihamçısı Vilyam Hacıyevin Bakıdakı mənzilindən 2 milyon 500 min dollar, 1 milyon avro, Dövlət Təhlükəsizliyi Xidməti əməkdaşlarının İmişli rayon İcra Hakimiyyətində keçirdiyi əməliyyat zamanı icra başçısının cibimdən 2550 manat, otaqdan isə 10 min manat aşkar edilməsi epizodları üzrə suallar verdi. Vilyam Hacıyev həmin epizodlar üzrə ilkin istintaqa verdiyi ifadəsindən imtina etdiyi üçün sualları cavablamayacağını bildirdi: “Mən heç bilmirəm orda nə yazılmışdı, mən özümdə deyildim, imza atdırdılar. Mənim qəbul etdiyim ifadəm sonradan vəkilimin iştirakıyla verdiyim ifadədir. Ona görə də dövlət ittihamçısının ilkin ifadəmə istinad edərək verdiyi sualları cavablamıram”.

Dövlət İttihamçısının mənzildə aşkar olunan 2,5 milyon dollar haradandır sualına isə Vilyam Hacıyev belə cavab verib: “Həyat yoldaşımın babasından qalıb”

Növbəti məhkəmə iclası iyunun 3-nə təyin olunub.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb. Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranda saxlanılan azərbayanlı tələbə ilə bağlı açıqlama verib

2 İyun 2023

Rəsmi səhifə

"İranda həbs olunan Fərid Səfərli ilə görüşün keçirilməsi üçün tədbirlər görülür". Toplum Tv xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Azərbaycan vətəndaşı Fərid Səfərlinin İranda həbs olunmasına münasibət bildirərkən deyib. O xatırladıb ki, Fərid Səfərli barədə məlumat Azərbaycan Xarici İşlər Nazirliyinə daxil olan gündən, yəni martın 9-dan etibarən vətəndaşın aqibətinin müəyyən edilməsi və İranın məsələyə aydınlıq gətirməsi məqsədilə müvafiq olaraq İranın Azərbaycandakı Səfirliyinə nota ünvanlanıb: Çoxsaylı müraciətlərdən sonra İran tərəfi notamıza cavab olaraq, Fərid Səfərlinin həbs olunaraq ona qarşı cinayət işi başladıldığını bildirib. Bu barədə Fərid Səfirlinin ailəsinə müvafiq məlumat verilib". https://toplum.tv/siyaset/pazerbaycanli-telebenin-iranda-casusluq-ittihami-ile-hebs-olundugu-bildirilirp...
Siyasət

Rəsmi Bakı Makronun bəyanatından narazı qalıb

2 İyun 2023

Açıq mənbələrdən götürülüb

"Əfsuslar olsun ki, Fransa tərəfindən belə davranışın sərgilənməsi ilk hal deyil və bu, Azərbaycanla Ermənistan arasında sülh prosesinə, bölgədə sülh və sabitliyə heç də müsbət töhfə vermir". Toplum Tv xəbər verir ki, bu barədə iyunun 2-də Xarici İşlər Nazirliyinin mətbuat katibi Ayxan Hacızadə Fransa Prezidenti Emmanuel Makron tərəfindən Kişineu görüşünün nəticələrinə dair yayılmış bəyanata cavab olaraq deyib. Onun sözlərinə görə, Kişineuda Avropa Siyasi İcması sammiti çərçivəsində Azərbaycan Prezidenti və Ermənistanın Baş naziri arasında Aİ Şurasının Prezidenti Şarl Mişelin, Fransa Prezidentinin və Almaniya Kanslerinin iştirakı ilə görüşün yekunları üzrə mətbuata açıqlama ənənəyə uyğun olaraq Brüssel formatının təşkilatçısı kimi Şarl Mişel tərəfindən...

Seçilmiş Videolar

Toplum TV loqo