Siyasət

YAP-ın "beyni" ləğv olundu 

5 Mart, 2021
1812

YAP

Xəbər verdiyimiz kimi, Yeni Azərbaycan Partiyasının (YAP) martın 5-də keçirilən VII qurultayında partiyanın Siyasi Şurasının ləğv olunması barədə qərar çıxarılıb. 

Siyasi Şura ləğv edilib və Veteranlar Şurası adlı yeni qurum yaradılıb. Veteranlar Şurasının sədri Arif Rəhimzadə, müavini isə Sədaqət Qəhrəmanova təyin edilib. 

Məlumata görə, bu gün keçirilən qurultayda həmçinin partiyanın İdarə Heyəti yenilənib. YAP İdarə Heyətinin sədri Prezident İlham Əliyevdir, Baş nazirin müavini Əli Əhmədov isə sədr müavini olaraq qalıb. Yeni İdarə Heyətinin tərkibi 40 nəfərdən ibarətdir. Bildirilib ki, İdarə Heyətinin keçmiş üzvləri Ramiz Mehdiyev və Siyavuş Novruzov yeni təsdiqlənən İdarə Heyətində yer almayıblar. Ramiz Mehdiyev Veteranlar Şurasının üzvü olmaqla kifayətlənib. Partiyanın keçmiş simaları Əli Həsənov, Hadi Rəcəbli və Abel Məhərrəmov ümumiyyətlə, qurultayda iştirak etməyiblər. 

Yeni Azərbaycan Partiyasının Nizamnaməsinin 1-ci maddəsinə əsasən partiyanın rəhbər orqanları belədir:

- Qurultay
- Siyasi şura
- İdarə Heyət
i

Siyasi Şurasının bir çox mühüm səlahiyyətləri vardı və partiyanın Nizamnaməsinin 4-cü maddəsinə əsasən o, bu funksiyaları icra edirdi:

"Siyasi Şura qurultaylararası dövrdə partiyanın fəaliyyətinə rəhbərlik edir. Siyasi şuranın iclasları zəruri hallarda, lakin altı ayda bir dəfədən az olmamaqla, çağırılır.

Siyasi Şura:

- partiyanın siyasi fəaliyyət taktikasını hazırlayır;
- partiyanın qurultayını çağırmaq haqqında qərar qəbul edir;
- sədrin təklifi ilə onun I müavinini, müavinlərini və icra katibini seçir;
- İdarə heyətini seçir, onun fəaliyyətinə dair məruzəyə baxır və təsdiq edir;
- daimi və müvəqqəti komissiyalar yaradır, onların əsasnamələrini təsdiq edir, fəaliyyətlərini əlaqələndirir;
- Gənclər Birliyi və Qadınlar Şurasını, digər partiyadaxili strukturları yaradır və onların əsasnamələrini təsdiq edir;
- partiyanın rayon (şəhər) və ilk partiya təşkilatları haqqında əsasnamələri təsdiq edir; - partiyanın beynəlxalq əməkdaşlıq sahəsində əsas fəaliyyət istiqamətlərini müəyyənləşdirir; - zəruri hallarda idarə heyətinin təqdimatı ilə yerli orqanların fəaliyyətini dayandırır, onları buraxır, yenidən təşkil edir;
-Nizamnamədən irəli gələn digər məsələləri həll edir".

Siyasi Şuranın ləğv olunmasından sonra bu səlahiyyətləri YAP-ın hansı qurumunun icra edəcəyi barədə hələlik açıqlama verilməyib. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Vəkillər Bəxtiyar Hacıyevlə görüşə buraxılmadı

29 Yanvar 2023

Sosial Media

Yanvarın 28-də vəkillər Zibeydə Sadıqova və Elçin Sadıqovun Bəxtiyar Hacıyevlə görüşünə imkan verilməyib.  Toplum TV xəbər verir ki, bu barədə vəkillər sosial mediada açıqlama veriblər. Vəkillər bildirib ki, onlara təcridxanada dezinfeksiya işləri aparıldığını və buna görə görüşün mümkün olmadığını bildiriblər. Zibeydə Sadıqova bundan əvvəlki açıqlamasında Bəxtiyar Hacıyevin səhhətinin ağır olduğunu bildirmişdi. Onun sözlərinə görə, Hacıyev həbsxanaya girəndən 12.5 kiloqram çəki itirib.  "O, tez-tez huşunu itirir, nəfəs darlığı yaranır. Ayaq üstə dura bilmir", - vəkil "Amerikanın Səsi"-nə deyib. Penitensiar Xidmətin İctimaiyyətlə Əlaqələr Şöbəsindən isə "Amerikanın Səsi"nə bildiriblər ki, Hacıyev təcridxananın tibb-sanitar hissəsində həkim nəzarətindədir. İctimai fəal Bəxtiyar Hacıyev ötən il dekabrın...
Siyasət

İran Prezidenti İlham Əliyevə zəng etdi

28 Yanvar 2023

Açıq mənbələrdən götürülüb

Bu gün  yanvarın 28-də İran Prezidenti  İbrahim Rəisi İlham Əliyevə zəng edib. Topum TV xəbər verir ki, bu barədə Azərbaycan Prezidentinin Mətbuat Xidməti məlumat yayıb. Bildirilir ki, telefon danışığı zamanı İbrahim Rəisi Azərbaycanın Tehrandakı səfirliyinin mühafizə xidmətinin rəhbəri Orxan Əsgərovun həlak olması ilə bağlı İlham Əliyevə və mərhumun ailəsinə başsağlığını ifadə edib,  yaralananların tezliklə şəfa tapmasını arzulayıb. Öz növbəsində İlham Əliyev səfirliyə qarşı törədilmiş terror aktını şiddətlə qınadığını bildirib, bu qanlı terror aktının hərtərəfli araşdırılacağına və cinayətkarların layiqli cəzalarını alacaqlarına ümidvar olduğunu qeyd edib. Həmçinin Əliyev istintaqın şəffaf şəkildə aparılmasının vacibliyini vurğulayıb. Məlumatda həmçinin qeyd olunub ki, Əliyev səfirliyin digər...

Seçilmiş Videolar

Toplum TV loqo