Sosial

112 saylı məktəbdə şagirdin bullinqə məruz qaldığı bildirilir - DİN araşdırır

4 Oktyabr, 2022
1004

Sosial şəbəkələrdə Bakıda məktəblərdən birində şagirdin sinif otağında məktəbli yoldaşı tərəfindən döyülməsinin görüntüləri yayılıb.

Hadisənin Sabunçu rayonu 112 saylı məktəbdə baş verdiyi bildirilir. 

112 nömrəli tam orta məktəbdən verilən məlumata görə, sosial şəbəkələrdə şagirdlərin uyğunsuz davranışı ilə bağlı yayılan görüntülər 30 sentyabr tarixində tənəffüs zamanı baş verib. 

Bildirilib ki, həmin şagirdlər arasında əvvəllər heç bir mübahisə baş verməyib: “Görüntüləri çəkən şagird həmin gün məktəbə iki mobil telefon gətirərək birini sinif rəhbərinə təhvil versə də, digərini özündə saxlayıb. Sinif rəhbəri hadisədən xəbərdar olan kimi şagirdlərlə söhbət aparıb. Onlar  səhvlərini anladıqlarını və artıq barışdıqlarını bildiriblər". 

"Məktəb rəhbərliyi tərəfindən şagirdlərdən və onların valideynlərindən izahat alınıb, psixoloqlar tərəfindən məktəblilərlə müvafiq istiqamətdə söhbət aparılıb. Məsələ ilə bağlı hüquq-mühafizə orqanlarına da məlumat verilib”, - deyə məlumatda qeyd olunur. 

Bakı Şəhər Tədris İdarəsi də məsələ ilə bağlı müvafiq araşdırma aparıldığını söyləyib.

Elm və təhsil nazirliyinin mətbuat xidmətinin rəhbəri Cəsarət Valehov Toplum TV-yə məslədən xəbərdar olduqlarını bildirib: “Uşaqlarla söhbətin aparılması üçün, yəqin ki, aidiyyatı qurumlar işləyir. Şagirdlər, məktəb müəllimləri və valideynlərlə müzakirə aparılıb bunu yaradan səbəblər daha geniş danışılmalıdır. Eyni zamanda, belə halların məktəblərdə təkrarlanmaması üçün müzakirələr aparılmalıdır”. 

O məktəblərdə bulinq hallarının azaldılması üçün müvafiq addımlar atıldığını, amma bundan sığortalanmadıqlarını söyləyib: “Bulinq mövzusunda məktəblərin girişində müxtəlif plakatlar vurulur, müəllimlər öz dərslərində uşaqlara izahatlar verirlər. Bu bizim üçün çox vacib məsələdir. Amma, təəssüf ki, bundan qaçmaq olmur. Bulinq dünyanın bütün ölkələrinin məktəblərində baş verir, biz də istisna deyilik”. 

Qurum rəsmisi məktəblərə smartfonların l gətirilməsinə qadağa olmadığını söyləyib. 

Amma belə hadisələrin qarşısının alınması üçün preventiv addımlar arasında olacağını da istisna etməyib.

Daxili İşlər Nazirliyinin sözcüsü Elşad Hacıyev bildirib ki, məktəblilər arasında baş verən mübahisəni əks etdirən görüntülər arşdırılır.  

O, sosial şəbəkə hesabında belə yazıb:

“Məktəbin 9-cu sinif şagirdlərdən biri digərinin ünvanına nalayiq ifadələr işlətdiyi üçün onunla mübahisə edib. Hər iki məktəbli valideynləri ilə birgə polis orqanına dəvət olunub və izahatları alınıb. Xəsarətin dərəcəsini müəyyənləşdirmək üçün tibbi ekspertiza təyin olunub. Hazırda faktla bağlı araşdırmalar davam etdirilir”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Narkoloji Mərkəzin vəzifəli şəxsləri həbs edilib

1 Mart 2024

Rəsmi səhifə

“Respublika Narkoloji Mərkəzi”nin vəzifəli şəxsləri cinayət məsuliyyətinə cəlb olunub. Toplum TV xəbər verir ki, bu barədə martın 1-də Baş Prokurorluq və Səhiyyə Nazirliyi birgə məlumat yayıb.  Bildirilir ki, Korrupsiyaya qarşı Mübarizə Baş İdarəsində "Narkoloji Mərkəzi”n baş direktoru Elşən Mustafayev və müavini Zamin Əliyev barəsində cinayət işi açılıb. https://toplum.tv/olke/pherbi-hisselerdeki-menimsemeye-goumlre-mehkeme-baslayirp Vəzifəli şəxslər şübhəli şəxs qismində tutulublar. Onlara Cinayət Məcəlləsinin rüşvət alma maddələri ilə ittiham elan edilib. Həmçinin məhkəmənin qərarı ilə həbs qətimkan tədbiri seçilib.  Məlumatda o da bildirilib ki, hazırda cinayət əməllərinin törədilməsində iştirak etmiş digər şəxslərin müəyyən edilməsi istiqamətində tədbirlər davam etdirilir.    
Sosial

Xocalıdakı kütləvi məzarlıqdan daha 5 nəfərin qalıqları tapılıb

1 Mart 2024

Açıq mənbələrdən götürülüb

Xocalıda aşkar edilmiş kütləvi məzarlıqdan daha 5 nəfərin qalıqları tapılıb. Toplum TV xəbər verir ki, bu barədə martın 1-də Baş Prokurorluğun Mətbuat xidməti məlumat yayıb.  "Xəbər verildiyi kimi işğaldan azad edilmiş Xocalı şəhərinin mərkəzində (keçmiş xalça fabrikinin yaxınlığında) həyata keçirilən əsaslı bərpa-quruculuq işləri çərçivəsində aparılan qazıntı işləri zamanı basdırılmış vəziyyətdə kütləvi insan qalıqlarının aşkar olunması faktı ilə bağlı Baş Prokurorluğun Kriminalistika və informasiya texnologiyaları idarəsində araşdırma aparılır. Qeyd olunan ərazidə həyata keçirilən baxış istintaq hərəkəti nəticəsində bu gün daha 5 nəfərə aid insan qalıqları aşkar edilib, bununla da, kütləvi məzarlıqda basdırılan insan qalıqlarının ən azı 10 nəfər şəxsə (onlardan 2...

Seçilmiş Videolar

Toplum TV loqo