Sosial

182 ölkə arasında 121-ci – Azərbaycanda internetin sürəti niyə zəifdir?

17 Avqust, 2022
1244

Açıq mənbələrdən götürülüb

Bu ilin iyul ayında Azərbaycanda sabit genişzolaqlı internetin orta sürəti 20,89 MB/S olub, bu göstərici ilə Azərbaycan ölkələrin qlobal reytinq siyahısında 121-ci yerdə qərarlaşıb. Halbuki iyun ayında Azərbaycan siyahıda 3 pillə irəlidə idi.

İnformasiyanı sabit genişzolaqlı internetin sürəti ilə bağlı dünyanın 182 ölkəsində araşdırma aparan  “Speedtest Global Index” yayıb.

Sabit genişzolaqlı internetin sürətinə görə dünya ölkələri arasında ilk pillədə Çili (212,98 MB/S), sonuncu pillədə Əfqanıstan (1,85 MB/S) qərarlaşıb. Türkiyə 106, Özbəkistan 86, Qırğızıstan 78, Rusiya 49-cu yerlərdədir. Hazırda müharibə şəraitinin mövcud olduğu Ukrayna isə 61-ci yerdədir.

Azərbaycan mobil internetin sürətinə görə ölkələrin qlobal reytinq siyahısında da 2 pillə geriləyib və 31,21 MB/S sürətlə 60-cı pillədə qərarlaşıb.

https://toplum.tv/sosial/icbari-sigorta-burosuna-novbeti-kiberhucum-olub

Mobil operatorlarla bağlı siyahıda Birləşmiş Ərəb Əmirlikləri (BƏƏ) 120,35 MB/S sürətlə birinci, Kuba isə 4,15 MB/S sürətlə sonuncu 140-cı yerdə qərarlaşıb.

“Azərbaycan internetin sürətinə görə reytiq cədvəlində irəliləməyə başlayacaq”

İnformasiya-Kommunikasiya Texnologiyaları İnformasiya Mərkəzinin direktoru Fərid Kazımov belə düşünür.

Onun fikrincə, Azərbaycanın siyahıda geriləməsinin səbəbi regionlarda genişzolaqlı internetin tam qurulmaması ilə əlaqədardır.

“Bu yaxınlaracan regionlarda genişzolaqlı internet yox idi, ADSL standartı əsasında xidmətlər göstərilirdi. Hazırda ölkədə bu istiqamətində işlər gedir, infrastruktur qurulur. Ancaq onu da başa düşməliyik ki, bu bir günə başa gəlməyəcək”.

Fərid Kazımov - Açıq mənbələrdən götürülüb

2013-cü ildə Azərbaycan  Dövlət Neft Fondunun icraçı direktoru Şahmar Mövsümov ilin sonuna kimi “Hər evə optika” layihəsinin maliyyələşdiriləcəyini demişdi.

“Hər evə optika” layihəsi Dövlət Neft Fondunun maliyyə dəstəyi ilə keçmiş Rabitə və İnformasiya Texnologiyaları Nazirliyi (hazırda Rəqəmsal İnkişaf və Nəqliyyat Nazirliyi – red. ) tərəfindən həyata keçirilməli idi.

3 ilə nəzərdə tutulan layihədə məqsəd ucqar regionlar da daxil olmaqla, ölkədə genişzolaqlı internetin inkişafı idi.

“İkinci ildən başlayaraq onun ümumi dəyərinin 30-35%-i təkrar investisiya hesabına maliyyələşdiriləcək. Layihənin əsas məqsədi ucqar kənd yaşayış məntəqələri də daxil olmaqla, bütün ölkə ərazisini 10-100 meqabit saniyə həddində sürətli internetlə təmin etmək və genişzolaqlı internet istifadəçilərinin sayını 85%-ə çatdırmaqdır ki, bu da Azərbaycana 2017-ci ilədək dünyanın inkişaf etmiş ölkələrinin səviyyəsinə çıxmağa imkan verəcək”, - Ş Mövsümov məsələylə bağlı açıqlamasında demişdi.

Şahmar Mövsümov

Ancaq ötən illər ərzində hətta büdcədə nəzərdə tutulmağına baxmayaraq, keçmiş Rabitə və Yüksək Texnologiyalar Nazirliyinə bu vəsait ayrılmadı. Nəticədə, ölkədə genişzolaqlı internet problemi də həll olunmamış qaldı..

İKT İnformasiya Mərkəzinin direktoru Fərid Kazımov xatırladır ki, yarım il öncə nazirlik 2 il ərzində Azərbaycanın bütün ərazisini sürətli internetlə təmin edəcəklərini bəyan edib.

“Məsələn, paytaxt Bakıda internetlə bağlı problem yoxdur. Çətinlik daha çox bölgələrdə, regionlarda ADSL telefon xətti üzərindən qurulan şəbəkələrdədir ki, burada internet istifadəsində müəyyən məhdudiyyətlər ola bilir. ADSL xətləri ilə heç 31 mb/s vermək belə mümkün deyil.

Azərbaycandan fərqli olaraq, Avropada genişzolaqlı internet şəbəkələri üçün infrastruktur illərdir mövcuddur. Hətta hazırda müharibə gedən Ukraynada internet həmişə sürətli olub. Bu da ölkənin Avropa internet şəbəkələrinə yaxın olması ilə bağlıdır” ,- deyə F. Kazımov bildirib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo