Sosial

20 Yanvar şəhidlərinin yaxınları etiraz aksiyası keçirdi

Samirə Əli
Nuray Kamal
12 Avqust, 2022
993

Toplum TV

“Bax, bu oğlu şəhid olan anadan kim xəbər tutdu? Ana yaşadığını yaşadı, bacısı, qardaşı yaşadı. Bu gün bəs hanı o uşağın adı? 20 Yanvar şəhidlərinin adı hanı? Hamının adından danışıram, çünki hamımızın dərdi birdir”. 

Bu sözləri atası 20 Yanvar hadisələri zamanı şəhid olan vətəndaş Maral Zamanova bu gün, avqustun 12-si keçirilən aksiya zamanı söyləyib.

Şəhidlər Xiyabanı qarşısında 20 Yanvar şəhidlərinin bir qrup yaxını tərəfindən keçirilən aksiya “20 Yanvar əlilləri və şəhid ailələrinin hüquqlarının təmin olunması” İctimai Birliyinin təşkilatçılığı ilə baş tutub.

Ailələr illərdir şəhid olmuş yaxınları üçün vəsiqə və döş nişanı ala bilməmələrindən şikayətçidirlər. Onların sözlərinə görə, dəfələrlə Prezident Administrasiyası, vitse prezident Mehriban Əliyevaya müraciətlər ünvansalar da, məktubları cavabsız qalır:

“Mən özüm 20 Yanvar şəhidinin həyat yoldaşıyam. İyulun 4-də Prezident Administrasiyasının qəbul şöbəsinə getdik. Natiq Əmirovun qəbulunda oldum.  Məktubda prezidentin verdiyi fərmanın 1998 və 2020-ci illərdə icra olunmadığını 109 şəhid ailəsinin imzası və 150 şəhid ailəsi adından təqdim etmişəm. 

Üç gün bundan öncə mənə məşğulluq idarəsindən zəng edib deyirlər ki, sizin işlə bağlı əlaqə saxlamışıq. Deyirəm, mənim məktubumu oxuyun, görün, orada məşğulluqla bağlı cümlə varmı? Evimizdə 20 Yanvar şəhidi ilə bağlı bir dənə də olsun sənəd yoxdur - nə döş nişanı, nə vəsiqə”. 

https://toplum.tv/multimedia/qazinin-etirazi-niye-bizi-oldurursunuz

İctimai Birliyin sədri Maral Zamanova 20 Yanvar hadisələrində şəhid olmuş Qocamanov Əliyusifin qızıdır. Maral Zamanova deyir, Prezident hələ 2006-cı ildə şəhid ailələrinə ayrılacaq təqüdlə bağlı fərman imzalasa da, fərman 16 il sonra icra olunub:

“Biz hara gedirik, ölüm kağızını təqdim edirik. Ölüm kağızı ilə sübut edirik ki, bizim şəhidimiz var. Yetimlər böyüdükdən sonra, 2006-cı ildən bəri, düz 16 ildən sonra 20 Yanvar şəhid ailələrinə təqaüd verilib.

20 Yanvar şəhid ailələrindən xəbər tutan yoxdur, sanki üstündən xətt çəkirlər. Niyə? Axı birinci şəhidlər onlar olub. Əvvəllər hər il bir dəfə günəbaxan yağı, makaron, duz olan böyük qutulu, keyfiyyəti aşağı pay verirdilər. Gözdən pərdə asmaq üçün ildə bir dəfə Şəhidlər Xiyabanında tədbir keçirirlər. Gəlmişik Şəhidlər Xiyabanına polislər yığışıb. Prezidentin köməkçilərinin həll edə bilmədiyi işi polislərmi həll edəcək? Bir evdən 3 nəfər, 4 nəfər şəhid vermişik. Hamımız qara gündəyik. Niyə biz pis yaşamalıyıq?” - deyə Maral Zamanova əlavə edib.

https://toplum.tv/siyaset/din-sefer-mehdiyeve-gore-polislerin-isden-xaric-edilmesi-xeberi-esassizdir

Bir neçə dəqiqə çəkən aksiya zamanı iştirakçıları polis müşayiəti ilə ərazidən uzaqlaşdırılıb. Polis əməkdaşları etirazçılara bildirib ki, bir həftə ərzində Prezident Administrasiyası və Nazirlər Kabinetindən onlarla əlaqə saxlanılacaq.

2006-cı ildə Prezident İlham Əliyev “20 Yanvar şəhidinin ailəsi üçün Azərbaycan Respublikası Prezidentinin təqaüdü”nün təsis edilməsi haqqında fərman imzalayıb. Fərmana görə, 1990-cı ilin yanvar faciəsi zamanı şəhid olmuş hər bir şəxsin ailəsinə ayda beş yüz manat məbləğində təqaüd təsis olunub. Fərman 2006-cı il yanvarın 1-dən qüvvəyə minmiş hesab edilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Hava pisləşəcək: FHN əhaliyə müraciət etdi

31 May 2023

Açıq mənbələrdən götürülüb

Hava şəraitinin pisləşməsi ilə əlaqədar əhaliyə təhlükəsizlik qaydalarına riayət etmək barədə çağırış edilib.  Toplum TV xəbər verir ki, bu barədə mayın 31-də Fövqəladə Hallar Nazirliyi məlumat yayıb.  Bildirilir ki, yaxın günlərdə ölkə ərazisində hava şəraitinin qeyri-sabit keçəcəyi, çaylarda sel və daşğın olacağı, şimşək çaxacağı və güclü külək əsəcəyi gözlənilir. Buna görə də FHN əhalini təhlükəsizlik qaydalarına riayət etməyə çağırıb.  https://toplum.tv/multimedia/pbaki-zelzeleye-hazirdirp-1 "Güclü külək zamanı müvəqqəti tikililərdən, bina və reklam lövhələrindən uzaq durmaq, hündür ağacların altında durmamaq tövsiyyə olunur. Bundan əlavə, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir.  Həmçinin, ildırımla bağlı təhlükədən qorunmaq üçün telefonla danışmamaq, elektrik cihazlarını şəbəkədən...
Sosial

Regionlarda təbii fəlakət: Göygöldə iki nəfər həlak olub

26 May 2023

Sosial Media

Göygöl rayonunda təbii fəlakət nəticəsində iki nəfər həlak olub. Toplum TV xəbər verir ki, bu barədə mayın 26-da Daxili İşlər Nazirliyi məlumat yayıb. Bildirilir ki, Göygöl Rayon Polis Şöbəsinin əməkdaşları tərəfindən təbii fəlakət nəticəsində Gəncə çayında baş vermiş sel axınına düşərək itkin düşmüş 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanovun axtarışları davam etdirilib. İtkin düşmüş hər 2 şəxsin meyiti səhər saatlarında tapılıb. Polis əməkdaşları hər iki şəxsin meyitini çıxaraq müvafiq ekspertizaya təqdim edib. Araşdırmalar davam etdirilir. Göygölün bəzi kəndlərində güclü sel yerüstü  qaz xətlərini zədələyib. Nəticədə 4 kəndin qaz təchizatı dayandırılıb. “Azəriqaz” İstehsalat Birliyindən verilən məlumata...

Seçilmiş Videolar

Toplum TV loqo