Sosial

30 ildir ki, dərzi işləyən Əli Babayev: “Karantin çox pis təsir etdi”

9 Sentyabr, 2020
528
Əli Babayev 30 ildir ki, dərziliklə məşğul olur. 

O, bu sənətə məktəb vaxtlarından başladığını, dərziliyə uşaq vaxtından marağı, sevgisi olduğunu deyir:  "Dərzilikdən xoşum gəlirdi. Özümün söküb-tikməyə marağım vardı”.

 
Onun sözlərinə görə, bu sənəti dərzilərin əlinə baxaraq öyrənib. Daha sonra isə dərzilik onun peşəsinə çevrilib.

"16 yaşdan bu sahə ilə məşğulam”

Dərziliyə gənc yaşdan başlayan Əli Babayev deyir ki,  bu sahəyə öz istəyi ilə gəlib.

Amma bir müddət ara verməli olub. Məktəbi bitirdikdən sonra, 1992-ci ildə hərbiyə yollanıb, 1994-cü ildə isə yaralanıb, Qarabağ veteranı adını alıb.

Sonradan yenidən öz işi ilə məşğul olmağa başlayıb.

"Karantin çox pis təsir etdi”

Dərzi deyib ki, karantin rejimi onun işinə problem yaradıb, dolanışığını çətinləşdirib. Elə orada olan zamanda da müştərilərinin az olduğu gözə çarpırdı.

Əli Babayev ona bu karantin rejimi vaxtında 2 dəfə yardım edildiyini desə də, bu ona kömək etməyib. 

Dərzi yardımın onun qazancından çox aşağı olduğunu deyib: "Ancaq vermeşil, makaron, duru yağ kimi ərzaq verdilər”.

"Qazancım nə yaxşıdır, nə də pis”

Qazancının pis-yaxşı olduğunu deyən Əli Babayev sərt karantin rejimində heç olmasa, müəyyən güzəştlərin, işləmə vaxtının ayrılmasının ona müəyyən qədər kömək olacağını bildirib.
 

 
 

 
Elmar Əziz

Sosial

Əlillik verilən müharibə iştirakçılarının sayı bilindi

23 Sentyabr 2021

Rəsmi səhifə

Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin həkim-ekspertlərdən ibarət işçi qrupu II Qarabağ Müharibəsində yaralanmış hərbi qulluqçuların əlilliyinin qiymətləndirilməsi işlərini davam etdirir. Nazirlikdən bildirilib ki, artıq 2000 nəfərədək müharibə iştirakçısına ölkənin ərazi bütövlüyünün müdafiəsi ilə əlaqədar əlillik təyinatı həyata keçirilib. Əlillik təyinatından dərhal sonra proaktiv qaydada onlara müvafiq sosial ödənişlər təyin edilib. "Qazilərin əlilliyinin qiymətləndirilməsi Nazirlər Kabinetinin Qərarı ilə yaradılmış komissiyada təmsil olunan digər qurumların nümayəndələri ilə birgə hərbi qulluqçuların ilk mərhələdə əyani müayinəsi keçirilməklə və müvafiq sənədləşdirmə işləri görülməklə aparılır. Müdafiə və Ədliyyə nazirliklərinin, Daxili Qoşunların, Dövlət Sərhəd Xidmətinin Hərbi Həkim Komissiyaları tərəfindən...
Sosial

“İşə götürmürlər, belə çıxır ki, ya oğru olmalıyam, ya da yüngül həyat tərzini seçməliyəm”

Roza Məmmədova
23 Sentyabr 2021

Açıq mənbələrdən götürülüb

Gülnar Niftiyeva Azərbaycanda yaşayan minlərlə işsizdən biridir. 2018-ci ilə qədər həm dövlət, həm də özəl sektorda çalışıb. 3 ildir işsiz olan bu qadın ali təhsilli və təcrübəli olmasına baxmayaraq iş tapa bilmədiyindən evdə oturmağa məhkumdur. Onun sözlərinə görə, Azərbaycanda ali təhsilli insanların əksəriyyəti bu aqibəti yaşayır. “35 yaşdan sonra işə götürmürlər, pensiya yaşı isə 65-dir. Bəs 30 il ərzində vətəndaş nə etməlidir?” Artan işsizlər ordusu Dövlət Statistika Komitəsinin məlumatına görə, 2020-ci ildə Azərbaycanda  işsizlərin sayı 375,9 min nəfər olub. Amma müstəqil ekspertlər reallıqda işsizlərin sayının rəsmi rəqəmlərdən daha çox  olduğunu iddia edir, bildirirlər ki, ölkədə hazırda işsiz insanların sayı təxminən...
Seçilmiş Videolar