Sosial

6 aydan sonra koronavirusa qarşı 3-cü peyvənd vurulmalıdırmı? - TƏBİB-dən açıqlama

18 İyun, 2021
107

Açıq mənbələrdən götürülüb

“İkinci dozadan sonra orqanizmlərində anticisimlər yaranmayan şəxslərə üçüncü dozanın vurulması məsələsi aktiv müzakirə olunur”.

Bu barədə TƏBİB-in İnfeksion xəstəliklər üzrə işçi qrupunun həkim-infeksionisti Nəzrin Mustafayeva "feysbuk"dakı canlı yayımda bildirib. 

TƏBİB rəsmisinin sözlərinə görə, bu sualın cavabı 3-cü rübün sonuna yaxın, klinik tədqiqatların nəticəsi açıqlandıqdan sonra bəlli olacaq. Bu gün üçünsə yekun qərar yoxdur.  

Nəzrin Mustafayeva açıqlamaların zamanı həmçinin qeyd edib ki, "vaksin olunan nahiyəyə su vurmaq olmaz" fikri yalnış və elmi sübutu olmayan mülahizələrdir.

"Bunlar tamamilə əhəmiyyətsiz məlumatlardır. Bol maye içmək və ağır fiziki işlərdən çəkinmək lazımdır. İlk 48-72 saat ərzində sadəcə müəyyən simptomlar yaşaya bilərlər. Bu da təbiidir”, - deyə TƏBİB rəsmisi qeyd edib. 

Sosial

İki dəfə vaksin vurduranların sayı 2 milyonu keçdi

29 İyul 2021

BBC

Azərbaycanda son sutkada koronavirus (COVID-19) əleyhinə 84 247 vaksin vurulub. Bu barədə iyulun 29-da Nazirlər Kabineti yanında Operativ Qərargah məlumat yayıb. Qeyd edilib ki, bir gündə birinci mərhələ üzrə vaksinasiya olunanların sayı 46 638, ikinci mərhələ üzrə vaksinasiya olunanların sayı 37 609 nəfərdir. Ölkədə vurulan vaksinlərin ümumi sayı 4 798 286, birinci mərhələ üzrə vaksinasiya olunanların ümumi sayı2 777 752, ikinci mərhələ üzrə vaksinasiya olunanların sayı isə 2 020 534 təşkil edir.
Sosial

Son sutkada yoluxanların sayı

29 İyul 2021

Sosial Media

Azərbaycanda koronavirus (COVID-19) infeksiyasına 615 yeni yoluxma faktı qeydə alınıb, 181 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 5 nəfər vəfat edib. İndiyədək ölkədə ümumilikdə 342 548 nəfərin koronavirus infeksiyasına yoluxması faktı müəyyən edilib, onlardan 332 574 nəfər müalicə olunaraq sağalıb, 5 019 nəfər vəfat edib. 4 955 nəfər aktiv xəstə sayını təşkil edib. Son sutka ərzində yeni yoluxma hallarının müəyyənləşdirilməsi ilə əlaqədar 10 423, bu günə qədər isə ümumilikdə 4 014 073 test icra olunub.
Seçilmiş Videolar