İctimai-siyasi xəbərlər
“ADO bütün əşyaları ilə birlikdə küçəyə göndərilir...”
ADO
Ölkənin müstəqil teatrlarından biri, 9 yaşlı ADO ( Azərbaycan Dağınıq Oda ) kirayə götürdüyü binadan çıxarılır. Bu barədə martın 10-da teatrın “Feysbuk” səhifəsində məlumat paylaşılıb.
Məlumata görə, ADO-ya martın 15-dək məkanı təhvil verməklə bağlı xəbərdarlıq edilib.
Teatr rəhbərliyi bildirir ki, bir ildir pandemiya ilə əlaqədar ölkədə qapanmalar var və teatrların fəaliyyətinə icazə verilmir. Həmin müddətdə onlar yerləşdikləri məkanı itirməmək üçün əllərindən gələni etməyə çalışdıqlarını, amma icarəyə götürdükləri binanın sahibinin çox az güzəşt etdiyini bildirirlər.
“...bəzən küçəyə SMS-lə çıxdığımız vaxtlarda belə məkanı itirməmək üçün icarənin 30 faizini ödəmək məcburiyyətində qalırdıq. Bu bir ildə teatrın gəlirləri az, xərcləri isə çox oldu. Bir neçə dəfə ara məsafəni qorumaqla məhdud sayda insan üçün tamaşalar göstərsək də, bu, məkanı saxlamağımıza bir o qədər də kömək olmurdu. İcarədarla apardığımız danışıqlar nəticəsiz oldu və bu gün “güzəşt olmayacaq” cavabını aldıq”.
ADO rəhbərliyi 9 il ərzində çox sayda rekvizit yığıldığını, indiki vəziyytədə onlara sahib çıxa bilmədiklərini və martın 15-də Mirzəağa Əliyev-245 ünvanındakı məkandan çıxmalı olduqlarını bildirir.
“Geridə qoyduğumuz 9 ilə və qarşıya güzgü tutmağa, bütün baş verənləri ölkənin ilk müstəqil teatrı olaraq ictimaiyyətlə müzakirə etməyə açıq qoyacağıq.
10 mart 2021: bu gün Azərbaycanda Milli Teatr Günüdür?” – açıqlama bu sualla bitir.
Teatrın rəhbəri Elmin Bədəlov həm də 2021-ci il fevralın 14-də yaradılmış Gəncənin ilk müstəqil teatrı “dAo”-nun qurucusudur.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Stiven Siqalın oğlu Rusiya vətəndaşı oldu
Oqtay Əliyev yol qəzasında həyatını itirdi
