Sosial

Agentlik: "İşləməyənlər tibbi sığorta haqqı ödəməyəcək"

Nigar Səmədli
1 Aprel, 2021
3425

Açıq mənbələrdən götürülüb

Aprelin 1-dən Azərbaycanda icbari tibbi sığortanın üçüncü - sonuncu mərhələsinin tətbiqinə başlanılır. 

Bildirilir ki, Bakı, Sumqayıt, Abşeron, Xankəndi, Qubadlı, Zəngilan və Şuşa da daxil olmaqla, bütövlükdə ölkə ərazisi tibbi sığorta ilə əhatə olunacaq. 

“Tibbi sığorta haqqında” Qanuna əsasən, dövlət və neft sektorunda çalışan işəgötürən və işçilər, qeyri-dövlət və qeyri-neft sektorunda çalışan işəgötürən və işçilər, mülki-hüquqi xarakterli müqavilələr əsasında işləri (xidmətləri) yerinə yetirən fiziki şəxslər və sahibkarlıq fəaliyyəti ilə məşğul olan fiziki şəxslərdən 1 yanvar 2021-ci il tarixindən etibarən icbari tibbi sığorta haqqı toplanılır.

İcbari tibbi sığorta haqqı ödəməklə sığorta olunan "Xidmətlər zərfi" çərçivəsində nəzərdə tutulan qaydalara uyğun olaraq tibbi xidmətlərdən ödənişsiz şəkildə istifadə edə bilir. 

Qanuna əsasən, digər şəxslər; heç bir yerdə əmək və ya mülki müqavilə əsasında işləməyən, eləcə də sahibkarlıq fəaliyyəti ilə məşğul olmayan şəxslər  2024-cü il yanvarın 1-dək icbari tibbi sığorta haqqı ödəməkdən azaddır. 

Hazırda bu şəxslər üzrə icbari tibbi sığorta haqqı dövlət büdcəsinin vəsaiti hesabına ödənilir.

İcbari Tibbi Sığorta üzrə Dövlət  Agentliyinin (İTSDA) Tibbi iddialar departamentinin rəhbəri Vüqar Qurbanov “Qafqazinfo”ya deyib ki, artıq ölkənin bir çox ərazilərində vətəndaşlar tibb müəssisələrinə müraciət etməklə, ödəniş etmədən bu xidmətlərdən istifadə edə bilirlər: “İcbari tibbi sığortanın tətbiq olunduğu keçən il ərzində xidmətlər zərfinə 2550-yə yaxın tibbi xidmət daxil idi. Bura stasionar şəraitdə aparılan bütün tibbi xidmətlər, terapevtik müalicələr, cərrahi əməliyyatlar, stasionar şəraitdə dərman təminatı, təcili tibbi yardım xidməti, ilkin səhiyyə xidməti və bundan başqa, açıq və qapalı ürək əməliyyatları, kardioinvaziv müdaxilələr və sair kimi bahalı və qiyməti yüksək olan əməliyyatlar daxil idi. Bu ildən isə agentliyin hədəfi odur ki, bu tibbi xidmətlərin sayını və çeşidini artırsın. Bununla bağlı Nazirlər Kabinetinə öz təkliflərimizi təqdim etmişik. İcbari tibbi sığorta ölkə üzrə tam əhatə olunanda 3550-dən çox xidməti əhatə edəcək. Bu xidmətlər də dəyərindən asılı olmayaraq həyat üçün vacib olan, sağlam həyat sürmək üçün lazım olan tibbi xidmətlərdir”.

Vüqar Qurbanov - Sputnik

İTSDA-nın məlumatına görə, ölkədə geniş yayılmış, əlillik və ölüm riski olan xəstəliklərin stasionar şəraitdə müalicəsi icbari tibbi sığorta təminatı hesabına həyata keçiriləcək. 

Eyni zamanda, "Xidmətlər zərfi"nə 1100-dən çox cərrahi əməliyyat salınıb. Bahalı əməliyyatlar sırasında həmçinin kifayət qədər geniş sayda oftalmoloji, travmatoloji, uroloji və neyrocərrahiyə əməliyyatları var. 

Vüqar Qurbanov bildirib ki, kompüter tomoqrafiyası xidmətləri də sığortaya daxildir: "Bilirsiniz ki, KT insan sağlamlığı üçün zərərlidir. Bu, ancaq həkim təyinatı əsasında həyata keçirilməlidir”. 

Onun sözlərinə görə, bəzi xidmətlər isə İTSDA tərəfindən təminata alınmır: "Bura polinklinik şəkildə dərman təminatı, stomatoloji xidmətlər, estetik-kosmetik əməliyyatlar daxildir". 

Qurumun rəsmi açıqlamasında isə deyilir ki, icbari tibbi sığorta təkcə dövlət deyil, agentliyin müqavilə bağladığı özəl klinikalara da aiddir: "Elə xidmətlər var ki, onları dövlət xəstəxanası verə bilmədiyi üçün özəl tibb müəssisələriylə müqavilələr imzalanır". 

Aynurə Əhmədova - Açıq mənbələrdən götürülüb

İcbari Tibbi Sığorta üzrə Dövlət Agentliyinin mətbuat xidməti Aynurə Əhmədova “Toplum TV”-yə açıqlamasında özəl klinikaların tam siyahısının təqdim olunmamasının səbəblərinə aydınlıq gətirib: “Siyahının tam şəkildə verilməməsinin səbəbi ehtiyaclara uyğun olaraq özəl klinikalarla müqavilələrin tez-tez yenilənməsidir. Şəxsə göndərilişin verildiyi dövlət tibb müəssisəsində klinikaların siyahısı təqdim olunur. Bunlardan bir neçəsinin adını qeyd edə bilərəm - Mərkəzi Klinika, Bakı Sağlamlıq Mərkəzi, Respublika Diaqnostika Mərkəzi, Azərbaycan Tibb Univeristeti Tədris Cərrahiyyə Klinikası və sairə. Onu da əlavə edim ki, xidmətlər zərfində olan, amma dövlət tibb müəssisəsində mövcud olmayan xidmətlər özəl tibb müəssisələrində verilir”.

Fərhad Mehdiyev - Sosial Media

Hüquqşünas Fərhad Mehdiyev isə deyir ki, qeyd olunan xidmətlərin necə tətbiq edilməsi önəmlidir: “Əslində, qərarın necə icra olunacağını gözləmək lazımdır, çünki kağızda yazılanlardan başqa təcrübədə bəzi sıxıntılar ortaya çıxa bilər. Daha əvvəllər pilot bölgələrdə tətbiq olunan tibbi xidmətlər zamanı həkimlər aldıqları məvacibdən narazılıq edirdilər. Digər tərəfdən, "Xidmətlər zərfi"ndə 2500-ə yaxın tibbi xidmət qeyd olunub ki, orada bəzi yayğın xəstəliklər yer almayıb. Məsələn, xərçəng xəstəliyinin müalicəsi, apendisit kimi geniş yayılmış bir sıra əməliyyat xidmətlərə daxil edilməyib. Amma qeyd olunan xidmətlər keyfiyyətli şəkildə göstərilsə, yenə də yaxşıdır. Ümid edək ki, bu sistem normal şəkildə işləyər və gələcəkdə digər xəstəliklər də hissə-hissə orada yer alar”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Deputat: Selektiv abortlar baş alıb gedir  

29 Noyabr 2023

Açıq mənbələrdən götürülüb

"Selektiv abortlar baş alıb gedir. Bu, qanunla bu qadağandır. Buna riayət etmək lazımdır" Toplum TV "Trend"-ə istinadən məlumat verir ki, bunu noyabrın 29-da Milli Məclisin Səhiyyə komitəsinin sədri Əhliman Əmiraslanov parlamentdə müzakirə zamanı deyib. "Azərbaycanda müasir tibbi avadanlıqlar var ki, hamilə vaxtı ən xırda patologiyanı belə aşkara çıxarır. Selektiv abortların qarşısının alınması üçün maarifləndirmə işləri gücləndirilməlidir”, - deyə o əlavə edib. https://toplum.tv/sosial/pazerbaycan-selektiv-aborta-goumlre-duumlnya-birincisi-olaraq-qalirp Milli Məclisdə “Ailə sağlamlığı və dəyərləri qanunvericilik aspektində” mövzusunda ictimai dinləmə keçirilir. İclasda səhiyyə nazirinin müavini İlqar Qasımov, elm və təhsil nazirinin müavini Firudin Qurbanov, əmək və əhalinin sosial müdafiəsi nazirinin mavini Vüsal Nəsirli, deputatlar və digər qonaqlar...
Sosial

Dünya Bankı: Azərbaycan su qıtlığı ilə üzləşəcək

29 Noyabr 2023

Açıq mənbələrdən götürülüb

Azərbaycan qlobal miqyasda baş verən dekarbonizasiyanın təsirinə birbaşa məruz qalan ölkədir. Toplum TV APA-ya istinadən xəbər verir ki, bunu Dünya Bankının Azərbaycan üzrə yeni təyin olunmuş ölkə meneceri Stefanie Stallmeister jurnalistlərə açıqlamasında deyib. https://toplum.tv/sosial/azerbaycanda-su-qitligi-ile-uzlesecek-olkeler-sirasindadir Onun sözlərinə görə, Azərbaycan növbəti illərdə həm su qıtlığı, həm də esktremal isti hava kütləsi ilə üzləşəcək:  “Bu xüsusən kənd təsərrüfatında öz təsirini göstərəcək. Qeyd edim ki, iqlim və inkişaf perspektivləri ilə bağlı hazırlanan hesabat həm ölkələrin inkişaf perspektivlərini təhlil edir, həm də iqlim dəyişikliyi nöqteyi-nəzərindən araşdırmalara imkan verir”. Bundan əvvəl məlum olmuşdu ki, 2040-cı ilədək Azərbaycan ən çox su problemi olan 33 həssas ölkə arasında...

Seçilmiş Videolar

Toplum TV loqo