Sosial

Aktivist: "Gəncədə sahibsiz itləri kütləvi şəkildə güllələyirlər"

Roza Məmmədova
29 Mart, 2021
2407

Açıq mənbələrdən götürülüb

“Azərbaycan hökuməti sahibsiz itləri kütləvi güllələməkdə davam edir. İtlərin güllələnməsini əks etdirən video səhər saatlarında çəkilib. Gəncə Şəhər İcra Hakimiyyətinin əməkdaşı Firudun Sadıqov bir iti güllə ilə vurarkən heyvansevər qadın tərəfindən yaxalanıb”. 

Bu barədə heyvansevər aktivist Kamran Məmmədli  “Feysbuk” hesabında yazıb

O bildirib ki, Azərbaycan hakimiyyəti sahibsiz itlərlə mübarizəni sistemli şəkildə aparır: “Bu etdiklərinə görə ondan hesab tələb etməliyik!”

“Azərbaycanın qəbul etdiyi Avropa Konvensiyasına bu şəkildə təcavüz edilir. Sahibsiz itlər üçün dövlət büdcəsindən ayrılan vəsaitlər hakimiyyətin korrupsiyasının qurbanı olur”, - deyə aktivist qeyd edib. 

Kamran Məmmədli Gəncədə daha əvvəl də heyvanlara qarşı belə halların baş verdiyini vurğulayıb: “Daha öncə heyvansevər aktivistlər Gəncədə baş vermiş bir güllələmə ilə bağlı məhkəməyə müraciət etsələr də, nəticə qərəzli olmuşdu”.

Gəncə Şəhər İcra  Hakimiyyətinin İctimai-siyasi və humanitar məsələlər şöbəsinin baş məsləhətçisi Gülnar Rzayeva “Toplum TV”-yə  deyib ki, məsələ araşdırıldıqdan sonra ictimaiyyətə məlumat veriləcək.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Qənirə Paşayeva dəfn edilib

29 Sentyabr 2023

Azərtac

Milli Məclisin deputatı Qənirə Paşayeva bu gün, sentyabrın 29-da ll Fəxri xiyabanda dəfn edilib. Toplum Tv xəbər verir ki, dəfn mərasimində dövlət rəsmiləri, deputatlar, mərhumun ailə üzvləri, yaxınları və ictimaiyyət nümayəndələri iştirak ediblər. Mərhumla vida mərasimi Bakıdakı Heydər məscidində keçirilib. Qeyd edək ki, Qənirə Paşayeva sentyabrın 28-də vəfat edib. O, səhhətindəki problemlərlə əlaqədar sentyabrın 23-də Mərkəzi Klinikaya  yerləşdirilmişdi. Bundan sonra o, komaya düşmüşdü. Həkimlər deputatın vəziyyətini ağır qiymətləndirirdilər. Mərhumun 48 yaşı vardı. 
Sosial

Azad olunmuş ərazilərdə azı 508 şəxsə aid meyit qalıqları tapılıb

29 Sentyabr 2023

Açıq mənbələrdən götürülüb

"Axtarış tədbirləri nəticəsində işğaldan azad olunmuş ərazilərdə aşkar edilmiş kütləvi məzarlıqlardan ümumilikdə ən azı 508 şəxsə aid meyit qalıqları tapılaraq götürülüb". Toplum Tv xəbər verir verir ki, bunu sentyabrın 29-da Hərbi prokuror Xanlar Vəliyev mətbuata müsahibəsində deyib. O bildirib ki, araşdırma işləri çərçivəsində 349 məhkəmə tibbi kriminalistik ekspertizası və 305 məhkəmə molekulyar-genetik ekspertizası təyin edilib. Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən aparılan araşdırmada Beynəlxalq Qırmızı Xaç Komitəsi də iştirak edib.

Seçilmiş Videolar

Toplum TV loqo