Sosial

Arif Əliyev: “Ağlı başında olan beynəlxalq təşkilat Azərbaycana gəlməz”

Nigar Səmədli
19 Aprel, 2021
1871

Xural.com

“Hazırkı şərtlərə və qanunvericiliyə görə ağlı başında olan heç bir beynəlxalq təşkilat Azərbaycana gəlməz, necə ki 2014-cü ildən bəri gəlmirlər”. 

Bunu “Toplum TV”-yə Bakı Mətbuat Klubunun rəhbəri Arif Əliyev deyib.

Prezident İlham Əliyev aprelin 19-da Qeyri-Hökumət Təşkilatlarına Dövlət Dəstəyi Şurasının əsasında publik hüququ şəxsin yaradılması haqqında fərman imzalayıb,

Şuranın yaradılmasıyla bağlı 2007-ci il 13 dekabr tarixli fərmanını isə ləğv edib. 

Yeni fərmana əsasən, qurum bundan sonra Qeyri-Hökumət Təşkilatlarına Dövlət Dəstəyi Agentliyi adlandırılacaq, həmçinin Şuranın hüquq və öhdəlikləri, habelə əmlakı agentliyə keçəcək.

Bildirilir ki, yeni agentliyin nizamnamə fondu onun balansına verilən dövlət əmlakı hesabına formalaşacaq. Eyni zamanda, qurumun cari xərcləri və fəaliyyəti dövlət büdcəsi və qanunla qadağan olunmayan digər mənbələr hesabına maliyyələşəcək.

Arif Əliyev deyir ki, agentliyin heç bir yeni funksiyası olmayacaq: “Nizamnaməsindən də göründüyü kimi, qurumun, sadəcə, hüquqi statusu dəyişdirilib. Əvvəllər prezidentin yanında fond idi, indi isə agentlik kimi fəaliyyət göstərəcək. Nəzəri baxımdan fəaliyyətində daha sərbəst ola bilər, təcrübədə necə olacağını isə zaman göstərəcək. Xaricdə fəaliyyət göstərən və xaricdən maliyyələşən QHT-lərlə bağlı hansısa qərarın veriləcəyini də gözləmirəm. Bu məsələdə çox böyük ehtiyatlılıq nümayiş etdirilir və bunun üçün sadəcə bir qurum yaratmaq, yaxud onun hüquqi statusunu dəyişmək kifayət etməyəcək. Azərbaycanda QHT-lərlə bağlı qanunvericiliyi köklü şəkildəy yeniləməklazımdır”. 

Anar Məmmədli: "Azərbaycan xarici QHT-lər üçün arzuolunmaz ölkələr sırasında qalacaq"

Anar Məmmədli Foto:Sosial media

 

Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli yeni qurumun faydalı fəaliyyət göstərəcəyinə inanmadığını deyir: “Dövlətin qeyri-hökumət təşkilatlarına, yəni ictimai birliklər, yerli icma təşkilatları, fondlar və həmkarlar ittifaqlarına ən böyük dəstəyi o zaman yaranar ki, onların işinə müdaxilə etməsin. Nə qədər ki ölkədə bu qurumların fəaliyyətinə dövlətin yaratdığı hüquqi, siyasi və maliyyə məhdudiyyətləri var, yaradılan hər hansı dövlət qurumunun səmərə verəcəyi inandırıcı deyil”.

Məmmədli hesab edir ki, agentlik xarici QHT-lərlə bağlı da hər hansı müsbət addım atmayacaq: “Azərbaycan müstəqillik əldə etdikdən sonra xarici QHT-lər həyatımızın bütün sahələrində çalışıblar. Onların dəstəyinə, təcrübəsinə, texniki və maddi resurslarına hər zaman ehtiyac olub. Xüsusilə 90-cı illərin ortalarında Azərbaycan müharibədən çıxmış və sosial-iqtisadi durumu ağır olan bir ölkə idi. Həmin dövrdə ölkədə xeyli sayda humanitar təşkilat fəaliyyət göstərirdi. Bu baxımdan onların fəaliyyətinə məhdudiyyətlər qoymaq düzgün deyil. Müəyyən qədər tənzimləyici müddəalar ola bilər, amma bu, demokratik xarakter daşımalıdır. Məsələn, Gürcüstan, Ermənistan, Ukrayna və digər ölkələrdə beynəlxalq təşkilatlara çox güzəştli münasibət var. Bunu Azərbaycana da tətbiq etmək lazımdır ki, xarici QHT-lər ölkədən qaçmasınlar. Ölkədə belə təşkilatlar çox olsa, o qədər yaxşıdır. Bu qurumlar ən müxtəlif sahələrdəki problemlərin həllində iştirak edə bilərlər. Amma yeni yaradılan agentliyin xarici QHT-lərin fəaliyyəti ilə bağlı müsbət addım atacağına inanmıram. Yenə də Azərbaycan xarici QHT-lər üçün arzuolunmaz ölkələr sırasında qalacaq. Halbuki biz ölkə olaraq çoxlu sayda beynəlxalq təşkilatın Azərbaycanda fəaliyyət göstərməsində maraqlı olmalıyıq. Xüsusilə də müharibədən sonra bizim buna çox ehtiyacımız var”. 

Novella Cəfəroğlu: "Xeyli faydalı işlər görüləcək”

Novella Cəfəroğlu Foto: Sosial media

 

Dilarə Əliyeva adına Qadın Hüquqlarının Müdafiəsi Cəmiyyətinin sədri Novella Cəfəroğlu isə yeni qurumun yaradılmasını müsbət addım kimi qiymətləndirib: “Agentliyin yaradılması QHT-lərə daha yaxın olmaq və onlarla intensiv işləmək məqsədi daşıyır. Fikrimcə, qurum müsbət yöndə fəaliyyət göstərəcək. Çünki agentliyin sədri təyin edilən Azay Quliyev öncədən dəstək şurasının sədri idi və inanıram ki, onun rəhbərliyi ilə xeyli faydalı işlər görüləcək”. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Hava pisləşəcək: FHN əhaliyə müraciət etdi

31 May 2023

Açıq mənbələrdən götürülüb

Hava şəraitinin pisləşməsi ilə əlaqədar əhaliyə təhlükəsizlik qaydalarına riayət etmək barədə çağırış edilib.  Toplum TV xəbər verir ki, bu barədə mayın 31-də Fövqəladə Hallar Nazirliyi məlumat yayıb.  Bildirilir ki, yaxın günlərdə ölkə ərazisində hava şəraitinin qeyri-sabit keçəcəyi, çaylarda sel və daşğın olacağı, şimşək çaxacağı və güclü külək əsəcəyi gözlənilir. Buna görə də FHN əhalini təhlükəsizlik qaydalarına riayət etməyə çağırıb.  https://toplum.tv/multimedia/pbaki-zelzeleye-hazirdirp-1 "Güclü külək zamanı müvəqqəti tikililərdən, bina və reklam lövhələrindən uzaq durmaq, hündür ağacların altında durmamaq tövsiyyə olunur. Bundan əlavə, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir.  Həmçinin, ildırımla bağlı təhlükədən qorunmaq üçün telefonla danışmamaq, elektrik cihazlarını şəbəkədən...
Sosial

Regionlarda təbii fəlakət: Göygöldə iki nəfər həlak olub

26 May 2023

Sosial Media

Göygöl rayonunda təbii fəlakət nəticəsində iki nəfər həlak olub. Toplum TV xəbər verir ki, bu barədə mayın 26-da Daxili İşlər Nazirliyi məlumat yayıb. Bildirilir ki, Göygöl Rayon Polis Şöbəsinin əməkdaşları tərəfindən təbii fəlakət nəticəsində Gəncə çayında baş vermiş sel axınına düşərək itkin düşmüş 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanovun axtarışları davam etdirilib. İtkin düşmüş hər 2 şəxsin meyiti səhər saatlarında tapılıb. Polis əməkdaşları hər iki şəxsin meyitini çıxaraq müvafiq ekspertizaya təqdim edib. Araşdırmalar davam etdirilir. Göygölün bəzi kəndlərində güclü sel yerüstü  qaz xətlərini zədələyib. Nəticədə 4 kəndin qaz təchizatı dayandırılıb. “Azəriqaz” İstehsalat Birliyindən verilən məlumata...

Seçilmiş Videolar

Toplum TV loqo