Sosial

Astarada qadına şiddət iddiası: qohumları və polis təkzib edir 

24 Aprel, 2021
2132

Sosial Media

Astara rayonunun Kijəbə qəsəbəsinin sakini Zaminə Babayeva oğlu və qayınları tərəfindən evindən qovulduğunu iddia edir. 

2002-ci ildə həyat yoldaşını itirən qadın 2019-cu ildə oğlu və gəlini ilə yola getmədiyi üçün evi tərk etdiyini deyir. Z.Babayevanın sözlərinə görə, qayınları onu öz evlərində məcburi fiziki işdə işlədib, oğlu isə ona qarşı zorakı davranıb.

Məhkəmə 2020-ci il martın 16-da qayınları Səftar, Seymur, Sarvan Əhədovların və oğlu Ruslan Seyfullazadənin Z.Babayevaya öz evində yaşaması üçün yaratdıqları əngəlləri aradan qaldırmaq barədə qərar çıxarıb.

Toplum.TV

Qadının iddiasına görə, 2 mərtəbəli, 4 otaqlı fərdi yaşayış evinə qayıtdığında evin boşaldıldığını, bütün otaqların qapısının kilidli olduğunu görüb. Ona ancaq elektrik xətti çəkilməmiş otaqda yaşamağa icazə veriblər. Z.Babayeva deyir ki, daha əvvəl yaşadığı otağı istədikdə, şiddətə məruz qalaraq həyətdən qovulub.

Məsələni aydınlaşdırmaq üçün “Toplum TV” Zaminə Babayevanın qaynı Seymur Əhədovla danışıb. O, 2019-cu ildə tez-tez yaşanan anlaşılmazlıqlar ucbatından qardaşı arvadının evi tərk edib Bakıya, qohumlarının yanına yollandığını, ardınca gedib onu şəxsi avtomobili ilə geri, Astaraya gətirdiyini bildirir. 

“Dekabrın son günlərində təkrar Bakıya getdi və bu dəfə mən onu qaytarmadım. Qısa bir müddət sonra məhkəmədən məktub gəldi. Zaminənin evdən getmə səbəbi gəlini və oğlu ilə yola getməməsi idi. Biz yeni qurulan ailənin dağılmasını istəmədiyimiz üçün belə etdik. Zaminəyə heç bir şiddət göstərilməyib”.

Zaminə Babayeva şiddətə məruz qaldığını deyir - Toplum.TV
Toplum.TV
Caption

Hazırda mübahisəli evdə Zaminə Babayevanın oğlu və gəlini qalır.

Sonuncu dəfə 2021-ci il martın 17-də evə qaytarılan Zəminə Babayeva orda qala bilmədiyini, oğlunun və qaynının ona evin istədiyi hissəsini vermədiyini və təhdid olunduğunu söyləyir. Şikayətçinin iddiasına görə, oğlu Ruslan Seyfullazadə psixoloji problemlərlə bağlı tibbi arayışı olduğunu və onu öldürəcəyini bildirib. 
Seymur Əhədov həmin hadisənin şahidi olmadığını, məhkəmə qərarı ilə evinə qayıdan Zaminə Babayevanı ordan heç kimin qovmadığını, qadının bütün mülkün bölünməsini istədiyini və şəraitdən narazı qaldığı üçün öz istəyi ilə evi tərk etdiyini deyir: “Biz rəhmətə gedən qardaşımızın yoldaşını niyə evdən qovaq? Nəinki onu, heç heyvanı da küçəyə atmarıq. Hadisə yaşanan zaman icra nümayəndələri mənimlə əlaqə saxladı və Zaminənin bütün mülkü, ev heyvanlarını bölərək orda qalmaq istədiyini söylədi. Mən isə onun sadəcə məhkəmənin qərarını yerinə yetirməli olduğunu dedim. Məhkəmə qərarında Zaminənin qaytarılması yazılmışdı, mülkü bölmək yox. Sonra mən həmin qərardan apellyasiya şikayəti verdim, çünkü bizim müdaxiləmiz olmadığı halda, məhkəmə qərarında adımız vardı”.

Seymur Əhədovun sözlərinə görə, Zaminə Babayeva yaşananlardan sonra məhkəməyə mülk iddiası ilə bağlı müraciət edib və 50.000 manat təzminat istəyib: 

“Əgər Zaminə buraya köçəcəksə və burda yaşayacaqsa, niyə mülk hesablaması edib bizdən pul tələb edir? Deməli, həm evdə yaşamaq istəyir, həm də kompensasiya almaq”. 

Ruslan Seyfullazadə - Toplum.tv

O, qardaşı arvadının evdə yaşamasına heç bir əngəl olmadığını, hətta ona öz evində yaşamağı təklif etdiyini qeyd edir. S.Əhədov Zaminə Babayevanın onlar tərəfindən fiziki işə məcbur edilməsi haqda dediklərinə belə cavab verib: “Mənim həyətimdə muzdlu işçilər işləyir, niyə rəhmətə gedən qardaşımın yoldaşını işlədim ki?” 

O, qardaşı oğluna saxta xəstəlik sənədi düzəltmədiyini vurğulayır: “O əlildir, buna baxmayaraq hərbi komissarlığa gedib hərbi xidmətə aparılmasını istəmişəm”. 
Seymur Əhədov qardaşı oğluyla anası arasında yaranan problemdən də danışıb, bu hadisənin 2019-cu ilin oktyabrında baş verdiyini, Astara polis şöbəsində altı ay araşdırılaraq cəza tədbiri görüldüyünü  söyləyib. 

“Oktyabrda Zaminənin oğlu Ruslan 50-60 kilo mandarin dərərək satıb. Buna görə Zaminə 102-ə zəng edərək həyətdə oğru olduğunu bildirib. Həyətə gələn polislər və kənd sakinləri yanında konflikt yaranıb... 

Mən ona demişəm ki, bir ana öz övladı ilə necə yaşamalıdırsa, elə davransın. Qardaşım Sarvan qızını ora gəlin verib, o qız əşya deyil”.

 

Toplum.Tv

 Astara rayonu Kijəbə qəsəbəsinin sahə müvəkkili “Toplum TV”-yə açıqlamasında deyib ki, Zaminə Babayevanın müraciətindən sonra təhqiqat bölməsində araşdırma aparılarıb, şikayət ictimai təhlükəsizlik bölməsinə yönəldilib və qanun çərçəvəsində tədbir görülüb: “Məhkəmə qətnaməsinin icrası icraçılara aiddir. Biz də onlarla birlikdə gedərək icra prosesində iştirak etmişik. Evin qapısı açılıb, Zəminə Babayevaya yaşayış sahəsi ayrılıb. Daha sonra əmlak bölgüsü etmək istədilər, lakin biz yenidən məhkəməyə büraciət etməli olduğunu, məhkəmə qərarı olmadan evi bölə bilməyəcəyimizi dedik”.

Sahə müvəkkili Z.Babayevaya qarşı hər hansı şiddət faktına şahid olmadığını söyləyib.

Z.Babayevanın oğluyla əlaqə saxlamaq mümkün olmayıb.

Şahbala Şabaladov

Sosial

Kütləvi məzarlıqda tapılan geyimlərin azərbaycanlı hərbçilərə aid olduğu güman edilir

5 Oktyabr 2022

APA

Xocavəndin Edilli kəndində aşkarlanan kütləvi məzarlıqdakı meyitlər analizdən keçirilib və geyimlərə əsasən onların hərbçilər olduğunu deməyə əsas yaradır.  Yaxın günlərdə qazıntı işləri yenidən davam etdiriləcək. Bu sözləri oktyabrın 5-də Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupunun böyük məsləhətçisi Namiq Əfəndiyev mətbuata açıqlamasında deyib.  https://toplum.tv/dunya/abs-azerbaycanin-17-ermeni-herbcini-tehvil-vermesini-alqislayib Onun sözlərinə görə, Dövlət Komissiyası Beynəlxalq Qızıl Xaç Komitəsi ilə birlikdə fevral ayından əsir və itkin düşmüş şəxslərin axtarışına başlayıb: “İlk olaraq işlərə Xocavəndin Edilli kəndində başlanılıb. Fevralda bu ərazidə 7 şəxsə aid insan qalıqları qazılaraq götürülüb. Sentyabrın 14-dən qazıntı işləri davam etdirilib. 5 tam, 1 qarışıq skelet və 12 şəxsə...
Sosial

DİN məktəbdə narkotikli konfetin peyda olmasına aydınlıq gətirib 

4 Oktyabr 2022

Rəsmi səhifə

Paytaxt məktəblərinin birində şagirdlərə konfet kağızına bükülmüş formada narkotik vasitələrin paylanıldığı barədə sosial şəbəkələrdə yayılan məlumatlar aydınlaşdırılıb.  Bu barədə Daxili İşlər Nazirliyinin sözçüsü Elşad Hacıyev sosial media hesabında məlumat yayıb.  Onun sözlərinə görə, qeyd edilən görüntü Xətai rayonundakı məktəblərin birində təhsil alan 12 yaşlı şagird tərəfindən çəkilib. https://toplum.tv/sosial/mektebde-doyulen-usagin-atasi-polis-ne-doyene-deyir-ne-video-cekene  "Həmin şagird valideyninin iştirakı ilə aparılan profilaktiki söhbətə cəlb olunub. O, konfetin üzərinə müxtəlif ədviyyatlar qataraq qeyd edilən fotonu çəkdiyini bildirib.  Daha sonra guya “narkotik”in məktəbin ətafında tanmadığı şəxs tərəfindən ona verildiyi barədə yalan təəssürat yaradaraq həmin məlumatı sosial şəbəkələrdə məhşurlaşmaq üçün yayıb", - Elşad Hacıyev bildirib.  DİN rəsmisi valideynlərdən sosial şəbəkələrdə...

Seçilmiş Videolar

Toplum TV loqo