Sosial

Azərbaycan qan laxtalanmasına səbəb olduğu deyilən peyvənddən istifadə edəcəkmi?
 

Nigar Səmədli
8 Aprel, 2021
1856

The Guardian

“Rəsmi bir qurum “AstraZeneca”nın vurulmasının təhlükəli olduğunu təsdiqləyibsə, düşünürəm ki, biz də bu vaksinə ehtiyatla yanaşmalıyıq”.

Həkim Vaqif Qarayev “Toplum TV”-yə belə deyir.

Sosial media

Aprelin 6-da Avropa Dərman Agentliyinin səlahiyyətli nümayəndəsi Marko Kavaleri İtaliya mətbuatına açıqlamasında sözügedən peyvənd preparatının qanı laxtalandırdığını bəyan edib.

Bir müddət bundan əvvəl "AstraZeneca" vaksininin qanda laxtalanmaya səbəb olduğu barədə məlumat verilmiş; bir sıra ölkələr, o cümlədən, Danimarka, İsveç, Almaniya, Fransa, İtaliya, Hollandiya bu vaksindən istifadəni dayandırmış; Britaniya "Oxford-AstraZeneca" vaksini vurulan 18,1 milyon insandan 30 nəfərinin qanında tromb yarandığını bildirmiş, bu ölkənin Dərman və Sağlamlıq Məhsulları Tənzimləmə Qurumu martın 24-də peyvənd olunan 30 nəfərdən 7-nin öldüyünü açıqlamışdı.

ÜST-ün Standartlar və İlkin Seçim Departamentinin direktoru Roxerio Pinto de Sa Qasparsa "AstraZeneca" peyvəndi ilə tromboz arasında əlaqə müəyyən edilmədiyini bildirib.

Azərbaycanın səhiyyə nazirinin müavini Viktor Qasımov APA-ya müsahibəsində vaksinasiya prosesinin Ümumdünya Səhiyyə Təşkilatı tərəfindən tənzimləndiyini söyləyib: “Heç kəs özbaşına qərar qəbul etmir”.

O, Azərbaycanda “AstraZeneca”-dan hələ ki istifadə olunmadığını bildirib.

Milli Məclisin Səhiyyə komitəsinin sədr müavini Rəşad Mahmudov da APA-ya açıqlamasında deyib ki, son günlər “AstraZeneca” peyvəndi ilə tromboz arasında əlaqə olması barədə xəbərlər dünyada və eləcə də Azərbaycanda ciddi çaşqınlıq yaradıb.

Sosial media

O, sözügedən peyvəndin Ümumdünya Səhiyyə Təşkilatı tərəfindən təsdiqlənən 3 peyvənddən biri olduğunu və Britaniya da daxil olmaqla, bir çox Avropa ölkələrinin bir neçə aydır ondan stifadə etdiyini xatırladıb.

“Hər nə qədər insanlarda şübhə olsa da, bu günə qədər aparılan elmi tədqiqatlarda və ekspert araşdırmalarında peyvəndlə tromboz arasında hər hansı əlaqənin olduğu bildirilməyib. ÜST məsələ ilə əlaqədar dəfələrlə onlara yönəltdiyimiz sorğularımıza aydınlıq gətirib, “AstraZeneca” peyvəndindən istifadəni tövsiyə edib. Dünyanın hər yerində bu peyvənddən istifadə davam etməkdədir”.

Rəşad Mahmudovun sözlərinə görə, Azərbaycanda adıçəkilən peyvəndlə bağlı qərar aidiyyəti qurumların, yerli və beynəlxalq ekspertlərin rəylərinə əsasən, araşdırmalar aparıldıqdan sonra veriləcək.

“Azərbaycan cəmiyyəti əmin olmalıdır ki, dövlətimiz hər bir vətəndaşın sağlamlığını düşünür, pandemiyanın bu günə qədər vurmuş olduğu iqtisadi və digər zədələrin artmaması üçün zamanında addımlar atır. Bu addımlardan ən effektlisi kütləvi şəkildə peyvəndləmə prosesinin aparılmasıdır. Digər məsələlərdə olduğu kimi, ölkəmiz bu mübarizədə də lider olmağa çalışır”.

Həkim-pediatr Vaqif Qarayev isə yayılan xəbərlərdən sonra sözügedən vaksinə qarşı diqqətli olmağa çağırır: “Rəsmi bir qurum “AstraZeneca”nın vurulmasının təhlükəli olduğunu təsdiqləyibsə, düşünürəm ki, biz də bu vaksinə ehtiyatla yanaşmalıyıq. Hələlik bizdə vurulan “Sinovac” inaktiv vaksinidir, yəni virus öldürülərək insan bədəninə yeridilir. Ölü virusun insan orqanizminə ciddi səviyyədə mənfi təsiri yoxdur, bu baxımdan “Sinovac” ən təhlükəsiz vaksindir. “AstraZeneca”nın bizdə vurulub-vurulmayacağını isə mən yox, ancaq qərarı verənlər deyə bilər. Ümumənsə həm daşınma, həm saxlanma, həm də qiymət baxımından “Sinovac” daha əlverişli vaksindir”.

Nazirlər Kabineti yanında Operativ Qərargah “Toplum TV”-nin bununla bağlı sorğusuna cavab verməyib.

Aprelin 4-də Azərbaycana Koreyadan “AstraZeneca” şirkətinə məxsus 84 000 doza “Vaxzevria” vaksini gətirilib. Mayın sonuna qədər daha 432 000 dozanın idxalı nəzərdə tutulub.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Zəlzələdən sonra Səngəçalda qala divarlarının üzə çıxdığı iddia edilir

8 Dekabr 2023

Sosial Media

Səngəçalda zəlzələdən sonra üzə çıxdığı güman edilən qala divarları ilə bağlı əraziyə baxış keçirilir. Toplum TV APA-ya istinadən xəbər verir ki, bu barədə dekabrın 8-də Mədəni İrsin Qorunması, İnkişafı və Bərpası üzrə Dövlət Xidmətindən bildirilib.  “Sosial mediada yayılan videogörüntülərə görə, dünənki zəlzələdən sonra Səngəçalda Otman Bozdağ vulkanına yaxın ərazidə qala divarları üzə çıxıb”, - açıqlamada qeyd olunub.  https://toplum.tv/sosial/pxezerde-guumlcluuml-zelzele-qeyde-alinibp Bildirilib ki, məlumatın həqiqi olub-olmamasını yoxlamaq üçün hazırda əraziyə mütəxəssis qrupu göndərilib. Dekabrın 7-də Altıağac stansiyasından 51 km şimal-şərqdə, Xəzər dənizində zəlzələ qeydə alınıb. Məlumata görə, yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.
Sosial

Şuşada da mina partlayışı baş verib

7 Dekabr 2023

Açıq mənbələrdən götürülüb

Şuşa şəhərində mina partlayışı baş verib, xəsarət alan var. Toplum TV xəbər verir ki, bu barədə Daxili İşlər Nazirliyi məlumat yayıb. Bildirilir ki, hadisə dekabrın 7-də saat 11:15 radələrində Şuşa şəhəri Tar sexi ərazisində baş verib. Belə ki, elektrik təsərrüfat sahəsində çalışan Lerik rayon sakini, 1987-ci il təvəllüdlü Rahim Həbibovun minaya düşməsi ilə bağlı polisə məlumat daxil olub. Məlumata görə, o, polis əməkdaşlarının köməyi ilə ərazidən çıxarılaraq xəstəxanaya təxliyə edilib. Hadisə ilə bağlı araşdırma aparılır. Xatırladaq ki, bu gün Füzuli rayonunun Horadiz qəsəbəsində  də mina partlayışı qeydə alınıb. Hadisə nəticəsində bir nəfər xəsarət alıb.

Seçilmiş Videolar

Toplum TV loqo