Sosial

Azərbaycanda prezervativ idxalı azalıb, abortların sayı artıb

Roza Məmmədova
18 Avqust, 2022
686

Açıq mənbələrdən götürülüb

Azərbaycanda abortların sayı artıb, prezervativ idxalı isə azalıb. 
 
Dövlət Statistika Komitəsinin məlumatına görə, bir il ərzində Azərbaycanda abortların sayı 12 mindən çox olub və ya 35 faiz artıb.  
 
2021-ci ildə 47 min abort olub. Daha bir il öncə – 2020-ci ildə bu rəqəm 34 min 700 idi. Bu, indiyədək qeydə alınan ən yüksək göstəricidir. 2019-cu ildə isə ölkədə 36 min abort qeydə alınmışdı. Ötən il Azərbaycanda hər min qadına 18 abort düşüb. 2020-ci ildə bu rəqəm 13.3 idi.  

https://toplum.tv/sosial/azerbaycanda-2050-ci-iledek-cinslerarasi-balansi-deyismek-mumkun-olmayacaq
 
İqtisadçı Toğrul Maşallının fikrincə, abortlara səbəb daha çox iqtisadi amillərdir.  
 
İqtisadçı yazır ki, abortun olmaması üçün müasir cəmiyyətdə kontrasepsiya (hamiləlikdən qorunma üsulları) vasitələrinin tətbiqi genişlənir.  
 
“Ölkədə kontrasepsiya vasitələrindən istifadə son zamanlar azalıb. Hətta səhiyyə sahəsinə aid kontrasepsiya (spiral, baryer, kimyəvi və s.) 2015-ci il ilə müqayisədə azalıb. Amma eyni zamanda ölkəmizdə "vulkanlaşdırılmış rezindən kontraseptivlər" və ya adi həyatda prezervativ/qoruyucu adlandırdığımız məhsulların idxalı da ciddi sürətdə azalıb”.  
 
İqtisadçının fikrincə, kontraseptiv idxalı ilə abortların sayı arasında səbəb-nəticə əlaqəsi ola bilər. 
 
Rəsmi məlumata görə, 2019-cu ildə Azərbaycana 43 ton (Gömrük Komitəsi prezervativi ton ilə hesablayır) kontraseptiv idxal olunmuşdusa, 2020-ci ildə bu göstərici 21,2 ton, 2021-ci ildə isə 13 ton təşkil edib. Yəni, 2 ilə idxal  3,3 dəfə azalıb.  
 
“Bu il nəhayət 2019-cu ilin tendensiyaları bərpa olunmağa başlayıb. Məlumata görə, 2022-ci ilin ilk yarım ilində ölkəyə 24,18 ton kontraseptiv gətirilib. Bu da 2021-ci ilin eyni dövrü ilə müqayisədə 3 dəfə çoxdur. Əgər təxminlər düzdüsə, ehtimal etmək olar ki, 2022-ci ilin nəticələrinə görə abortların sayı azalacaq. Düzdür, burada bir çox digər amillər də rol oynayır”,- deyə Maşallı bildirib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azərbaycana idxal edilən soğan gömrük rüsumundan azad edilib

3 Fevral 2023

Açıq mənbələrdən götürülüb

Baş (adi) soğan və şalot soğanı (yaşıl soğan, habelə örtülü şəraitdə yetişdirilən və (və ya) faraş soğan istisna olmaqla) idxal gömrük rüsumundan azad edilib. Toplum Tv xəbər verir ki, bu barədə fevralın 3-də Nazirlər Kabineti qərar verib. Bildirilir ki, ölkəyə idxal olunan soğan mayın 1-dək gömrük rüsumundan azad olunub. https://toplum.tv/iqtisadiyyat/pazerbaycanda-illik-inflyasiya-accediliqlandip Nazirlər Kabinetinin digər qərarı ilə baş (adi) soğan və şalot soğanı (yaşıl soğan, habelə örtülü şəraitdə yetişdirilən və (və ya) faraş soğan istisna olmaqla) “Azərbaycan Respublikasının gömrük ərazisindən aparılması müvəqqəti olaraq tənzimlənən malların Siyahısı”na daxil edilib. Bundan əvvəl Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Firdovsi Fikrətzadə mətbuata açıqlamasında...
Sosial

DİN: Bakıda narkotik daşıyan kuryerlər saxlanılıb

3 Fevral 2023

mia.gov.az

Bakıda qanunsuz narkotik dövriyyəsi ilə məşğul olmaqda şübhəli bilinən kuryerlər saxlanılıb.   Toplum TV xəbər verir ki, bu barədə fevralın 3-də Daxili İşlər Nazirliyinin mətbuat xidməti məlumat yayıb.  Bildirilir ki, onların üzərində şəxsi axtarış aparılan zaman 6 qrama yaxın marixuana aşkar edilib. https://toplum.tv/sosial/pazerbaycanda-ldquoboltrdquo-113-min-manat-hecminde-cerimelenibp "İlkin sorğu zamanı bu şəxslər narkotikləri həmkarları Ayxan adlı şəxsdən onlayn yolla aldıqlarını bildiriblər. Əməliyyat tədbirlərinin davamı olaraq həmin şəxs - Ayxan Məmmədov da tutularaq istintaqa təqdim edilib. Onun üzərindən və evindən isə 7 qrama yaxın marixuana aşkar edilib. Ayxan Məmmədov isə ifadəsində narkotik vasitələri satmaq məqsədi ilə Məhəmməd adlı şəxsdən aldığını bildirib. Adı çəkilən sonuncu şəxsin...

Seçilmiş Videolar

Toplum TV loqo