Sosial

Azərbaycandan Dnepr şəhərinə 20 tonluq yardım göndərilib

11 May, 2022
84

açıq mənbədən götürülüb

Ukraynanın Dnepr şəhərinə Azərbaycandan 20 ton humanitar yardım göndərilib.

Bu barədə Dnepr şəhərinin saytı  məlumat yayıb.

Məlumatda bildirilir ki, Bakıdan Dneprə uzun müddət saxlanıla bilən zəruri məhsullar və dərmanlar göndərilib. Yardım həddindən artıq ehtiyacı olanlara - köçkünlərə və müdafiəçilərə paylanır.

Ukraynanın Müdafiə Fondunun rəhbəri Natalya Kostyuçenko və Dnepr şəhərinin icra başçısı Boris Filatov yardım üçün təşəkkür edib. Boris Filatov əlavə edib ki, böyük Azərbaycan icmasının yaşadığı bir şəhər olaraq Dnepr bu dəstəyi heç vaxt unutmayacaq.

Azərbaycan fevralın 27-də və martın 12-də Ukraynaya, aprelin 15-də isə Moldovaya Ukraynalı qaçqınlar üçün ümumilikdə 23,2 milyon manat dəyərində 550 tona yaxın humanitar yardım göndərib. Bakıdan Kiyevə 170 tondan çox çəkisi olan sonuncu yardım yükü aprelin 21-də göndərilib. Bu yükə 3,37 mln. manatlıq dərman və tibbi ləvazimatlar, həmçinin 1 mln. manatlıq ərzaq məhsulları daxil idi.

Ukraynada müharibə ərzində Bakı Ukraynaya təxminən 15 mln. avro dəyərində 760 ton humanitar yardım göndərib.

Rusiya fevralın 24-də Ukraynada hərbi əməliyyatlara başlayıb.

Ondan 2 gün öncə isə Rusiya Prezidenti Vladimir Putin açıqlama verərək Ukraynanın şərqindəki separatçı qurumları tanıdığını bəyan edib.

Ukrayna, Qərb liderləri hərbi əməliyyatları pisləyib, Putinin buna görə cavab verəcəyini bildirib.

Bundan sonra Avropa Birliyi ölkələrindən, eləcə də ABŞ-dan Rusiyaya qarşı sanksiyalar gəlməyə başlayıb.

Sanksiya tətbiq edilən 600-dən çox şəxsin içində oliqarxlar, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov da var.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

Sosial

Nazilik "Meymun çiçəyi" virusu barədə məlumat yayıb

20 May 2022

açıq mənbədən götürülüb

Səhiyyə Nazirliyi son vaxtlar kütləvi şəkildə yayılan “Meymun çiçəyi” virusunun Azərbaycan üçün təhlükəsi olub-olmaması məsələsinə münasibət bildirib. Nazirlikdən “Reporta”a deyilib ki, hazırda həmin virus Azərbaycanda yoxdur və olmaması üçün də yetərincə tədbirlər həyata keçirilir. Nazirliyin mütəxəssis-eksperti, infeksionist Ləman Qalimova qeyd edib ki, “Meymun çiçəyi” nadir virusdur və suçiçəyi xəstəliyinə bənzəyir: “Virusa adətən Qərbi Afrika ölkələrində, xüsusilə də tropik meşələrin yaxınlığında rast gəlinir. Virusun iki əsas ştammı var: Qərbi Afrika və Mərkəzi Afrika. Simptomlara gəlincə, virusun ilk əlamətləri qızdırma, baş ağrısı, şişlik, bel ağrısı, əzələ ağrısı və zəiflik kimi büruzə verir». İnfeksionistin sözlərinə görə, qızdırma azaldıqdan sonra üzdə başlayan səpgilər bədənin digər...
Sosial

Prezident Şuşa Real Məktəbinin bərpasına 1 milyon manat ayırdı

20 May 2022

Wikipedia

Şuşa Real Məktəbi bərpa ediləcək. “president.az”ın məlumatına görə, bununla bağlı İlham Əliyev Sərəncam Sərəncama əsasən, Şuşa şəhərində Şuşa Real Məktəbinin binasının layihələndirilməsi və bərpası məqsədilə Azərbaycan 2022-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Təhsil Nazirliyinə ilkin olaraq 1 milyon manat ayrılıb. Şuşa Real Məktəbinin əsası 19-cu əsrdə qoyulub. 1992-ci ildə Şuşa işğal olunduqdan sonra Şuşa Realnı məktəbi yandırılıb.

Seçilmiş Videolar

Toplum TV loqo