Sosial

Bakı gələn mövsüm “Formula 1” sprint yarışı keçirmək niyyətindədir

Roza Məmmədova
19 May, 2022
267

açıq mənbədən götürülüb

Növbəti mövsüm təklif olunan altı sprint yarışından biri Bakıda keçirilə bilər.

“Reuters”in məlumatına görə, bu barədə mayın 16-da "Formula 1" üzrə Azərbaycan Qran Prisinin promouteri Arif Rəhimov jurnalistlərə müsahibə verib.

"Mən sprint yarışlarını çox sevirəm, bu yarışlar oyunlara daha çox həyəcan qatır”, - deyən promouter iyunun 12-də keçiriləcək “Formula 1” ilə bağlı müzakirənin gündəmində bu məsələnin də olduğunu bildirib.

“Gələn il sprint yarışını Bakıda keçirməkdən şad olaram. Ümid edirəm ki, 6 yarışdan biri Bakıda keçiriləcək.

Mən bu ideyanın qızğın tərəfdarıyam. Yeniliklərin müsbət təsir edəcəyini düşünürəm. Əks təqdirdə oyunlar darıxdırıcı olur, insanlar eyni formata çox öyrəşir və sonra maraqlarını itirirlər”, - deyə o bildirib.

Ötən il Bakıda keçirilən “Formula 1” yarışı COVID-19 pandemiyası səbəbindən tamaşaçısız keçirilib.

A.Rəhimov açıqlaması zamanı sprint yarışlarının “Formula 1”ə marağı artıracağını bildirib:

"Biz elə bir bazarıq ki, azarkeşlərin çoxu idman mövzularında o qədər də savadlı deyil. İki yarışın olacağı elan olunanda şübhəsiz ki, şənbə günü oyunu izləyənlərin sayı artacaq”.

Komandalar və kommersiya hüququnun sahibi “Liberty Media” razılıq versə də, “Formula 1” hələ növbəti ildə keçiriləcək altı sprint yarışını təsdiqləməyib, çünki idarəedici Beynəlxaq Futbol Federasiyası (FIA) məsələnin hərtərəfli nəzərdən keçirilməsinə çağırıb.

Arif Rəhimov Azərbaycanın keçmiş gənclər və idman naziri Azad Rəhimovun oğludur.

“Formula 1” sprint yarışları nə ilə seçilir?

Sprint yarışları 25-30 dəqiqəlik mini yarışlardır. Pit-stop etmək məcburiyyəti olmadığı üçün sürücülər fasiləsiz yarışırlar, buna görə də yarışlar sprint adlanır.

Pilotlar yarışa istədikləri təkərlə başlaya bilir və orta hesabla 20 dövrə üçün damalı bayrağa qədər tam qazla yarışırlar.

2022-ci ildə üç sprint yarışı həftəsonuna planlaşdırılıb, birincisi ötən ay İtaliyanın Lmola şəhərində baş tutub, digər ikisi isə Avstriya və Braziliyada baş tutacaq.

Format cümə günü rəsmi poul mövqeyinə (grid sahəsində öndə dayanan avtomobillər) vəsiqə qazanır, şənbə günü yarış baş tutur, bazar günü qran-pri üçün grid (avtomobillərin startda sıralanma sahəsi) təyin etmək nəzərdə tutulur.

Sosial

Məhkəmə Hüquq Şurası: “Qadınların sayı ilə bağlı qanunda xüsusi kvota yoxdur"

Samirə Əli
6 İyul 2022
Əvvələr qadınlar hakim korpusunun 17 faizini təşkil edirdisə, indisə bu faizin 20-ə qalxdığı bildirilir.  Bu barədə "Toplum TV"-yə Məhkəmə Hüquq Şurasından bildirilib.  Prezident İlham Əliyevin bu ilin iyulun 1-də imzaladığı sərəncama görə, 39 nəfər yeni nəsil hüquqşünas hakim vəzifəsinə təyin edilib.  Bunlardan 23-ü qadın, 16-sı kişi olub.  “Qadınların sayının artırılması ilə bağlı qanunvericilikdə xüsusi kvota yoxdur. Sadəcə, qadınlar son dövrlərdə seçim proseslərində daha aktiv iştirak edirlər”, - deyə qurumdan əlavə edilib.  Təyinatdan sonra Azərbaycanda ümumilikdə 565 hakim var.  Bunlardan 453-ü kişi, 112-si qadındır.  
Sosial

Qurbаn bаyrаmı namazının qılınacağı vaxt açıqlandı

6 İyul 2022

Açıq mənbələrdən götürülüb

Azərbaycanda Qurbаn bаyrаmı namazının qılınacağı vaxt açıqlanıb.  Bu barədə Qafqaz Müsəlmanları İdarəsi Qazılar Şurasının yaydığı məlumatda bildirilib.  AMEA Şamaxı Astrofizika Rəsədxanasının hesablamalarına əsasən Azərbаycаn üfüqündə Hilalın görünməsinə uyğun olaraq Qurbаn bаyrаmı Zül-hiccə ayının 10-na – Miladi təqvimlə 9 iyul tarixinə təsadüf edəcək.  Qurban kəsimi 9 iyul tarixindən başlayaraq, 3 gün davam edə bilər: İyul ayının 9-da məscidləridə birgə Bayram namazları qılınacaq.

Seçilmiş Videolar

Toplum TV loqo