Sosial

Bərdədə yanğın: bir sahibkara 300 min manat zərər dəyib

26 May, 2021
1842

Trend

“Yanğın zamanı mənə 20 min, dostuma isə 300 min manatlıq zərər dəyib”.

Bunu “Toplum TV”-yə Bərdədəki yanğın zamanı mağazası yanan Aqil Mehdiyev deyib. 

Mayın 26-da Fövqəladə Hallar Nazirliyinin (FHN) "112 Qaynar xətti"nə Bərdənin Güloğlular kəndində, - "Təzə Bazar" ərazisində mağazada yanğın baş verməsi barədə məlumat daxil olub.

FHN-in Dövlət Yanğından Mühafizə Xidmətinin yanğından mühafizə bölmələri yanğının baş verdiyi əraziyə cəlb olunub. 

"Daha sonra yanğının mürəkkəbliyi nəzərə alınaraq yanğınla mübarizə məqsədilə Bərdə rayon Yanğından Mühafizə Hissəsi ilə yanaşı, Yevlax, Ağdam, Tərtər və Ağcabədi rayonlarının Yanğından Mühafizə hissələrinin də müvafiq qüvvələri cəlb olunub", FHN-nin məlumatında belə deyilir. 

Bildirilir ki, yanğın zamanı ümumilikdə 101 mağazaya ziyan dəyib, mağazalardan 80-i tamamilə, digər 13-ü isə qismən yanıb.

Zərəçəkmiş Aqil Mehdiyev deyir ki, bazarın 4-cü sırasındakı mağazadan başlayan yanğın onun və ətrafdakı mağazaların mallarını tamamilə yandırıb: “Kişi geyimləri satdığımız mağazada xeyli malımız vardı, hamısı yanaraq kül olub. Yanğın nəticəsində mənə təxminən 20 min manat ziyan dəyib. Yan mağazadakı dostum isə 5 mağaza icarəyə götürmüşdü və ona da 300 min manatlıq zərər dəyib. Siğortamız olmadığına görə istərdik ki, mağazalara dəyən ziyan dövlət tərəfindən qarşılansın”.

Hadisə ilə əlaqədar olaraq Bərdə Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Fəqət Şadlinskaya deyib ki, bu məsələ onun səlahiyyətində deyil: “Mən bu işlərə baxmıram. Heç kim zənglərə cavab vermir deyə hamı məndən soruşur. Mən telefona etika xətrinə cavab verirəm, amma bu məsələ mənim səlahiyyətimdə deyil. Digər müavinlərə zəng vurun”.

Digər müavinlərlə isə əlaqə saxlamaq mümkün olmayıb.

Yanğına görə dövlət yardımı mümkündürmü?

 2019-cu il martın 26-da Bakı şəhərinin Nizami rayonunda yerləşən “Diqlas” ticarət mərkəzində baş vermiş yanğın nəticəsində zərər çəkmiş sahibkarlara maddi yardım göstərilməsi məqsədi ilə Azərbaycan Respublikasının Prezidentinin ehtiyat fondundan 3 milyon manat vəsait ayrılıb. 

Daha sonra müvafiq qurumlar lazımi prosedurları həyata keçirib və zərər görən sahibkarlara dövlət tərəfindən maddi yardım edilib.

Sərəncama əsasən, mağaza, anbar icarəyə götürmüş və zərər çəkmiş sahibkara 10000 manat, piştaxta və digər sahə icarəyə götürmüş və zərər çəkmiş sahibkara isə 2000 manat vəsait ödənilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Xocalı qətliamından 32 il ötür

26 Fevral 2024

Açıq mənbələrdən götürülüb

Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın Xocalı şəhərinin işğalı və Xocalı qətliamının törədilməsinin növbəti ildönümüdür. Toplum TV xəbər verir ki, hadisələrdə 32 il ötür. 1992-ci il fevralın 25-dən 26-na keçən gecə baş verən kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib. Xocalı şəhəri 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri...
Sosial

Azərbaycanda bələdiyyələrin sayı azaldılır

23 Fevral 2024

Rəsmi səhifə

Azərbaycanda bələdiyyələrin sayı 500-ə endirilir. Toplum TV “Report”a istinadən xəbər verir ki, bu, “Bələdiyyələrin birləşməsi, fəaliyyəti, ayrılması və ləğv edilməsi haqqında” qanuna dəyişiklik layihəsində öz əksini tapıb. Bildirilir ki, hazırda ölkədə 1 605 bələdiyyə var. Qanun layihəsi qəbul ediləcəyi təqdirdə, Azərbaycanda 500-ə yaxın bələdiyyə fəaliyyət göstərəcək. Həmçinin layihəyə əsasən, 1000 evdən az olan kəndlərin bələdiyyələri ləğv olunacaq və böyük bələdiyyələr yaradılacaq. Buna kiçik bələdiyyələrin vergiləri toplaya bilməməsi kimi səbəblər göstərilib. 

Seçilmiş Videolar

Toplum TV loqo