Sosial

Bəxtiyar Hacıyev: “Pandemiya ilə bağlı məcburi vaksinasiya fövqəladə hal kateqoriyasına daxil deyil”

Məzahir Abdurahmanov
28 İyul, 2021
258

Açıq mənbələrdən götürülüb

“Əgər fövqalədə hal baş veribsə, ölkədə fövqalədə vəziyyət elan olunmalıdır və buna müvafiq addımlar atılmalıdır. Pandemiya ilə bağlı məcburi vaksinasiya fövqəladə hal kateqoriyasına daxil deyil”.

İctimai fəal Bəxtiyar Hacıyev “Toplum TV”-nin “Fövqəladə hallarda insan hüquqlarına müəyyən məhdudiyyətlər qoyulması praktikası mövcuddur. Siz pandemiyanı fövqəladə hal hesab edirsizmi” sualına cavab verərkən belə deyib.

İyulun 26-da Nazirlər Kabineti “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” qərarda dəyişiklik edib.

Bəxtiyar Hacıyev - Sosial Media

2021-ci il sentyabrın 1-dən etibarən dövlət orqanlarının (qurumlarının) əməkdaşlarının, habelə aşağıda qeyd olunan müəssisələrin işçilərinin azı 80 faizinin COVID-19-a qarşı birinci doza, oktyabrın 1-dən isə ikinci doza peyvənd olunması və ya immunitet sertifikatının olması tələb edilir:

1. mülkiyyət formasından asılı olmayaraq bütün tibb və əczaçılıq müəssisələri;

2. mülkiyyət formasından asılı olmayaraq bütün elm və təhsil müəssisələri;

3. ...bu Qərarın əlavəsində qeyd olunan iş və xidmət sahələrində fəaliyyət göstərən müəssisələr; 2.5-5.2. ali və orta-ixtisas təhsili müəssisələri.

Dəyişikliyə əsasən, yaşı 18-dən yuxarı olan şəxslər qapalı məkanlarda - ictimai iaşə müəssisələrində, mehmanxanalarda, iri ticarət mərkəzlərində göstərilən xidmətlərdən yalnız COVID-19 pasportu olduğu halda istifadə edə bilərlər.

“Belə bir qayda da var ki, kimlərinsə alergiyası və ya digər xəstəlikləri varsa, onlara vaksin vurulmamalıdır. Amma vaksin olunanların əksəriyyəti deyir ki, onlardan bununla bağlı hər hansı analiz götürülmür”,- Tələbə Güc Mərkəzinin sədri Əhməd Məmmədli belə belə deyir.

Əhməd Məmmədli

O, ölkənin səhiyyə sisteminə inam olmadığını xatırladır: “Azərbaycanda satılan dərmanlar aşaığı keyfiyyətlidir. Bir çoxları xaricdə müalicə olunmağa, Avropanın tanıdığı vaksinlərə üstünlük verirlər. Baxın, tələbələri marifləndirmədən məcburi vaksinasiya edirlər. Onlar vaksinin əks təsirləri, onun orqanizmdə yaradacağı effektlər baradə hər hansı yerli məlumat bazasından yararlana bilmirlər, belə bir data-baza yoxdur. Halbuki Gürcüstanda sürətlə marifləndirmə işləri aparılır”.

B.Hacıyev “Toplum TV”-nin “Sizcə, fərdi azadlıqlar ictimai təhlükəsizlikdən üstün tutulmalıdırmı” sualını belə cavablandırıb: “Fərdi azadlıqlar ictimai təhlükəsizlikdən üstün tutulmamalıdır. Müəyyən mənada fərdi azadlıqların məhdudlaşdırılması ictimai maraqlara xidmət edirsə, bunu etmək olar”.

Sosial

Həftəsonları ictimai nəqliyyat işləyəcək, əyləncə və istirahət mərkəzləri açılır

24 Sentyabr 2021

Sosial Media

Ölkə üzrə peyvənd olunan vətəndaşların sayının artması və eyni zamanda yoluxma hallarının dinamikasının davamlı şəkildə azalması nəzərə alınaraq, xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edilib. Nazirlər Kabineti yanında Operativ Qərargahın qərarına əsasən, 2021-ci il oktyabrın 1-dən etibarən həftəsonu ictimai nəqliyyatda, həmçinin Bakı Metropolitenində sərnişindaşıma fəaliyyətinin dayandırılması ilə bağlı məhdudiyyət ləğv olunur. Əlavə olaraq, 2021-ci il oktyabrın 1-dən aşağıda qeyd olunan iş və xidmət sahələrinin fəaliyyətinin bərpa edilməsi ilə bağlı qərar verilib: - istirahət və əyləncə məkanlarının (klublar daxil olmaqla), həmçinin uşaq əyləncə məkanlarının (bulvar və parkların ərazisində olanlar daxil olmaqla) fəaliyyəti; - ümumi...
Sosial

Gündəlik yoluxma statistikası açıqlandı

24 Sentyabr 2021

Açıq mənbələrdən götürülüb

Azərbaycanda koronavirus (COVID-19) infeksiyasına 1 128 yeni yoluxma faktı qeydə alınıb, 2 590 nəfər müalicə olunaraq sağalıb. Operativ Qərargahdan verilən məlumata görə, analiz nümunələri müsbət çıxan 21 nəfər vəfat edib. İndiyədək ölkədə ümumilikdə 478 715 nəfərin koronavirus infeksiyasına yoluxması faktı müəyyən edilib, onlardan 446 643 nəfər müalicə olunaraq sağalıb, 6 415 nəfər vəfat edib, aktiv xəstə sayı 25657 nəfərdir. Son sutka ərzində yeni yoluxma hallarının müəyyənləşdirilməsi ilə əlaqədar 11 505, ötən müddət ərzində isə ümumilikdə 4 802 229 test aparılıb. Vaksinasiya Azərbaycanda bu gün 58 256 nəfər vaksinasiya olunub. Bu barədə Nazirlər Kabineti yanında Operativ Qərargah məlumat yayıb. Birinci mərhələ...
Seçilmiş Videolar