Sosial

Borrel: Rusiya Ukraynadan taxıl ixracına mane olmaqla cinayət törədir

21 İyun, 2022
79

Rəsmi səhifə

Rusiya Ukrayna limanlarını mühasirəyə alaraq taxıl və digər kənd təsərrüfatı məhsullarının ixracına imkan verməməklə və bunun nəticəsində dünyanın müxtəlif yerlərində aclıq təhlükəsi yaratmaqla hərbi cinayət işlədir. 

Bunu AB-nin xarici işlər və təhlükəsizlik siyasəti üzrə Ali nümayəndəsi Jozep Borrel deyib.

“Siz aclıq təhlükəsindən müharibə aləti kimi istifadə edə bilməzsiniz. Dünyanın müxtəlif ölkələrində insanlar aclıqdan əziyyət çəkdiyi zaman milyon tonlarla buğda Ukraynadan çıxarıla bilmir. Bu, gerçək hərbi cinayətdir. Mən bunun davam edəcəyini təsəvvür edə bilmirəm”, - deyə Borrel AB-nin xarici işlər nazirlərinin iclası qarşısında söyləyib. 

https://toplum.tv/dunya/ukraynada-rus-mahnilari-ve-kitablari-qadagan-olunub

“New York Times” qəzeti bu fikirləri Rusiyanın Ukrayna müharibəsi haqqında Qərb nümayəndələrinin səsləndirdikləri arasında ən kəskin çıxşlardan biri adlandırıb. Rusiya Ukrayna taxılının ixracının dayanmasına görə öz məsuliyyətini inkar edir. 

Ukrayna Prezidenti Volodimir Zelenski bazar ertəsi Afrika İttifaqının liderlərinə müraciətində məhz Rusiyanın Ukraynaya təcavüzünün ərzaq defisiti yaratdığıını söyləyib. “Əgər Rusiya Ukraynaya qarşı müharibəyə başlamasa idi, ərzaq bazarında defisit olmayacaqdı”.

 Ekspertlər hesab edirlər ki, Ukrayna taxılının və digər kənd təsərrüfatı məhsullarının ixracının pozulması dünyada ərzaq məhsulları qiymətinin artmasının səbəblərindən biridir. BMT bəzi ölkələrdə, xüsusən də Ukrayna taxılının idxalından xeyli asılı olan Afrika ölkələrində aclıq təhlükəsi barədə xəbərdarlıq edir.

Sosial

Məhkəmə Hüquq Şurası: “Qadınların sayı ilə bağlı qanunda xüsusi kvota yoxdur"

Samirə Əli
6 İyul 2022
Əvvələr qadınlar hakim korpusunun 17 faizini təşkil edirdisə, indisə bu faizin 20-ə qalxdığı bildirilir.  Bu barədə "Toplum TV"-yə Məhkəmə Hüquq Şurasından bildirilib.  Prezident İlham Əliyevin bu ilin iyulun 1-də imzaladığı sərəncama görə, 39 nəfər yeni nəsil hüquqşünas hakim vəzifəsinə təyin edilib.  Bunlardan 23-ü qadın, 16-sı kişi olub.  “Qadınların sayının artırılması ilə bağlı qanunvericilikdə xüsusi kvota yoxdur. Sadəcə, qadınlar son dövrlərdə seçim proseslərində daha aktiv iştirak edirlər”, - deyə qurumdan əlavə edilib.  Təyinatdan sonra Azərbaycanda ümumilikdə 565 hakim var.  Bunlardan 453-ü kişi, 112-si qadındır.  
Sosial

Qurbаn bаyrаmı namazının qılınacağı vaxt açıqlandı

6 İyul 2022

Açıq mənbələrdən götürülüb

Azərbaycanda Qurbаn bаyrаmı namazının qılınacağı vaxt açıqlanıb.  Bu barədə Qafqaz Müsəlmanları İdarəsi Qazılar Şurasının yaydığı məlumatda bildirilib.  AMEA Şamaxı Astrofizika Rəsədxanasının hesablamalarına əsasən Azərbаycаn üfüqündə Hilalın görünməsinə uyğun olaraq Qurbаn bаyrаmı Zül-hiccə ayının 10-na – Miladi təqvimlə 9 iyul tarixinə təsadüf edəcək.  Qurban kəsimi 9 iyul tarixindən başlayaraq, 3 gün davam edə bilər: İyul ayının 9-da məscidləridə birgə Bayram namazları qılınacaq.

Seçilmiş Videolar

Toplum TV loqo