Sosial

Buzovnalılar inkişafdan uzaq düşdüklərini deyirlər - İcra Hakimiyyəti təsdiqləyir 

Roza Məmmədova
18 Avqust, 2022
1199

Açıq mənbələrdən götürülüb

Xəzər Rayon İcra Hakimiyyəti Buzovnada yaşayan sakinlərin infrastrukturla bağlı şikayətlərinə cavab verib. 
 
Buzovna Mədən ərazisində yaşayan sakinlərin su xətləri, kanalizasiya sistemi yoxdur, yollar təmirsizdir - İcra Hakimiyyəti təsdiqləyib. 
 
Bir neçə gün əvvəl “Toplum TV” sözügedən ərazidən reportaj hazırlamışdı. 

https://toplum.tv/multimedia/ali-bas-komandanin-qonsulugunda-sakinler-baximsizliqdan-sikayetlenir
 
Sakinlər şikayətlənirdilər ki, çoxdandır, özləri öz başlarının çarəsinə baxırlar.  

Yolları özləri düzəldirlər, su xətlərini də özləri çəkirlər.   
 
Amma iş bununla bitmir, çünki bu küçənin dərdi saymaqla qurtarmır:   
 
"Zibil qabları yoxdur, ictimai nəqliyyat işləmir. Evlərin ünvanları yoxdur deyə, təcili yardım çağırmaqda çətinlik çəkirik. Bütün marketlər, poliklinika yolun o biri tərəfindədir. Bir marşrutumuz olsun ki, gedək xəstəxanaya çata bilək,  uşaqlar məktəbə getsin deyə avtobus tutur hamı". 
 
İcra Hakimiyyəti sadalanan problemlərə tək-tək aydınlıq gətirib. 
 
Bildirilib ki, sözügedən ünvanda içməli su şəbəkəsi mövcud deyil. Su xətləri vətəndaşlar tərəfindən fərdi qaydada kustar üsulla çəkilib. 
 
Bununla bağlı qurumun “Azərsu” ASC-yə ünvanladığı məktuba cavab verilib ki, su və kanalizasiya məsələləri mərhələli şəkildə həll olunacaq. Ancaq nə vaxt, bəlli deyil. 
 
İcra Hakimiyyəti yol problemi ilə bağlı isə Azərbaycan Avtomobil Yolları Dövlət Agentliyinə də müraciət edib. 
  
Quruma bildirilib ki, sözügedən ərazi regionların 2019-2023-cü illərdə sosial-iqtisadi inkişafı Dövlət Proqramı” çərçivəsində təmir ediləcək avtomobil yolları və küçələrin siyahısına daxil edilib. 
 
Küçə və evlərin ünvanlarının qeyri-dəqiq olması ilə bağlı şikayətlərə isə Xəzər İH belə cavab verib: 
 
“Neftçilər küçəsi və ətraf ərazilərdə yerləşən 117-120-ci Buzovna küçələrinin koordinatları və coğrafi yerləşməsi, həmçinin  ümumilikdə “www.unvanportali.az” internet səhifəsi ilə bağlı  məlumatların əldə edilməsi ilə əlaqədar sakinlərin məlumatlandırılması və maarifləndirilməsi məqsədilə Buzovna qəsəbə inzibati ərazi dairəsi üzrə nümayəndəliyinə müvafiq tapşırıq verilib”. 

https://toplum.tv/multimedia/kecilmez-buzovna-yollari
 
Həmçinin qurum bildirib ki, sözügedən ünvanda əlavə zibil konteynerlərinin yerləşdirilməsi  nəzarətdə saxlanılacaq. 
 
2006-2007 və 2011-2013-cü illərdə Bakı qəsəbələrinin sosial-iqtisadi inkişafına dair dövlət proqramları qəbul olunub. Həmin proqramlara əsasən, qəsəbələrdə kommunal və sosial xidmətlərin həcmi və keyfiyyəti daha da yaxşılaşdırılmalı idi. O vaxt Prezident də vəd vermişdi ki, 2013-cü ilə qədər qəsəbələrin sosial problemləri aradan qalxacaq.   
 
Amma sakinlərin çoxu deyir ki, illərdir, burada yaşasalar da, inkişafdan əsər-əlamət görmürlər.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Polis 8-ci sinif şagirdinin ailə qurması ilə bağlı araşdırma aparır

11 Dekabr 2023

Rəsmi səhifə

Kürdəmirdə 8-ci sinif şagirdinin ailə qurması ilə bağlı yayılan xəbərlər araşdırılıb. Toplum TV xəbər verir ki, bu barədə dekabrın 11-də Daxili İşlər Nazirliyindən bildirilib.  Məlumata görə, faktla bağlı Kürdəmir Rayon Polis Şöbəsinin əməkdaşları tərəfindən bütün tədbirlər icra olunub. https://toplum.tv/sosial/pbaki-ilahiyyat-kolleci-yaradilibp Araşdırmalar zamanı qızın 14 yaşının olduğu məlum olub. Polis əməkdaşları yeniyetmənin valideynləri ilə izahedici söhbətlər aparıblar və qeyd olunan halın hüquqazidd olması onların diqqətinə çatdırılıb. Valideynləri isə həmin məclisin nişan mərasimi olduğunu, övladlarının hazırda onlarla birlikdə yaşadığını, yalnız 18 yaşı tamam olduqdan sonra toyun keçiriləcəyini bildiriblər. DİN-dən bildirilib ki, bundan əlavə, yeniyetmənin qanunvericiliyə uyğun olaraq təhsilinə davam etməsinə və dərsə davamiyyətinə...
Sosial

Soyuqlar düşəcək, qar yağacaq

11 Dekabr 2023

Trend.az

Bakıda və Abşeron yarımadasında dekabrın 12-dən 14-ü səhərədək hava şəraitinin qeyri-sabit keçəcəyi, arabir yağış yağacağı gözlənilir. Toplum TV Milli Hidrometeorologiya Xidmətinə istinadən xəbər verir ki, yarımadanın bəzi yerlərində yağışın intensiv olacağı ehtimalı var. Havanın temperaturu ötən günlərlə müqayisədə 3-5 dərəcə aşağı enərək, gecə saatlarında 3-6 dərəcə isti, gündüz saatlarında 6-9 dərəcə isti olacaq. Rayonlarda da dekabrın 11-i axşamdan 14-ü gündüzədək hava şəraitinin qeyri-sabit keçəcəyi, arabir yağıntılı olacağı, dağlıq rayonlarda qar yağacağı gözlənilir. Regionlarda da havanın temperaturu ötən günlərlə müqayisədə 3-6 dərəcə aşağı enəcək. 

Seçilmiş Videolar

Toplum TV loqo