Sosial

DİM-dən buraxılış imtahanlarında iştirak edən şəxslərə müraciət

26 İyun, 2020
1204
Dövlət İmtahan Mərkəzi(DİM) iyulun 2-si və ya 3-də keçiriləcək buraxılış imtahınında iştirak edəcək şəxslərə müraciət edib.

Rəsmi məlumatda bildirilir ki,iştirakçılar imtahana gələrkən şəxsiyyəti təsdiq edən sənəd və "İmtahana buraxılış vərəqəsi” ilə yanaşı "İmtahan iştirakçısının sağlamlığı haqqında bəyannamə”ni də çap edib özləri ilə gətirməlidirlər.

"İmtahan iştirakçısının sağlamlığı haqqında bəyannamə” DİM-in saytında "İmtahana buraxılış vərəqəsi” ilə bir yerdə çap olunub abituriyentin özü tərəfindən imzalanmalıdır.

Məlumatda qeyd edilir ki,imtahana buraxılış vərəqəsi şagirdin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənədin ayrıca vərəqdə çap olunması vacibdir.

Pandemiya dövründə kütləviliyin və təmas hallarının qarşısının alınması məqsədilə DİM tərəfindən imtahan iştirakçıları üçün imtahan binasına müxtəlif daxilolma vaxtlarının da  müəyyən edildiyi bildirilir. İmtahanda iştirak edəcək şəxslərin buraxılış vərəqəsində də həmin vaxt göstərilib.Ona görə də DİM iştirakçılara imtahan binasına buraxılış vərəqəsində qeyd olunan vaxtda gəlməyi tövsiyyə edir.

Xatırlatma

2 və ya 3 iyul tarixlərində imtahan verən şəxslər DİM-in saytında yerləşdirilmiş müvafiq keçidlər vasitəsilə "İmtahana buraxılış vərəqəsi” və "İmtahan iştirakçısının sağlamlığı haqqında bəyannaməni” çap edə bilərlər:

–   Əvvəlki illərin məzunları üçün I-V ixtisas qrupları üzrə ali təhsil müəssisələrinə qəbul imtahanının 1-ci mərhələsi və kolleclərə qəbul imtahanı, Naxçıvan;
–    9 və ya 11-ci sinif üzrə buraxılış imtahanları;
–  Ümumi (9 illik) orta təhsil bazasında kolleclərə qəbul olmaq istəyən cari və əvvəlki illərin məzunları üçün qəbul imtahanları;
–  Azərbaycan dilindən fərqli dildə təhsil alan 9-cu (cari və əvvəlki illər) və 11-ci sinif (cari il) məzunları üçün Azərbaycan dili (dövlət dili) imtahanları;
–  Heydər Əliyev adına Hərbi Liseyə qəbul imtahanı, Naxçıvan.

Vüsalə Mikayıl
Sosial

 

Koronavirus statistikası: Azərbaycan

1 Avqust 2021

Sosial Media

Azərbaycanda koronavirus (“COVID-19”) infeksiyasına 671 yeni yoluxma faktı qeydə alınıb, 202 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə,4 nəfər vəfat edib. İndiyədək ölkədə ümumilikdə 344 520 nəfərin koronavirus infeksiyasına yoluxması faktı müəyyən edilib, onlardan 333 128 nəfər müalicə olunaraq sağalıb, 5 027 nəfər vəfat edib. 6 365 nəfər aktiv xəstə sayını təşkil edib. Son sutka ərzində yeni yoluxma hallarının müəyyənləşdirilməsi ilə əlaqədar 9 400, bu günə qədər isə ümumilikdə 4 043 740 test icra olunub. Azərbaycanda son sutkada koronavirus əleyhinə 68 416 vaksin vurulub. Bir gündə birinci mərhələ üzrə vaksinasiya olunanların sayı 43 346, ikinci...
Sosial

Son sutkada peyvənd olunanların sayı

30 İyul 2021

Açıq mənbələrdən götürülüb

Azərbaycanda son sutkada koronavirus (COVID-19) əleyhinə 87 286 vaksin vurulub. Bu barədə iyulun 30-da Nazirlər Kabineti yanında Operativ Qərargah məlumat yayıb. Bir gündə birinci mərhələ üzrə vaksinasiya olunanların sayı 50 103, ikinci mərhələ üzrə vaksinasiya olunanların sayı 37 183 nəfərdir. Ölkədə vurulan vaksinlərin ümumi sayı 4 885 572, birinci mərhələ üzrə vaksinasiya olunanların ümumi sayı 2 827 855, ikinci mərhələ üzrə vaksinasiya olunanların sayı isə 2 057 717 təşkil edir.
Seçilmiş Videolar