Sosial

DİN: "Onu xilas etmək üçün bütün imkanlar tam səfərbər edilmədi"

4 Avqust, 2021
2608

Rəsmi səhifə

"Etiraf edək ki, onu xilas etmək üçün bütün imkanlar tam səfərbər edilmədi, daha çox ailənin, qadının, onun yaxınlarının istəkləri nəzərə alınmaqla tədbirlər hüquq çərçivəsində həyata keçirilib".

Bunu Daxili İşlər Nazirliyinin sözçüsü Elşad Hacıyevin Sevinc Məhərrəmovanın qətlə yetirilməsi hadisəsinə münasibət bildirərkən deyib. 

S. Məhərrəmova bu ilin may ayında əri tərəfindən fiziki zorakılığa məruz qaldığı üçün evdən qaçmış, müxtəlif qurumlara müraciət etdikdən sonra zəruri hüquqi prosedurun başladılmasına nail olmuşdu. O, ərinin iki azyaşlı uşağını əlindən almasından da şikayətçi idi. 

Vəkil Zibeydə Sadıqova "Toplum TV"-yə açıqlamasında bildirib ki, S. Məhərrəmova uşaqlarına görə məcbur qalıb əriylə barışıb.

O, evə qayıtdıqdan bir müddət sonra, avqustun 3-də isə həyat yoldaşı Füzuli  Qarayev tərəfindən qətlə yetirilib. 

Zibeydə Sadıqova - Sosial Media

Z.Sadıqovanın sözlərinə görə, S. Məhərrəmovaya həm həyat yoldaşı, həm də polis tərəfindən təzyiq olunub: “Qadın hər dəfə zorakılıqla bağlı polisə müraciət etdikdən sonra həyat yoldaşı ilə barışırdı. Mərhum deyirdi ki, onu yoldaşı ilə polis barışdırır. Həyat yoldaşı və polis üstünə düşdüyü üçün də o, çıxılmaz vəziyyətdə qalırdı”.

"Qafqazinfo.az" saytının məlumatına görə, Daxili İşlər Nazirliyi qətl barədə müzakirələrə reaksiya verib. Qurumun Mətbuat Xidmətinin şöbə rəisi, polis mayoru Elşad Hacıyevin sözlərinə görə, məsələ ilə bağlı polis daha çox müzakirə obyektinə çevrilib: 

“Ağır hadisədir, faciədir, bu hal baş verməməli idi. Qarşısının alınması üçün qətlə yetirilən qadının “ailəmdən ayrıla bilmərəm, övladlarımdan ayrı yaşaya bilmərəm” kimi israrlı istəkləri, ona təklif olunan sığınacaqdan imtinası ilə bağlı daha təsirli tədbirlər görülə bilərdi. Etiraf edək ki, onu xilas etmək üçün bütün imkanlar tam səfərbər edilmədi, daha çox ailənin, qadının, onun yaxınlarının istəkləri nəzərə alınmaqla tədbirlər hüquq çərçivəsində həyata keçirilib. 

Cari ilin mart ayında zorakılığa məruz qalan qadının şikayəti əsasında başlayan cinayət işi üzrə zəruri olan bütün tədbirlər qanunvericiliyə uyğun olaraq təmin edilməsinə baxmayaraq, məhkəmə baxışı zamanı tərəflərin barışığı nəzərə alındı. İlk günlər ailədaxili münasibətlərin normallaşması müşahidə edilirdi. Təəssüf ki, sonradan baş verənlər – tərəflərin barışığı, valideynlərin bir-birinə güzəştsiz münasibəti ağır nəticələrə yol açdı. Bu o həqiqətin göstəricisidir ki, bu barışıqlar həmişə xoşbəxtliklə nəticələnmir. 

Hadisənin təfərrüatları tərəfimizdən ətraflı təhlil olunaraq, ailə-məişət zəminində daxil olan bütün müraciətlərə daha diqqətli, daha məsuliyyətli yanaşılması üçün tərəflərin razılığı, yaxud barışığı olsa belə həmin şəxslər profilaktik qeydiyyata alınmaqla, nəzarət profilaktik işin effektiv təşkili və gücləndirilməsi üçün tədbirlər görülür”.

S. Məhərrəmovanın öldürülməsi ilə bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Füzuli Qarayev şübhəli şəxs qismində tutularaq istintaqa cəlb edilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azərbaycana idxal edilən soğan gömrük rüsumundan azad edilib

3 Fevral 2023

Açıq mənbələrdən götürülüb

Baş (adi) soğan və şalot soğanı (yaşıl soğan, habelə örtülü şəraitdə yetişdirilən və (və ya) faraş soğan istisna olmaqla) idxal gömrük rüsumundan azad edilib. Toplum Tv xəbər verir ki, bu barədə fevralın 3-də Nazirlər Kabineti qərar verib. Bildirilir ki, ölkəyə idxal olunan soğan mayın 1-dək gömrük rüsumundan azad olunub. https://toplum.tv/iqtisadiyyat/pazerbaycanda-illik-inflyasiya-accediliqlandip Nazirlər Kabinetinin digər qərarı ilə baş (adi) soğan və şalot soğanı (yaşıl soğan, habelə örtülü şəraitdə yetişdirilən və (və ya) faraş soğan istisna olmaqla) “Azərbaycan Respublikasının gömrük ərazisindən aparılması müvəqqəti olaraq tənzimlənən malların Siyahısı”na daxil edilib. Bundan əvvəl Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Firdovsi Fikrətzadə mətbuata açıqlamasında...
Sosial

DİN: Bakıda narkotik daşıyan kuryerlər saxlanılıb

3 Fevral 2023

mia.gov.az

Bakıda qanunsuz narkotik dövriyyəsi ilə məşğul olmaqda şübhəli bilinən kuryerlər saxlanılıb.   Toplum TV xəbər verir ki, bu barədə fevralın 3-də Daxili İşlər Nazirliyinin mətbuat xidməti məlumat yayıb.  Bildirilir ki, onların üzərində şəxsi axtarış aparılan zaman 6 qrama yaxın marixuana aşkar edilib. https://toplum.tv/sosial/pazerbaycanda-ldquoboltrdquo-113-min-manat-hecminde-cerimelenibp "İlkin sorğu zamanı bu şəxslər narkotikləri həmkarları Ayxan adlı şəxsdən onlayn yolla aldıqlarını bildiriblər. Əməliyyat tədbirlərinin davamı olaraq həmin şəxs - Ayxan Məmmədov da tutularaq istintaqa təqdim edilib. Onun üzərindən və evindən isə 7 qrama yaxın marixuana aşkar edilib. Ayxan Məmmədov isə ifadəsində narkotik vasitələri satmaq məqsədi ilə Məhəmməd adlı şəxsdən aldığını bildirib. Adı çəkilən sonuncu şəxsin...

Seçilmiş Videolar

Toplum TV loqo