Sosial

Doktorantura namizədləri etiraz edir 

Vüsalə Mikayıl
Sənan İsmayıl
13 İyun, 2022
175

Açıq mənbələrdən götürülüb

İmtahandakı təşkilati problemlərə görə az bal yığdığını deyən tələbələr keçid balının aşağı salınmasını istəyir.

İyunun 13-də doktorantura imtahanı verən bir qrup şəxs Dövlət İmtahan Mərkəzinin qarşısında aksiya ediblər. Onlar 12 iyunda doktorantura və dissertantura üzrə keçirilən imtahan prosesi, kodlaşdırmadan şikayət ediblər. 

12 iyun 2022-ci il tarixində doktorantura və dissertantura səviyyəsində xarici dildən qəbul imtahanı və fəlsəfə doktoru imtahanları keçirilib. Doktorantura namizədlərinin sözlərinə görə, İmtahanda ingilis dili fənni üzrə dinləmə mətnlərinin səsləndirmə qurğusundakı ardıcıllıq sual kitabçasındakı dinləmə mətnləri üzrə sualların ardıcıllığı ilə fərqli təqdim olunub.

Zəminə Məlikova - Meydan TV

Şikayətçi Zəminə Məlikova dinləmə materialı üzrə yaşadıqları problemləri belə dilə gətirib: “Dinləmədə səhv o idi ki, bizə birinci mətnin əvəzinə ikinci mətnin dinləməsini verdilər. Belə olanda ajiotaj yarandı, vaxtımız getdi. Bizə əlavə vaxt verilmədi. Vərəqi aldılar əlimizdən, sualları tam yaza bilmədik”.

Şikayətçilərin tələbi ballar hesablananda bu halın nəzərə alınmasıdır “Ya bal salınsın, ya da bizim xeyrimizə hesablansın. Çünki imtahanda da bizə bunu dedilər. İndi DİM açıqlama verir ki, istəyən olsa, “Listening” imtahanına gəlsin. Niyə mən bu stresi yenidən yaşamalıyam?” 

DİM bu gün məsələ ilə bağlı məlumat yayıb. Açıqlamada imtahanda dinləmə mətnləri üzrə problem olduğu təsdiqlənib: “Qeyd olunan hal aşkar olunduqdan sonra bu uyğunsuzluq haqqında imtahan iştirakçılarına məlumat verilib və dinləmə mətnləri yenidən səsləndirilərək onlara kitabçada olan uyğun sualların (monoloq üzrə 6-10, dialoq üzrə 1-5) hansılarına bu mətn əsasında cavab vermək lazım olduğu bir daha izah olunub. Həmçinin müəyyən vaxt itkisinə yol verildiyi üçün imtahanın müddəti artırılıb. Yəni bu uyğunsuzluğun yaratdığı anlaşılmazlığı yerində aradan qaldırmaq mümkün olub”.

Məlumatda çətinlik çəkdiklərini iddia edən iştirakçıların müraciəti əsasında DİM tərəfindən yalnız dinləmə bloku üzrə nəticələri ləğv edilərək həmin blok üzrə yenidən imtahan təşkil olunacağı göstərilib: “Bu imtahandan toplanılan bal dinləmə bloku üzrə yekun imtahan nəticəsi kimi əsas götürüləcək”.

Dinləmə bloku imtahanında yenidən iştirak etmək istəyənlər 16 iyun saat 17:00-dək (15 İyun Milli Qurtuluş Günü istisna olmaqla) Dövlət İmtahan Mərkəzinə (Bakı şəhəri, Nəsimi rayonu, Akademik Həsən Əliyev, 299) ərizə ilə müraciət edə və ya şəxsiyyət vəsiqəsinin və imzalanmış ərizənin skan edilmiş surətini info@dim.gov.az poçtuna yollaya bilərlər.

DİM-dən imtahan tarixi barədə yaxın günlərdə əlavə məlumat veriləcəyini bildiriblər.

Sosial

Koronavirusdan ölüm faktı qeydə alınıb

5 İyul 2022

Açıq mənbələrdən götürülüb

Azərbaycanda koronavirus infeksiyasına 49 yeni yoluxma faktı qeydə alınıb, 12 nəfər müalicə olunaraq sağalıb. Operativ Qərargahdan iyulun 5-də verilən məlumata görə, nəticələri pozitiv çıxan 1 nəfər ölüb. İndiyədək ölkədə ümumilikdə 793 437 nəfərin koronavirus infeksiyasına yoluxması faktı müəyyən edilib, onlardan 783 465 nəfər müalicə olunaraq sağalıb, hazırda 254 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 403, bu günə qədər isə ümumilikdə 6 974 930 test icra olunub.
Sosial

Sosial yardım ala bilməyən vətəndaş: Aylıq gəlirimiz 60-70 manatdı, necə yaşayaq?

Günel Manaflı
5 İyul 2022

Açıq mənbələrdən götürülüb

Qax rayonunun Tasmalı kənd sakini Məmmədova Gülpəri maddi vəziyyətinin çox ağır olduğunu deyir. 10 ildir ailə həyatı quran G. Məmmədovanın həyat yoldaşı heç yerdə işləmir. Dolanışıqlarını yoldaşının ot satmaqla, odun doğramaqla və mal-qara otarmaqla qazandığı az vəsaitlə təmin edirlər. Biri əkiz olmaqla 4 və 6  yaşlarında üç körpə övladının olduğunu deyən G. Məmmədova sosial yardım almaq üçün aidiyyatı qurumlara müraciət etsə də, müsbət cavab almayıb: “Evimizi zəlzələ olan zaman dövlət tikib. Vəziyyətimizin çətinliyi və sosial yardım almaq istəyimizlə bağlı 1 il yarım əvvəl prezidentə məktub yazdıq. Prezident Administrasiyasından Qax rayon İcra Hakimiyyətinə məktub göndərildi ki, bizim işimizə baxılsın. İcra Hakimiyyəti...

Seçilmiş Videolar

Toplum TV loqo