Sosial

Dövlət Komitəsi narazı Tərtər sakininə cavab verdi: "Səlahiyyətlərimiz xaricindədir”

Vüsalə Mikayıl
17 Sentyabr, 2021
437

Açıq mənbələrdən götürülüb

“Toplum Tv”-nin 16 sentyabrda Tərtər rayon sakinin şikayəti ilə bağlı yazısına Dövlət Şəhərsalma və Arxitektura Komitəsindən cavab gəlib. 

Komitədən verilən məlumata görə, şikayət ətraflı araşdırılıb. 

Sözügedən yazıda şikayətçi Çimnaz Məmmədova iddia edirdi ki, onun müharibədə dağılmış mülkünün təmiri gecikdirilir və düzgün qiymətləndirmə aparılmır. O bunda bir sıra qurumları, o cümlədən ərazidə təmir-tikinti işlərinə məsul “Real İnşaat” şirkətini günahlandırırdı. Həmin şirkət isə problemin onlardan qaynaqlanmadığını və onların zərər üçün aparılmış qiymətlənmə üzrə fəaliyyət göstərdiyini bildirirdi. Şirkət rəsmisi qarşı tərəfin “şəxsi istəkləri”nin olduğunu da deyirdi. 

Müharibədə dəymiş ziyana texniki baxışı keçirən və qiymətləndirmə aparan Dövlət Şəhərsalma və Arxitektura Komitəsinin mətbuat katibi Ramiz İdrisoğlu isə bu gün artıq müvafiq araşdırmaları apardıqlarını deyir: “Şikayətçi Çimnaz Məmmədovaya məxsus yaşayış evində texniki baxış aktı üzrə təmir işləri yekunlaşdırılıb. Hazırda sakin tərəfindən irəli sürülən tələblər səlahiyyətlərimiz xaricindədir”.

Sosial

Əri polis olan qadın: “Anası ağzımı tutdu, atası da dedi ki, səsini çıxarsan, səni öldürəcəm”

Aytac Məmmədli
19 Oktyabr 2021

Sosial Media

“Xəstəxanadan 3 gün olar çıxmışdım, zahı idim. Məni yerə yıxıb təpiklədi, anası ağzımı tutdu, atası da dedi ki, səsini çıxarsan, səni öldürəcəm”. Polis əri tərəfindən zorakılığa məruz qaldığını iddia edən F. Cənnətova “Toplum TV”-yə belə söyləyir. Daxili İşlər Nazirliyinin məlumatına görə, son dövrlər Azərbaycanda şiddətə məruz qalan qadınların sayı çoxalıb. Gün ərzində “102” qaynar xəttinə qadın zorakılığı ilə bağlı 100-ə yaxın zəng daxil olur. “Məni ölümlə hədələyir” Zorakılığa məruz qaldığını deyən o “100”-lərdən biri də F. Cənnətovadır. 22 yaşlı qadın 3 uşaq anası olmaqla yanaşı Xəzər universitetinin 5-ci kurs tələbəsidir. Onun sözlərinə görə, uzaq qohumu olan həyat yoldaşı Fuad Cənnətovla...
Sosial

Elnur Əşrəfoğlu vəfat etdi

19 Oktyabr 2021

Sosial Media

Tanınmış jurnalist Elnur Əşrəfoğlu vəfat edib. Bu barədə jurnalistin bir müddətdir müalicə olunduğu "Yeni Klinika"dan məlumat verilib. Koronavirusa yoluxmuş jurnalist Elnur Əşrəfoğlu vəziyyəti pisləşdiyindən ECMO aparatına qoşulmuşdu. 47 yaşlı jurnalistin sonuncu iş yeri Azərbaycan Cüdo Federasiyası olub. O, Federasiyasının baş katibinin müavini, eyni zamanda, idman qurumunun mətbuat xidmətinin rəhbəri olub.
Seçilmiş Videolar