Sosial

Ekspert: “Torpaqların təyinatını dəyişmək yox, yenidən dövriyyəyə qaytarmaq lazımdır”

Nigar Səmədli
10 Mart, 2021
1747

Açıq mənbələrdən götürülüb

“Digər regionlara nisbətən Abşeron rayonunda kənd təsərrüfatına yararlı torpaqlar daha çox zəbt olunub. Əvvəllər kolxoz və sovxozların mülkiyyətində olan əksər torpaqlar vətəndaşlara paylanmaq əvəzinə, ya məmurlar tərəfindən mənimsənilib, ya da imkanlı şəxslər tərəfindən rüşvət verilərək əldə edilib”.

Kənd təsərrüfatı üzrə ekspert Vahid Məhərrəmli "Toplum TV”-yə belə deyib.

Abşeron və Qobustanın üzərində evlər tikilmiş kənd təsərrüfatı təyinatlı torpaqlarının kateqoriyası dəyişdiriləcək. Bu barədə Nazirlər Kabinetinin 2020-ci illə bağlı hesabatında qeyd edilir. 

Qeyd olunur ki, “Torpaqların kateqoriyalara aid edilməsi və onların bir kateqoriyadan digərinə keçirilməsi Qaydaları”na uyğun olaraq torpaq mülkiyyətçiləri hökumət qarşısında vəsatət qaldırmalıdırlar. 

Hesabatda həmçinin göstərilir ki, Abşeronda tikinti altında 8125 hektar və Qobustanda isə 78 hektar kənd təsərrüfatı təyinatlı torpaq sahəsi var. Bu ərazilərin kateqoriyasının dəyişdirilməsi məqsədilə Nazirlər Kabineti Abşeron və Qobustan icra hakimiyyətlərinə məktub göndərib. 

Qurumun açıqlamasına görə, Abşeron rayonunda kənd təsərrüfatı təyinatlı torpaqlar üzərində 20 minə yaxın fərdi yaşayış evi, 6 minə yaxın müxtəlif təyinatlı qeyri-yaşayış tikilisi olması barədə məlumat toplanıb, xəritə materialları tərtib edilib, arayışlar və məlumatlar hazırlanıb. 

Sənəddə bildirilir ki, Qobustan rayonunda üzərində 300-dən artıq yaşayış evi inşa edilmiş kənd təsərrüfatı  torpaqlarının təyinatının dəyişdirilməsi ilə bağlı müvafiq sənədlər hazırlanır.

Vahid Məhərrəmli - Sosial Media

İqtisadçı-ekspert Vahid Məhərrəmli sözügedən ərazilərdəki torpaqların əksəriyyətinin qanunsuz şəkildə ələ keçirildiyini deyir: “Əvvəllər kolxoz və sovxozların mülkiyyətində olan sahələrin böyük əksəriyyəti vətəndaşlara paylanmaq əvəzinə, 1995-ci ildən etibarən ya məmurlar tərəfindən mənimsənilib, ya da rüşvət vasitəsilə imkanlı şəxslər tərəfindən əldə edilib. Abşeron rayonu ərazisindəki torpaqlar uzun müddət istehsal alətinə yox, alver predmetinə çevrildi. Çünki orda böyük ərazilər əldə edən şəxslərin bəziləri həmin torpaqları bölüb satmaqla məşğul oldular. Torpaqlardan əkin-bikin üçün yox, xidmət, sənaye, ticarət və sairə kimi sahələrdə istifadə olundu. Eyni zamanda, bağ təsərrüfatı adı altında böyük villalar və binalar tikildi”. 

Ekspert bildirir ki, o torpaqlar təyinatı üzrə dövriyyəyə qaytarılmalıdır: “Zamanında hökumət bu məsələyə ciddi yanaşmayıb, indi isə fakt qarşısında qalıb. Bildiyiniz kimi, bütün evlərin qeydiyyata alınması tələbi qoyulub. Bu durumda müəyyən etmək lazımdır ki, həmin ərazilərdəki torpaq sahiblərinə əldə etdikləri ərazilərin nə qədəri lazımdır? Orda ancaq əkin üçün istifadə edilməli olan gərəkən torpaqlar var. Azərbaycan ərzaq məhsullarına təlabatını ödəyə bilmir, idxaldan asılı vəziyyətdədir. Üstəlik, əhalinin artım tempi də digər ölkələrlə müqayisədə bizdə daha yüksəkdir. Ona görə də həmin torpaqların təyinatını dəyişib, sənədləşdirib onları qəsb edənlərə vermək əvəzinə, yenidən dövriyyəyə qaytarmaq lazımdır”.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azərbaycan Dövlət Su Ehtiyatları Agentliyi yaradılıb

30 Mart 2023

Açıq mənbələrdən götürülüb

Fövqəladə Hallar Nazirliyinin Su Ehtiyatları Dövlət Agentliyinin əsasında Azərbaycan Dövlət Su Ehtiyatları Agentliyi yaradılıb. Toplum TV xəbər verir ki, bununla bağlı martın 30-da Prezident İlham Əliyev Fərman imzalayıb. https://toplum.tv/multimedia/psaatlida-etiraz-varlilar-yasayir-kasiblar-qirilirp Prezidentin fərmanıyla “Azərsu” Açıq Səhmdar Cəmiyyəti və Azərbaycan Meliorasiya və Su Təsərrüfatı Açıq Səhmdar Cəmiyyəti də əmlakları ilə birlikdə Agentliyin tabeliyinə verilib. Öz növbəsində Zaur Rauf oğlu Mikayılov Azərbaycan Dövlət Su Ehtiyatları Agentliyinin sədri təyin edilib.  Bundan əvvəl Zaur Mikayılov "Bravo" supermarketlər şəbəkəsinin icraçı direktoru olub. 2018-ci ilin noyabr ayından bu vəzifəyə təyin olunan mütəxəssis 2021-ci ilin yanvar ayında vəzifəsini tərk edib. 2001–2009-cu illər ərzində "Bakcell" MMC-də baş kommersiya inzibatçısı kimi...
Sosial

Deputat Fazil Mustafa sui-qəsdə məruz qalıb

28 Mart 2023

Açıq mənbələrdən götürülüb

Milli Məclisin deputatına avtomatla atəş açılıb.   Toplum TV xəbər verir ki, baş vermiş silahlı hücum nəticəsində Fazil Mustafanın yaralandığı bildirilir. Deputatın yaxınlarından biri "Musavat.com"-a açıqlama verib ki, deputat evə gələn zaman öz maşınını evinin qarşısında saxlayıb düşərkən avtomat silahdan onun üzərinə atəş açılıb.  "Millət vəkilini öldürmək istəsələr də, xoş təsadüfdən güllələrdən ikisi həyatı təhlükə təşkil etməyən orqanlarına dəyib", - deyə məlumatda qeyd olunub. Daxili İşlər Nazirliyinin Mətbuat Xidmətindən verilən məlumata görə, hazırda əməliyyat-istintaq qrupu hadisə yerindədir. Hücumu törətməkdə şübhəli bilinən şəxsin axtarışı davam edir.

Seçilmiş Videolar

Toplum TV loqo