Sosial

Əli Əliyevə yeni cəza – reaksiyalar 

23 İyun, 2022
991

Açıq mənbələrdən götürülüb

Vətəndaş və İnkişaf Partiyasının (VİP) sədri Əli Əliyev son bir ildə ikinci dəfədir ki, şərəf və ləyaqətin təhqiri maddəsilə həbs cəzası alır. Siyasi partiyaların nümayəndələri olayı pisləyiblər, amma deməyə sözləri çox olmayıb.

Əli Əliyev 2021-ci il noyabrın 30-da qəzaya uğrayan DSX-ya məxsus "Mi-17" tipli helikopterdə sağ qalan polkovnik-leytenant Emil Cəfərov və kapitan Ramin Ədilovun xüsusi ittiham qaydasında şikayətləri əsasında Cinayət Məcəlləsinin 147.1-ci maddəsinə (böhtan) uyğun olaraq 6 ay müddətinə azadlıqdan məhrum olunub. Sonra isə ona Yeni Azərbaycan Partiyasının Binəqədi rayon təşkilatının keçmiş sədri Ramiz Göyüşovun şikayəti üzrə 148-ci (təhqir) maddə ilə daha bir ittiham irəli sürülüb.

İyunun 23-də Yasamal rayon məhkəməsi yeni ittiham üzrə ona 6 ay azadlıqdan məhrumetmə cəzası verib. Yeni cəza əvvəlki ilə birləşdirilib və ona bir il azadlıqdan məhrumetmə cəzası təyin olunub.

Vəkil Cavad Cavadov hökmlərin birləşdirilməsi zamanı haqsızlığa uğradığını deyir, eləcə də Əli Əliyevə qarşı irəli sürülən ittihamlar 8 noyabr amnistiyasının təsiri altına düşdüyü halda ona amnistiyanın tətbiq olunmamasını qanunsuz hesab edir.

VİP - Piketlərin keçirilməsi planlaşdırılır

Vətəndaş və İnkişaf Partiyasının sədr müavini Dilguşə Gülümcan Toplum TV-yə açıqlamasında bildirib ki, məhkəmə qərarından dərhal sonra partiya piketlərin keçirilməsi üçün icra strukturlarına yazılı bildiriş göndərib, partiya rəsmiləri beynəlxalq strukturlarla təmasları da davam etdirir.

Dilguşə Gülümcan onu da bildirib ki, iyunun 22-də Ali Məhkəmə Əli Əliyevin birinci həbs qərarı ilə bağlı kassasiya şikayətinə baxıb və təmin etməyib. Sədr müavininin sözlərinə görə, Ali Məhkəmədəki iclasdan nə Əliyevin ailəsi, nə özünün xəbəri olub.

Bu qərar ifadə azadlığına qarşı repressiyadır

Əli Əliyevin həbs müddətinin uzadılması ilə bağlı qərarı siyasi partiya nümayəndələri də pisləyib.

Müsavat Partiyası Mərkəzi İcra Aparatının rəhbəri Gülağa Aslanlı bildirir ki, Müsavat Partiyası Əli Əliyevin haqqındaklı yeni məhkəmə qərarını şiddətlə pisləyir və onu siyasi motivli, ifadə azadlığına qarşı yönəlmiş qərar hesab edir.

“Azərbaycan Xalq Cəbhəsi Partiyası məhkəmə qərarını ifadə azadlığına qarşı repressiya hesab edir” – Bunu AXCP sədr müavini Seymur Həzi deyir. Onun sözlərinə görə, Əli Əliyevə qarşı qərarı məhz bu kontekstdən pisləyirlər.

Ümid partiyasının sədri İqbal Ağazadə də qərarı pislədiyini qeyd edir: “Pisləyirəm. Elə bu qədər”

Beynəlxalq qurumlar və Avropa Şurası Azərbaycandan böhtana görə cinayət məsuliyəti ehtiva edən maddələri ləğv etməyə çağırır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Deputat: Selektiv abortlar baş alıb gedir  

29 Noyabr 2023

Açıq mənbələrdən götürülüb

"Selektiv abortlar baş alıb gedir. Bu, qanunla bu qadağandır. Buna riayət etmək lazımdır" Toplum TV "Trend"-ə istinadən məlumat verir ki, bunu noyabrın 29-da Milli Məclisin Səhiyyə komitəsinin sədri Əhliman Əmiraslanov parlamentdə müzakirə zamanı deyib. "Azərbaycanda müasir tibbi avadanlıqlar var ki, hamilə vaxtı ən xırda patologiyanı belə aşkara çıxarır. Selektiv abortların qarşısının alınması üçün maarifləndirmə işləri gücləndirilməlidir”, - deyə o əlavə edib. https://toplum.tv/sosial/pazerbaycan-selektiv-aborta-goumlre-duumlnya-birincisi-olaraq-qalirp Milli Məclisdə “Ailə sağlamlığı və dəyərləri qanunvericilik aspektində” mövzusunda ictimai dinləmə keçirilir. İclasda səhiyyə nazirinin müavini İlqar Qasımov, elm və təhsil nazirinin müavini Firudin Qurbanov, əmək və əhalinin sosial müdafiəsi nazirinin mavini Vüsal Nəsirli, deputatlar və digər qonaqlar...
Sosial

Dünya Bankı: Azərbaycan su qıtlığı ilə üzləşəcək

29 Noyabr 2023

Açıq mənbələrdən götürülüb

Azərbaycan qlobal miqyasda baş verən dekarbonizasiyanın təsirinə birbaşa məruz qalan ölkədir. Toplum TV APA-ya istinadən xəbər verir ki, bunu Dünya Bankının Azərbaycan üzrə yeni təyin olunmuş ölkə meneceri Stefanie Stallmeister jurnalistlərə açıqlamasında deyib. https://toplum.tv/sosial/azerbaycanda-su-qitligi-ile-uzlesecek-olkeler-sirasindadir Onun sözlərinə görə, Azərbaycan növbəti illərdə həm su qıtlığı, həm də esktremal isti hava kütləsi ilə üzləşəcək:  “Bu xüsusən kənd təsərrüfatında öz təsirini göstərəcək. Qeyd edim ki, iqlim və inkişaf perspektivləri ilə bağlı hazırlanan hesabat həm ölkələrin inkişaf perspektivlərini təhlil edir, həm də iqlim dəyişikliyi nöqteyi-nəzərindən araşdırmalara imkan verir”. Bundan əvvəl məlum olmuşdu ki, 2040-cı ilədək Azərbaycan ən çox su problemi olan 33 həssas ölkə arasında...

Seçilmiş Videolar

Toplum TV loqo