Sosial

“Gəncə məhbusu”: “Gərək özümə nəsə edəm ki, mənimlə maraqlansınlar”

Vüsalə Mikayıl
28 Yanvar, 2022
1110

Sosial Media

2018-ci ildə “Gəncə hadisələri” zamanı həbs olunmuş və hazırda 2 saylı cəzaçəkmə müəssəsində həbs həyatı yaşayan Bayramov Tural Arzu oğlunun səhhətində problemlər yaranıb.

Bununla bağlı “Toplum TV” - yə məhbusun anası Zinyət Bayramova xəbər verib. O deyir ki, oğlunun vəziyyəti ağır olsa da, müdaxilə edilmir, vəziyyəti isə getdikcə pisləşir:

“O qədər işgəncə veriblər ki, panik atak, nevroz olub. Əvvəl 10-cu kolonda idi, indi isə 2 saylı cəzaçəkmə təcridxanasındadır. 20 gündən də çoxdur ki, yenə ağrıları başlayıb. Gecə yatanda boğulur, qarabasması  olur. Artıq ağrılara dözə bilmədiyini deyir. Telefonla danışanda “gərək özümə nəsə edəm ki, mənimlə maraqlansınlar” deyir. Oranın həkimi Fərhadov Nüsrət də baxmır. Deyir, müalicə üçün bura nevropotoloq gəlməlidir”

Z. Bayramova Pentensiar Xidmətə sorğularını yönləndirə bilmədiyini söyləyir: “ Zəng vururam, düşə bilmirəm. Övladım orda hər cür əziyyət çəkir. Tələbim odur ki, övladımı müalicə etsinlər. Etmirlər, azad etsinlər. Gedib özüm borc-xərc tapıb müalicə etdirim. 26 yaşı var, hər yeri xəstəlik tapıb. Dekabrda ad günündə getmişdim, böyrək ağrılarından gözlərinin altı qaralıb”.

Tural Bayramov - Toplum TV

Qadının sözlərinə görə, əvvəl oğluna 8 il iş versələr də, sonradan appelyasiya məhkəməsi cəzasını 4 il 1 aya endirib: “Ali məhkəmə isə heç bir dəyişiklik etmədi. Heç nədən artıq 3 il yarımdır ki, cəza çəkir”.

Z.Bayramova özünün də səhhətində problemlər olduğunu deyir: “Özüm də ürək xəstəsiyəm. Hər gün dava-dərmanla yaşayıram”.

O dəfələrlə Ombudsman aparatının qaynar xəttinə zəng vursa da, düşə bilmədiyini bildirir. Ədliyyə Naziri Fikrət Məmmədov və Penitensiar Xidmətin rəisi Ceyhun Həsənova məsələ ilə bağlı müraciət edildiyini qeyd edir.

Ombudsman aparatının mətbuat katibi Emil Şahzadə isə onların qaynar xəttinə belə məlumatın daxil olmadığını bildirir. Aparat rəsmisi deyir ki, yazılı şəkildə müraciət edildikdən sonra məsələyə baxılacaq.

Emil Şahzadə - Açıq mənbələrdən götürülüb

Penitensiar Xidmətin mətbuat katibi Mehman Sadıqov məsələyə onların baxmadığını deyib: “Bu bizim səlahiyyətimizdə deyil. Məsələyə Ədliyyə Nazirliyi Tibb-Baş İdarəsi baxır”

Ədliyyə Nazirliyi nəzdində Tibb-Baş idarəsinin rəis müavini İftixar Qurbanov “Toplum TV”-yə cəzaçəkmə müəssisələrinin hamısında tibb sanitar hissəsi olduğunu və lazım olduqda nevropotoloqun çağırıldığını, məsələni araşdıracağını deyib.

Araşdırmanın nəticəsi olaraq Ədliyyə Nazirliyinin mətbuat katibi Nigar Əliyeva onda sadəcə panik ataklar olduğunu, nevropotoloqun artıq məhbusa baş çəkdiyini deyib: “Vəziyyət nəzarətə götürülüb”.

Xatırlatma

“Gəncə hadisələri” haqqında  rəsmi məlumatda 2018-ci il iyulun 3-də Rusiya vətəndaşı Yunus Səfərovun şəhər İcra Hakimiyyətinin başçısı Elmar Vəliyevə silahla hücum etdiyi, mühafizəçisini ağır yaraladığı bildirilir.

Y.Səfərov saxlanıldıqdan sonra  sosial şəbəkələrdə etiraz olaraq 10 iyulda Gəncədə etiraz aksiyasının keçirilməsinə çağırışlar edilib. Aksiya zamanı iki polis əməkdaşı öldürülüb, biri yaralanıb.

"Gəncə hadisələri" - Sosial Media

Azərbaycan Baş Prokurorluğu, Daxili İşlər Nazirliyi və Dövlət Təhlükəsizliyi Xidmətinin birgə məlumatında aksiyada 150-200 nəfərdən ibarət “radikal dini yönümlü bir qrup şəxs”in asayişi pozmağa cəhd etdikləri, bu zaman xidməti vəzifələrini yerinə yetirən polis əməkdaşlarına küt və kəsici-deşici alətlərlə müqavimət göstərdikləri bildirilib. Ümumilikdə, 77 nəfər cinayət məsuliyyətinə cəlb edilib.

Rəsmi açıqlamaya görə,  6 nəfər şəxs hüquq-mühafizə orqanlarının əməkdaşlarına müqavimət göstərdikləri üçün  öldürülüb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Jurnalist həbs olundu, həmkarı məhkəməyə təşəkkür etdi

Samirə Əli
26 Yanvar 2023
Jurnalist Aydın Canıyev bir ay müddətinə inzibati həbs edilib. Toplum Tv xəbər verir ki, bu barədə elektron məhkəmə sistemində qeyd olunub.  Işə baxan hakim Murad Məmmədov olub. İnzibati xətalar məcəlləsinin 388-1.1.1 (İnformasiyadan istifadə edilməsi, onun yayılması və mühafizəsi qaydaları əleyhinə olan inzibati xətalar) maddəsi ilə ittiham olunub. Jurnalist Eynulla Fətullayev facebook hesabında iddia edib ki, Aydın Canıyev onun barəsində təhqir işlətdiyi üçün Baş Prokurorluğa müraciət edib: “Hörmətli baş prokurora və məhkəməyə təşəkkür edirəm”, Eynulla Fətullayevin Aydın Caniyevin həbsinə reaksiyası belə olub. Jurnalist Aydın Canın facebook səhifəsində Yasamal məhkəməsinin jurnalistə bir aylıq inzibati həbs verildiyi qeyd olunub. “ Eynulla Fətullayevin Baş...
Sosial

Dövlət Gömrük Komitəsinin 2 əməkdaşı rüşvətə görə saxlanılıb

26 Yanvar 2023
Baş prokuror yanında Korrupsiyaya qarşı Mübarizə Baş İdarəsi Dövlət Gömrük Komitəsinin Aksizli mallar İdarəsində keçirdiyi əməliyyat nəticəsində iki nəfər saxlanılıb, onlar barəsində məhkəmənin qərarı ilə həbs qətimkan tədbiri seçilib. Bu haqda Baş Prokurorluqdan Toplum TV-yə verilən məlumatda deyilir.  Saxlanılanlar Şahin İskəndərov və Cavid Məmmədovdur, onlara qarşı Cinayət Məcəlləsinin 311.2 (rüşvət alma) və 311.3.2-ci (təkrar rüşvət alma) maddələrilə ittiham elan edilib. Bildirilir ki, Baş Gömrük İdarəsinin Gömrük dəyərləndirilməsi və risklərin idarə olunması şöbəsinin əməkdaşı Şahin İskəndərovun ölkəyə gətirilmiş avtomobillərə görə ödəniləcək rüsum və digər xərclərin azaldılması müqabilində rüşvət almasına əsaslı şübhələr müəyyən edilib. Sözügedən qurumun Şirvanlı Gömrük Postunun əməkdaşı Cavid Məmmədovun...

Seçilmiş Videolar

Toplum TV loqo