Sosial

“Gəncə məhbusu”nun anası oğlunu görə bilmədən vəfat etdi

Aytac Məmmədli
27 Yanvar, 2022
329

Açıq mənbələrdən götürülüb

“Gəncə işi” ilə əlaqədar həbsxanada məhkum həyatı yaşayan şəxsin anası vəfat edib.

Bu barədə “Gəncə işi”ndə təqsirləndirilən başqa bir məhbusun anası Zemfira Hüseynzadə “Toplum TV”-yə məlumat verib. Onun sözlərinə görə, Mirzəyə anasıyla sonuncu dəfə görüşməsinə icazə verməyiblər.

Bir neçə gün əvvəl  son günlərində oğlunu görmək istəyən Etibar Hüseynova barəsində yazmışdıq. Onun oğlu Mirzə Hüseynov 2018-ci il Gəncə hadisələri ilə əlaqədar azadlıqdan məhrum edilib.

Qadının öləcəyindən xəbərdar olan yaxınları və vəkili Mirzəyə anası ilə vidalaşmaq üçün icazə verilməsini istəyirdilər.

Etibar Hüseynova - Toplum TV

M. Hüsenovun vəkili Şəhla Hümbətova məsələ ilə bağlı Ədliyyə nazirliyi, Penitensiar Xidmətin rəisinə məktublar göndərdiyini, Ombudsmanın köməkçisi Rəşid Rumzadənin müraciətdən xəbərdar olduğunu söyləmişdi.

Penitensiar Xidmətin mətbuat katibi Mehman Sadıqov isə sorğumuza cavab olaraq məsələyə baxıldığını bildirmişdi.

Lakin müraciətdən 7 gün keçməsinə baxmayaraq, Mirzəyə anasıyla görüşməyə icazə verilməyib və yanvarın 26-da E. Hüseynova vəfat edib.

 Azərbaycan Respublikasının Cəzaların İcrası Məcəlləsinin 89-cu maddəsinə əsasən, məntəqə tipli cəzaçəkmə müəssisələrində, ilk dəfə qəsdən törədilmiş böyük ictimai təhlükə törətməyən və ya az ağır cinayətlərə görə, habelə ehtiyatsızlıqdan törədilmiş cinayətlərə görə məhkum olunmuş ümumi rejimli cəzaçəkmə müəssisələrində və tərbiyə müəssisələrində saxlanılan məhkumlara onların yaxın qohumlarının ölümü və ya həyatı üçün təhlükə yaradan ağır xəstəliyi ilə əlaqədar cəzaçəkmə müəssisələrinin hüdudlarından kənara yeddi gün müddətinə qısa müddətli səfərə getməsinə icazə verilə bilər.

Sosial

Türkiyədə imtahan suallarını qanunsuz satan azərbaycanlılar saxlanılıb

17 May 2022

açıq mənbədən götürülüb

Ankarada Amerika və Türkiyə universitetlərində təhsil almaq istəyən əcnəbi tələbələrə SAT imtahan (Scholastic Aptitude Test - akademik qabiliyyət imtahanı) suallarını satdığı iddia edilən 6 şəxs saxlanılıb. "TRT Haber"in məlumatına görə, saxlanılanlar arasında azərbaycanlıların da olduğu deyilir. Ankara Respublika Baş Prokurorluğu mayın 7-də keçirilən SAT imtahan suallarının Ankarada 2-3 min dollara satılmasından sonra istintaqa başlayıb. İstintaqı dərinləşdirən prokurorluq, İran və Azərbaycan vətəndaşları da daxil olmaqla 6 şübhəlinin “Telegram” mesajlaşma proqramı vasitəsilə əlaqəyə girdiyini aşkarlayıb. Cahid və M.N. adlı şəxslərin sualları “karantin” adlandırdıqları evlərdə payladıqları müəyyən edilib. Baş Prokurorluğun göstərişi ilə Maliyyə Cinayətlərinə Qarşı Mübarizə İdarəsinin əməkdaşları təyin olunmuş ünvanlarda eyni vaxtda...
Sosial

Müştəri restoranda servis haqqı ödəməlidirmi?

Roza Məmmədova
17 May 2022

Getty Images

Restorana gedəndə xərcinizi menyudakı qiymətlərə görə hesablayırsınızsa, sürprizə hazır olun. Bəzi kafe və restoranlarda yeyib içdiyinizdən əlavə servis haqqı da tutulur. Nədir servis haqqı? Bura restoranda dinlədiyiniz musiqi, servis xidməti, istifadə olunan qab-qacaq və s. aiddir. Bakıda “Özsüt” restoranında ofisiant işləyən Pünhan Cəfərov (ad şərtidir) deyir ki, müştərilər əvvəlcədən servis haqqı tutulduğunu bilmir: “Onlar bunu ya menyu jurnalından, ya da hesab qəbzindən öyrənə bilirlər. Müştərilər çox zaman servis haqqını ən sonda, hesabı istəyəndə görür, təbii, narazılıq edənlər də olur”. Pünhanın sözlərinə görə, bu restoranda əlavə xidmət haqqı ümumi hesabın 6%-i qədərdir: “Servis haqqı ofsiantlar müştəriyə qulluq edir, restoranın boşqabları istifadə...

Seçilmiş Videolar

Toplum TV loqo