Gürcüstan da vaksinasiyaya başlayır

Sosial

15 Yanvar, 2021

125

Yekaterina Tikaradze

Foto: https://sputnik-georgia.ru

Gürcüstanda koronavirusa qarşı vaksinasiyanın bu ilin birinci rübündə tətbiq olunacağı nəzərdə tutulub.

Yerli mətbuatın yanvarın 15-də verdiyi məlumata görə, bu barədə ölkənin səhiyyə naziri Yekaterina Tikaradze bildirib.

Nazirin sözlərinə görə, Gürcüstan "COVAX” platforması vasitəsilə ilkin mərhələdə "Pfizer” vaksinini əldə edəcək. O, ilk mərhələdə ölkənin 20 faizinə çatacaq qədər vaksinin alınacağını deyib, bu isə təxminən 700 min nəfər deməkdir.

Gürcüstan Xəstəliklərə Nəzarət və İctimai Sağlamlıq Milli Mərkəzinin direktoru Amiran Qamkrelidze isə deyib ki, əhalinin 60%-nə COVİD-19 peyvəndinin vurulması planlaşdırılır.

Bildirilib ki, vaksinasiya proqramı üçün təxminən 170 milyon lariyədək büdcənin ayrılması planlaşdırılır.

Qamkrelidze klinik tədqiqatların olmamasına görə, peyvəndin 18 yaşdan aşağı şəxslərə vurulmayacağı da qeyd edib.

Gürcüstanda bəzi mütəxəssislər hökumətin "Pfizer" və "AstraZeneka" peyvəndlərini gözləməsini tənqid edirlər. Onların sözlərinə görə, bu peyvəndləri əldə etmək üçün Gürcüstana növbə gec çatacaq, həmçinin peyvəndləri saxlamaq üçün ölkədə infrastukrtur yoxdur.

Tbilisi şəhər infeksiyon xəstəliklər xəstəxanasının baş infeksionisti Tengiz Servadze hesab edir ki, Gürcüstanın çox sayda "Pfizer" vaksinini əldə etməsi çətin olacaq.

"Bu vaksinlər 70 dərəcə soyuq temperaturda saxlanılmalıdır. Ölkədə isə onların saxlanılmasına imkan verən resurslar yoxdur", - deyə Servadze vurğulayıb.

Oxşar Xəbərlər

Son sutkada nə qədər insan peyvənd olunub?

Koronavirusa bugünkü yoluxma sayı açıqlandı

Cəmil Həsənlinin Honq Konqda kitabı nəşr olundu

“YAŞAT” Fonduna daxil olan vəsaitin məbləği açıqlandı

İctimai yerlərdə 18 aktiv koronavirus xəstəsi saxlanıldı

Özünümüdafiə komandiri: "Ağdabanın müdafiəsində kənd camaatından başqa heç kəs iştirak etmədi"

Redaktorun Tövsiyələri

Özünümüdafiə komandiri: "Ağdabanın müdafiəsində kənd camaatından başqa heç kəs iştirak etmədi"

Media ilə bağlı yeni qanuna ehtiyac varmı?

Güneyli fəal: “Azərbaycandan gözlənilən dəstəyi ala bilmirik”

Hesabat: Azərbaycan məhbusların sayına görə Avropada liderlər arasındadır

Uşaqpulu: dünyada və Azərbaycanda

Məcburi köçkün: "Belə olmaz, çöldə qalmışıq"

Sosial

Son sutkada nə qədər insan peyvənd olunub?

10 Aprel 2021

Azərbaycanda son sutkada koronavirus (COVID-19) əleyhinə 41 827 vaksin vurulub. Nazirlər Kabineti yanında Operativ Qərargahdan aprelin 10-da verilən məlumata görə, bir gündə birinci mərhələ üzrə vaksinasiya olunanların sayı 32 886, ikinci mərhələ üzrə vaksinasiya olunanların sayı 8 941 nəfərdir. Ölkədə vurulan vaksinlərin ümumi sayı 1 153 549, birinci mərhələ üzrə vaksinasiya olunanların ümumi sayı 739 319, ikinci mərhələ üzrə vaksinasiya olunanların ümumi sayı isə 414 230 təşkil edir.

Davamını oxu

Sosial

Koronavirusa bugünkü yoluxma sayı açıqlandı

10 Aprel 2021

Heinrich-Böll-Stiftung

Azərbaycanda koronavirus (COVID-19) infeksiyasına 2 192 yeni yoluxma faktı qeydə alınıb, 1 554 nəfər müalicə olunaraq sağalıb. Nazirlər Kabineti yanında Operativ Qərargahdan aprelin 10-da verilən məlumata görə, COVID-19 üçün götürülən analiz nümunələri müsbət çıxmış 33 nəfər vəfat edib. Azərbaycanda indiyədək ümumilikdə 283 579 nəfər koronavirus infeksiyasına yoluxub, onlardan 249 013 nəfər müalicə olunaraq sağalıb, 3 879 nəfər vəfat edib, aktiv xəstə sayı 30 687 nəfərdir. Ölkədə son sutka ərzində 14 912, hazırkı dövrədək isə 3 005 197 test aparılıb.

Davamını oxu

Xəbər Lenti