Sosial

Həbsdə olan jurnalist Polad Aslanov aclıq aksiyasına başladı

Nigar Səmədli
18 May, 2021
498

Sosial Media

“Həyat yoldaşım həbsxanadakı qanunsuzluqları açıqladığı üçün süni məhdudiyyətlərlə üzləşir”.

Bunu “Toplum TV”-yə "Xeberman.com" və "Press-az.com" informasiya saytlarının təsisçisi Polad Aslanovun həyat yoldaşı Gülmirə Aslanova deyib 

Siyasi məhbus Polad Aslanov saxlandığı 1 Saylı Cəzaçəkmə Müəssisəsi  rəisi Emin Həsənovun qanuna zidd davranışlarına etiraz olaraq aclıq aksiyasına başlayıb.

Gülmirə Aslanovanın sözlərinə görə, rəis heyəti P.Aslanova münasibətdə ən adi maddi-məişət normalarına, ailə üzvləri və vəkili ilə telefon danışığına məhdudiyyət tətbiq edib: 

“Beynəlxalq Qırmızı Xaç Komitəsi həbsxanada ona baş çəkərkən o, içəridə olan rüşvət, korrupsiya, məhbusların incidilməsi ilə bağlı pozuntuları qurumun nümayəndələrinə məlumat verdiyi üçün bu cür süni məhdudiyyətlərlə üzləşir”. 

O bildirib ki, həbsxanada həyat yoldaşından rüşvət də tələb edirlər.
 
Penitensiar Xidmətin mətbuat katibi Mehman Sadıqov isə deyib ki, bu məlumatlar həqiqəti əks etdirmir: “Biz bu məsələni araşdırmışıq. Heç bir problem yoxdur, hər şey qaydasındadır. Məlumatlar isə həqiqətə uyğun deyil”. 

Sözügedən məsələ ilə əlaqədar olaraq “Müdafiə Xətti”nin həmtəsisçisi Rüfət Səfərov da qurumun adından bəyanat yayıb: “Beynəlxalq Qırmızı Xaç Komitəsinin Azərbaycan Nümayəndəliyindən və Ombudsman Aparatının əməkdaşlarından xahiş edirik ki, siyasi məhbus P. Aslanovun sağlıq durumunu humanitar qaydada nəzarətdə saxlasınlar. Penitensiar Xidmətin rəhbərliyindən tələb edirik ki, siyasi dustaq P.Aslanova qarşı qeyri-hüquqi, Cəzaların İcrası Məcəlləsində təsbit edilən normalarla bir araya gəlməyən və ayrıseçkilikdən qaynaqlanan davranışa son qoysun”.

Polad İsrail oğlu Aslanov 2019-cu ildə dövlətə xəyanətdə şübhəli bilinərək saxlanılıb və Azərbaycan Cinayət Məcəlləsinin 274-cü (dövlətə xəyanət) maddəsi ilə məsuliyyətə cəlb edilib.

Dövlət Təhlükəsizlik Xidmətinin yaydığı məlumata görə, Polad Aslanovun xarici xüsusi xidmət orqanlarının əməkdaşları ilə respublikadan kənarda məxfi görüşlər keçirdiyi, aldığı pul vəsaitinə dair qəbzləri imzalayıb müntəzəm pul vəsaitləri ödənilməsi şərti ilə maddi maraq müqabilində məxfi əməkdaşlığa cəlb edildiyi müəyyən olunub.

Məlumata görə, istintaq zamanı P.Aslanovun Azərbaycanın dövlət təhlükəsizliyi maraqlarına zidd olaraq xarici xüsusi xidmət orqanı nümayəndələri ilə əməkdaşlığına dair çoxsaylı materiallar əldə edilib.

Polad Aslanov bu ittihamları qəbul etmir və həbsini qanunsuz sayır. 

Sosial

Əsgərin özünü öldürdüyü bildirilir

6 İyul 2022

Açıq mənbələrdən götürülüb

Azərbaycan Ordusunun hərbi qulluqçusu intihar edib    Bu barədə iyulun 6-da Baş Prokurorluğun mətbuat xidməti məlumat yayıb.  Bildirilib ki, 5 iyul saat 17 radələrində Azərbaycan Ordusunun müddətli həqiqi hərbi xidmət hərbi qulluqçusu əsgər Tağıyev Rəvan Zeynalabdin oğlunun ona təhkim edilmiş avtomat silahdan atəş açaraq özünü öldürüb. Faktla bağlı Hərbi prokurorluqda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.     Hazırda istintaq aparılır.  Rəvan Tağıyevin Yevlaxın Salahlı kənd sakini olduğu, hadisənin Laçında baş verdiyi bildirilir.   
Sosial

Koronavirusa yoluxanların sayı artır

6 İyul 2022

Açıq mənbələrdən götürülüb

Azərbaycanda koronavirus infeksiyasına 69 yeni yoluxma faktı qeydə alınıb, 36 nəfər müalicə olunaraq sağalıb. Operativ Qərargahdan iyulun 6-da verilən məlumata görə, ölən yoxdur. İndiyədək ölkədə ümumilikdə 793 506 nəfərin koronavirus infeksiyasına yoluxması faktı müəyyən edilib, onlardan 783 501 nəfər müalicə olunaraq sağalıb, hazırda 287 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 755, bu günə qədər isə ümumilikdə 6 977 685 test icra olunub.

Seçilmiş Videolar

Toplum TV loqo