Sosial

Həkim köçü: “Dərs dediyim qrupda hər 10 tələbədən 8-i alman dilini öyrənir”

Məzahir Abdurahmanov
8 May, 2021
2064

Açıq mənbələrdən götürülüb

“Azərbaycanda həkimlərin azalmasının bir neçə səbəbi var. Onlardan biri həkimin ölkədəki gəlirinin az olmasıdır. Bir də görülən işə yetəri qədər dəyər verilməyəndə, heç kim həmin yerdə qalmağa üstünlük vermir”.

Bunu “Toplum TV”-yə radioloq həkim Aydın Əliyev deyib.

Dövlət Statistika Komitəsinin məlumatına görə, son illərdə Azərbaycanda həkimlərin sayı azalıb. 2010-cu ildə ölkədə 33 min 85 həkim fəaliyyət göstərirdisə, 2020-ci ilin sonunda onların sayı 31 min 829 nəfərə enib və ya 4 faizə yaxın azalıb. 

Aydın Əliyev - Azadlıq Radiosu

Halbuki bu müddət ərzində əhali sayı təxminən 10 faiz artıb. 2011-ci ildə Azərbaycanda əhalinin hər 10 min nəfərinə düşən həkim sayı 36 nəfər olub, ötən ilsə bu say 31-ə enib. 

Həkim sayının regional bölgüsü də diqqət çəkən məqamlardandır. Həkimlərin 65 faizə yaxını Bakıda çalışır. Başqa sözlə, paytaxtda əhalinin hər 10 min nəfərinə 92 həkim düşür. Bir neçə şəhər və rayonu çıxmaq şərtilə, rayonlarda bu göstərici 20-dən azdır.

Almaniya qaynaqlarının verdiyi məlumata görə, 2019-cu ildə bu ölkədə 877 azərbaycanlı həkim fəaliyyət göstərib - Azərbaycanda çalışan həkimlərin təxminən 3 faizi qədər.

Həkim Vasif İsmayılın sözlərinə görə, Tibb Universitetini bitirənlərin bir çoxu xarici ölkələrə gedir: “Xüsusilə də Almaniya və ya Türkiyəyə. Bu gün mən dərs dediyim qrupda hər 10 nəfərdən 8-i alman dili kursuna gedir. Müəyyən səviyyədə ad-san qazanmışlar xaric, Azərbaycan həkimlik üçün heç uyğun yer deyil.”

Vasif İsmayıl - Sosial Media

V.İsmayıl həmçinin qeyd edir ki, rayonlarda çalışmaq xüsusilə çətindir: “Çünki tibbi xidmət göstərənlərin əksəriyyəti xəstələrin verdiyi pulla dolanır. Ən çox pul verənlər də Bakıda yaşayanlardır. Ona görə həkimlər Bakıda işləməyə daha çox üstünlük verirlər”.

Aydın Əliyevsə həkim sayının azalmasına təsir edən səbəblərdən birinin yaşı 65-dən çox olanların təqaüdə göndərilməsi olduğunu vurğulayır; deyir ki, əvvəllər həkimlər 70-80 yaşına qədər işləyirdilər.

O, özəl xəstəxanların daha çox Bakıda cəmlənməsinə də diqqət çəkir və hesab edir ki, bu yöndə hökumət bəzi addımlar atmalıdır: “Əhalinin çox hissəsi Bakıdadır, burada çox sayda xəstəxana var. Ona görə də həkimlər Bakıda işləməyə üstünlük verir. Rayonlarda o şəraiti yaratsalar, mənzillə təmin etsələr, ucqar yerlərdə bir az artıq maaş versələr, xəstəxanaları avadanlıqla təmin etsələr, təbii ki, bu problem aradan qalxar”. 

Narahatlıq doğuran daha bir məqam pandemiya dövründə  epidemioloqların sayında da azalma olmasıdır. 2010-cu ildə ölkədə onların sayı 1378 nəfər olduğu halda, hazırda 948 nəfərdir. Bu isə o deməkdir ki, son 10 ildə epidemioloqların sayı 35 faizə yaxın azalıb.

A.Əliyev bu azalmanı belə izah edir: “Əvvəl bizdə  bu səviyyədə epidemiya qorxusu yox idi və təbii olaraq mütəxəssislərin sayı nisbətən azalırdı. Amma yəqin ki, artıq bu ixtisasda da artım olacaq”.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Regionlarda təbii fəlakət: Göygöldə iki nəfər həlak olub

26 May 2023

Sosial Media

Göygöl rayonunda təbii fəlakət nəticəsində iki nəfər həlak olub. Toplum TV xəbər verir ki, bu barədə mayın 26-da Daxili İşlər Nazirliyi məlumat yayıb. Bildirilir ki, Göygöl Rayon Polis Şöbəsinin əməkdaşları tərəfindən təbii fəlakət nəticəsində Gəncə çayında baş vermiş sel axınına düşərək itkin düşmüş 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanovun axtarışları davam etdirilib. İtkin düşmüş hər 2 şəxsin meyiti səhər saatlarında tapılıb. Polis əməkdaşları hər iki şəxsin meyitini çıxaraq müvafiq ekspertizaya təqdim edib. Araşdırmalar davam etdirilir. Göygölün bəzi kəndlərində güclü sel yerüstü  qaz xətlərini zədələyib. Nəticədə 4 kəndin qaz təchizatı dayandırılıb. “Azəriqaz” İstehsalat Birliyindən verilən məlumata...
Sosial

İyunda bir həftə iş olmayacaq

25 May 2023

Açıq mənbələrdən götürülüb

İyun ayında Silahlı Qüvvələr və Qurban bayramı ilə əlaqədar olaraq bir həftə iş olmayacaq. Toplum Tv xəbər verir ki, bu barədə Nazirlər Kabineti qərar çıxarıb.  Qərara əsasən, iş və istirahət günlərinin ardıcıllığını təmin etmək məqsədilə 2023-cü ilin 27 və 30 iyun iş günləri ilə müvafiq olaraq 24 və 25 iyun istirahət günlərinin yerləri dəyişdirilib. https://toplum.tv/sosial/pnazirlik-taksi-sirketleri-ldquoferdi-melumatlar-haqqindardquo-qanunu-pozurp Belə ki, 26 iyun Azərbaycan Respublikasının Silahlı Qüvvələri günüdür. İyunun 28, 29-u isə Qurban bayramı günləri müəyyən edilib. Beləliklə, 1 və 2 iyul tarixlərinin də şənbə və bazar günlərinə təsadüf etdiyini nəzərə alsaq, Silahlı Qüvvələri Günü və Qurban bayramı ilə əlaqədar bir həftə - 26,...

Seçilmiş Videolar

Toplum TV loqo